د بريتانيا دفاع وزارت د سه شنبې په ورځ د سپتمبر ۲۷ وویل چې پوتين به دغه اعلان د سپتمبر په ۳۰مه د روسېې پارلمان ته د خپلې وينا پر مهال وکړي.
دفاع وزارت پر ټويټر ليکلي دي چې په پام کې ده د اوکراین په اشغال شويو سیمو کې روان ريفرينډم یا ټولپوښتنې د سپتمبر په ۲۷مه پای ته ورسيږي.
روسېې پر اوکراین باندې پوځي یرغل ته چې د روان کال د فیبرورۍ په ۲۴مه ېې پيل کړی، د «ځانګړو پوځي عملياتو» نوم ورکوي.
پوتين يو ځل بیا لوېديځ ته خبرداری ورکړ
د بريتانيا دفاع وزارت زياته کړې: «د روسېې رهبران تقریباً په قاطع توګه د الحاق هر ډول اعلان ته هيله مند دي او هغه ته د ځانګړي پوځي عملياتو د تائيد په سترګه ګوري چې ورسره به په جګړه کې خپل وطنپرستانه ملاتړ هم تقويه کړي.»
په پام کې ده چې د ټولپوښتنو مرکزونه د سه شنبې په ورځ د سپتمبر ۲۷مه وتړل شي. د کريملین له خوا دغه ټولپوښتنې د اوکراين په څلورو هغو سيمو کې چې تر ډيره د روسي ځواکونو په کنټرول کې دي، په لاره اچول شوي دي.
یو کس د سپتمبر په ۲۶مه په سواستوپول کې د ټولپوښتنې په بهیر کې د راېې اچونې پر مهال لېدل کیږيانځور: Alexey Pavlishak/REUTERSکيف او متحدینو ېې دغه ټولپوښتنې د یو شرم په توګه محکومې کړي او ويلي دي چې لويديځ به هيڅ کله د رايو نتايج چې د روسېې د ۷ میاشتني یرغل خطرات لا پسې تشدیدوي، ونه مني.
که روسيه اټومي وسلې وکاروي څه به کيږي؟
روسي ځواکونه روانه میاشت د اوکراين په دواړو برخو، ختيځ او سويل کې سخت شاتګونو ته اړ شول او یو شمیر نېولې سېمې ورڅخه بېرته اوکرايني ځواکونو ونېولې. څارونکي وايي دغه وضعیت د دې سبب شو چې د روسېې ولسمشر ولاديمیر پوتين په سیمه کې د مسکو د اقتدار د تحکیم له پاره ټولپوښتنو ته سرعت ورکړي.
پوتین ويلي دي چې روسيه به د خپل حریم د دفاع له پاره هر ډول او ټول هغه امکانات چې په اختیار کې لري، وکاروي. دا په دې معنی ده چې د څلورو سیمو تر الحاق وروسته به مسکو وشي کړی خپلې ستراتيژيکي اتومي وسلې هلته مستقرې کړي، کوم چې اوکراین ېې د بېرته نیولو په لټه کې دی.
زیلنسکي د پوتین د اټومي وسلو د استعمال تهدیدات جدي بولي
د روسېې ولسمشر د سپتمبر په ۲۱مه لويديځ ته خبرداری ورکړ چې دی تیار دی د خپل هيواد د دفاع له پاره له اتومي وسلو کار واخلي. پوتين ويلي وو: «روسیه د ځواب ورکولو له پاره ډيرې وسلې لري.»
پوتین هغه مهال د «قسمي بسیج» اعلان هم وکړ چې د روسېې دفاع وزارت په خبره له مخې به ېې ۳۰۰ زره اضافي عسکر منسجم کیږي. تر هغه وروسته داسې رپوټونه خپاره شوي چې د پوتين له دغه اعلان سره روسان جګړې ته د استولو له ويرې له دغه هیواده د تيښتې په حال کې دي. ګورجستان او ارمنستان هغه هیوادونه دي چې د رپوټونو له مخې په زرونو روسان ورته په لاره دي. روسان دغو دوو هیوادونو ته د سفر له پاره ويزې ته اړتيا نه لري.
د اوکراين پر موضوع یو انځوریز البوم - آرشیف
د اوکراینیانو پر ژوند د جګړې بد سیوری
پر اوکراین باندې د روسیې د پوځي برید د یوې اونۍ په تیریدو د دغه هیواد ګڼ ښارونه اوس بله څیره لري. ویجاړي، وران شوي کورونه او په اورونو کې سوځیدلې او ویجاړې شوې ودانۍ اوس هر چیرته تر سترګو کیږي. نور انځورونه یې دلته:
انځور: Emilio Morenatti/dpa/AP/picture allianceپر اوکراین د روسیې د برید اوومه ورځ
د کیف ښار ته نیږدې د بورودیانګا کوچني ښارګوټي کې د مارچ میاشتې په دومه نیټه چاودنې شوي دي او د روسیې له لوري په دغه ښار کې ګڼ شمیر ودانۍ په نخښه شوي دي. بل لوري ته ګڼ شمیر روسي پوځي موټر او ټانکونه چې د کتار اوږدوالی یې نیږودې ۵۶ کیلومترو ته رسیږي، اوس د اوکراین پلازمینې کیف ته نیږدې شوي دي.
کیف ښار ته نیږې یوه ویجاړ شوي پله اوس د خلکو د تګ راتګ له پاره ستونزې راولاړې کړي دي. دغه پل د روسیې د توغندیو په برید کې ویجاړ شوی دی. سربیره پر دې، روسیې د اوکراین پر سترو ښارونو باندې هم خپلو بریدونو ته شدت ورکړی دی.
د ملکیانو کورونه هم په نخښه کیږي
د اوکراین په هورنکا ښار کې روسیې یو شمیر کورونه هم ویشتلي دي. ملګرو ملتونو بیا د اوکراین جګړه ځپلو ته د لږ تر لږه ۱،۵ میلیارده یورو مرستې غږ کړی دی. د ملګرو ملتونو د بشري مرستو د همغږي کوونکي سازمان په حواله له دې پیسو به ۹۸۰ میلیونه یې په اوکراین کې دننه د اړتیاوو د پوره کولو او ۴۹۲ میلیونه یورو یې بیا د اوکرایني جګړه ځپلو له پاره بیلې کړي دي.
د روسي پلوه بیلتون غوښتونکو بریدونه
د روسیې د ځواکونو سربیره د روسي پلوه بیلتونپالو له لوري هم د اوکراین په ګڼ شمیر سیمو کې بریدونه شوي او دلته په هورلیفکا ښار کې خلک د دغو پیښو شاهدان دي. د هورلیفکا ښار د اوکراين دونيڅک سیمه کې پروت دی چې د بیلتونپالو په کنټرول کې دی.
د روسیې تر پوځي برید وروسته د لومړي ځل له پاره د دوشنبې په ورځ د مارچ میاشتې په لومړۍ نیټه د اوکرایني مهاجرینو لومړۍ ډله د ریل ګاډي په واسطه برلین ته ورسیدله. د آلمان پلازمیې برلین او د دې هیواد ګڼ شمیر ایالاتونو د اوکراینې مهاجرینو د منلو له پاره ټټر وهلی دی. سربیره پر دې، د نړۍ ګڼ شمیر هیوادونو هم له اوکراین څخه د خپلو اتباعو په ایستلو پیل کړی دی.
د روسیې تر پوځي برید وروسته له ټولۍ نړۍ څخه ګڼ شمیر اوکرایني وګړو د روسیې پر خلاف د وسلې پورته کولو له پاره اوکراین ته سفر کړی دی. په انځور کې یوه ډله اوکراینان لیدل کیږي چې د جګړې له پاره بیرته اوکراین ته ورګرځي.
د کیف ښار ته نیږدې په بوچا ښار کې یو اوکرایني وګړۍ د روسیې د سوځل شویو ټانکونو او پوځي تجهیزاتو تر څنګ تیریږي. روسیې بیا په تیرو څو ساعتونو کې د اوکراین پر خارکیف ښار شدیده بمباري کړي او ګڼ شمیر پوځی او غیر پوځی اهداف یې ویشتلي دي.
د پولیسو مرکز د اور په لمبو کې
د چهارشنبې په ورځ د مارچ میاشتې په دومه نیټه روسي ځواکونو په خارکیف ښار کې هم شدیده بماري کړې ده چې له کبله یې د پولیسو یوه ودانۍ هم ویجاړه شوې ده. اوکراین ویلي چې د روسیې د پوځي برید له پیل راهیسې نیږدې ۲۰۰۰ اوکراینیان وژل شوي دي او سلګونه کورونه او ودانۍ هم ویجاړې شوي دي.
د اوکراین د مختلفو ښارونو اوسیدونکي د روسیې د پوځي برید له پاره چمتووالی نیسي. روسیې بیا په دې ترڅ کې ویلي چې تر اوسه پورې یې ۴۹۸ تنه روسي سرتیري وژل شوي او ۱۵۹۷ تنه نور بیا ټپیان شوي دي.
روغتیايي مرکزونه او ستونزې یې
د روسیې د پوځي برید په نتیجه کې د اوکرایني چارواکو په خبره ګڼ شمیر روغتونونه هم په نخښه شوي دي. په انځور کې لیدل کیږي چې ناروغې میرمنې او نوي زیږیدلي ماشومان تر ځمکې لاندې یوه روغتون ته تللي. ګڼ شمیر اوکرایني وګړي د هوايي بریدونو له ویرې خوندي ځایونو او تر ځمکې لاندې سیمو ته پنا وړي.
