د انګلستان په جنوب ختیځ سیمه کینت کې د دغې پېښې په اړه د عدلي طب تحقیق کوونکې کترینا هيپبرن، د جمعې په ورځ وويل چې د څلورو مړه شوو مهاجرو هویت تر اوسه پورې ناڅرګند وو.
خو هغې د کينټ پولیسو له خوا د يو خپور شوي رپوټ په حواله وويل چې «ممکن» په دغو قربانيانو کې دوه ېې له سینګال او دوه ېې له افغانستان څخه وي.
زیاته شوې چې په دې هکله څېړنه، د پولیسو له خوا د لا ډيرو پلټنو په خاطر ځنډول شوې ده.
تر ۱۶۰ ډیر کسان په انګلیس کانال کې له ډوبیدو ژغورل شوي
د دغو مهاجرو ليږدونکې بادي کښتۍ په ډېره سړه هوا کې له ستونزې سره مخ شوې چې له پاره ېې د نجات په یوه ماموریت کې د بريتانیا ساحلي ساتونکو، نورو عاجلو مرسته کوونکو او په سیمه کې د کب نيونکو ېوې کښتۍ برخه اخیستلې وه. په عملیاتو کې ۳۹ تنه نور روغ رمټ ساحل ته وښکل شوي ول.
پولیسو د يکشنبې په ورځ ويلي ول چې ۱۹ کلن ابراهیم باه په نوم کس، بریتانيا ته د دغو کسانو د غیرقانوني انتقال مسئول دی.
فرانسې او بریتانيا د غیرقانوني مهاجرتونو د مخنيوي په موخه تړون لاسلیک کړی
یو کال مخکې هم په مانش کانال کې د مهاجرو د یوې کښتۍ د ډوبېدو په ورته پېښه کې ۲۷ کسان مړه شول.
د بريتانيا حکومت ژمنه کړې ده چې دغه هیواد ته د مخ پر ډيریدونکي مهاجرتونو چې خلک ېې له پاره خپل ژوند په خطر کې اچوي، مخنیوی وکړي.
مانش کانال د نړۍ په سطحه په کښتۍ کې د غیرقانوني مهاجرتونو يوه تر ټولو مصروفه او وژنکې لار ګڼل کيږي.
له بریتانیا څخه د مهاجرو لومړۍ ډله روونډا هیواد ته استول کیږي
قضاتو د دوشنبې په ورځ په لندن کې حکم صادر کړ چې روانډا ته پر دغه لار د ټولو رسیدلو مهاجرو د ډيپورتولو جنجالي پلان، قانوني دی.
بریتانیا ته د مانش کانال له لارې مهاجرتونه د فرانسې له شمالي سواحلو څخه په کوچنیو کښتيو کې ترسره کيږي. سږکال پر دغه له ۴۵زرو ډیر خلک بریتانيا ته رسيدلي دي.
د مهاجرت پر موضوع له آرشیف څخه یو انځوریز البوم:
له ځنګل کمپ څخه پاريس ته او بيا ...
د فرانسې په کاله کې پولیسو لخوا د «ځنګل» موقت کمپ له ورانيدو وروسته، په زرونو مهاجر پلازمينه پاریس راوړل شول. خو لا هم زیات شمير مهاجر غواړي بيرته کاله ته ولاړ شي تر څو له هغه ځایه بريتانيا ته تللي وي.
انځور: Reuters/C. Platiau پاریس کې د مهاجرو د خيمو غورځول
د فرانسې پولیسو د پاریس ښار د ستالينګراد ميترو ستيشن ته نژدې د پياده روونو پر سر د مهاجرو درول شوې خيمې او د خوب لپاره هوارې کړل شوې دوشکې او بیسترې ټولې کړې. د کالې کمپ له ورانيډو وروسته پاريس کې د مهاجرو شمير تر ۳۰۰۰ پورې لوړ شو.
دا به د کمپ د پاک کارۍ وروستی ځل وي؟
مهاجرې ښځې په سړه هوا کې بسونو ته ولاړې دي تر څو یې د فرانسې ښار بلې سيمې ته د مهاجرو د پزيرش مرکز ته رسولي وي. په پاريس کې د مهاجرو کمپ په وروستيو مياشتو کې هم دوه ځله پاک کاري شوی وو. د پزيرش مرکزونه به په راتلونکې کې د موقتي کمپونو د جوړيدو مخنيوي وکړي.
په زرونو هغه مهاجر چې د «ځنګل» کمپ تر ورانيدو وروسته د فرانسې پلازمينې پاریس ته راغلي، په دې هيله دي چې بيرته کالي ته ولاړ شي، تر څو له هغه ځايه بريتانيا ته تللي وي.
د فرانسې حکومت لخوا په کالې کې د مهاجرو کمپ تر ويجاړيدو وروسته، یو شمير مهاجرو د پاريس ښار په کوڅو کې خپلې خيمې ودرولې. له همدې کبله اوس د فرانسې په کوڅو کې د مهاجرو شمير زیات شوی دی.
کوم مهاجر چې تيرکال فرانسې ته رسيدلي ول، اکثره یې د افغانستان، عراق، اريتيريا او سوډان هيوادونو څخه دي. دوي غالباً هڅې کړي تر څو د لاريو او نوور وسايطو په ذريعه د بريتانيا پر لور وتښتي.
يوه ډله ځوان مهاجر په کاله کې «ځنګل» کمپ ته نژدې ولاړ دي. د اکتوبر میاشت په ۲۶ مه، کله چې پوليسو له کمپ څخه د شاوخوا ۱۰ زره مهاجرو د وښکلو کار پیل کړ، کمپ ميشتو په اعتراض کې اورونو بل کړل.
مهاجر له کالې څخه د وتلو په حال کې
د فرانسې د کالې په «ځنګل» نومې کمپ کې شاوخوا لس زره مهاجر په دې اميد ميشت ول چې بريتانيا ته به ځي. چارواکو د فرانسې نورو سيمو ته د دغو مهاجرو د انتقال پر وخت هڅې وکړې، تر څو يې د اعتراضاتو د پيښيدو څخه مخنيوی کړی وي.
دا په کاله کې د «ځنګل» کمپ یوه برخه ده. په دغه کمپ کې مهاجر په ناپاکه کانتينرونو او خيمو کې په بد حالت کې ژوند کاوه. دغو خيمو د باد او لمر په مقابل کې ډیر کم مقاومت لاره.
د فرانسې ولسمشر فرانسوا اولاند وویل چې نور به څوک پرې نښودل شي چې د کالې د مهاجرو په کمپ کې له سره میشت شي. د «ځنګل»کمپ په اروپا کې د مهاجرو د بحران د سمبول په توګه بدل شو.
