د بریتانیا د پارلمان غړی او په پارلمان کي د صدارت سکرتر، کریس فلیپ پرون شنبه (د ګست میاشتي ۸ مه) په هغه مقاله کي چي په «دیلي تلګراف» ورځپاڼه کي يې لیکلې، ویلي، چي فرانسه باید هغه مهاجرین چي د ساحل په مخکي یې نیسي، بیرته راوګرځوي. فلیپ اضافه کړې ده چي «فرانسه باید موږ ته اطمینان راکړي، هغه مهاجرین چي بریتانیا ته د تګ کوښښ کوي او نیول کیږي، دوهم وار ونسي کولای خپل دغه ډول کوښښ ته دوام ورکړي.»
هغه پیشنهاد کوي، هغه مهاجرین چي بریتانیا ته د غیرقانوني تګ تر کوښښ وروسته نیول کیږي، باید د ګوتي نښان یې واخیستل او راجستر سي. هغه د جدي تدابیرو غوښتونکی سو، لکه د هغوی اخراج او یا بندي کیدل. هغه اضافه کړه، چي خپل دغه پیشنهادونه به په راتلونکې اوونۍ کي په پاریس کي د خپل فرانسوي سیال سره مطرح کړي.
هغه مهاجرین چي بریتانیا ته د غیرقانوني تګ تر کوښښ وروسته نیول کیږي، باید د ګوتي نښان یې واخیستل او راجستر سيانځور: AFP/Getty Images/D. Charletهمدا تېره پنجشنبه (د ګست میاشتي ۶ مه) په یوه نوي ریکارد سره ۲۳۵ مهاجرو کوښښ وکړ، چي د مانش کانال څخه تیر سي. د هغوی اکثریت په اوبو کي د بریتانا د ساحلي ګارد پواسطه ونیول سول.
د دغه ډول مهاجرینو تعداد په جولای میاشت کي ۱۰۰۰ تنو ته رسیدلی ؤ.هغوی اکثره د عراق، ایران، سوریې او اریتریا څخه وه.
د بریتانیا د کورنیو چارو وزیر، پریتي پتل دغه ډول لوړ تعداد مهاجرینو ته په کتو سره تأسف ښکاره کړ. هغه اضافه کړې، چي وزارت یې هغه رپوټونه تائیدوي، د کومو پراساس چي د مانش په کانال کي د جنګي کښتیو پر عملیاتو باندي غور کیږي.
د اسوشیتد پرس بریتانوي خبري آژانس په حواله د دغه هیواد د دفاع د وزارت یوه کارکونکي دغه فکر «کاملأ احمقانه» بللی دی. هغه چي نوم یاد سوی نه دی، ویلي دي، چي دغه ډول یو عملیات «غیر ضروري او غیر متناسب» دي او په کښتیو کي انسانان د لوی خطر سره مخامخ کوي.
د مهاجرت پر موضوع زموږ له آرشيف څخه يو ا نځوريز البوم:
د یونان ساموس ټاپو ته ورځ تر بلې ډیر افغان مهاجر رسيږي
د مهاجرو په چارو کې د ملګرو ملتونو عالي کمشنرۍ وايي چې په دې ورستيو کې د يونان په ساموس ټاپو کې د افغان مهاجرو شمير لوړ شوی دی. دغه سازمان وايي د ساموس کمپ د مهاجرو ۳۷ سلنه افغانان دي.
انځور: Infomigrants/N. Ahmadiد يونان په ساموس جزيره کې د مهاجرو شمير د کمپ له اصلي وړتيا څخه ډير لوړ دی. د مهاجرو په چارو کې د ملګرو ملتونو د عالي کمشنرۍ يو چارواکی وايي چې په دغه مرکز وضعيت کړکيچن دی.
د ساموس ښاروال انکلو پولوس له دې امله چې په ساموس کمپ کې د مهاجرو شمير د دغه ټاپو د اوسيدونکو په پرتله ډير دي، د دغه کمپ د تړلو غوښتنه يې کړې ده.
تر۴۰۰۰ زيات کسان په داسي ځای کې ژوند کوي چې هغه ځای په اصل کې د ۷۰۰ کسانو له پاره جوړ شوی دی. ۲۰۰۰ کسان يوازي په داسې خيمو کې ژوند کوي چې دوی په خپله ځان ته درولي دي.
د قانون له مخې له ترکيې څخه يونان ته رسيدلي مهاجر بايد د يونان په کمپونو کې خپل پناه غوښتنلیکونه وسپاري. خو په کمپونو کې د مهاجرو ډير رش د دې لامل شوی چې مهاجر د پناه غوښتنې ځواب ته ډير وخت په انتظار کې تير کړي.
په ساموس کې حکومتي چارواکي او ځايي اوسيدونکي وايي چې په ورستيو کلونو کې دغه ټاپو ته د ورتلونکو سيلانيانو په شمير کې ډير کمښت راغلی دی.
ماشومانو له پاره د ساتيرۍ پروګرامونه
په ساموس کمپ کې ډيري ښځي او ماشومان په سخت وضعيت کې خپل ژوند تيروي. په دغه کمپ کې د رضاکارانو يو سازمان د ماشومانو له پاره د ساتيري پروګرامونه جوړوي.
کمپ ته په تازه رسيدلو مهاجرو کې ۳۷ سلنه يې افغانان، ۲۰ سلنه عراقي، ۱۴ سلنه سوريايي او ۸ سلنه يې د کامرون مهاجر دي.
زین الله محمدي د خپلي ميندواره ميرمنې او درو ماشومانو سره له غزني څخه يونان ته ځان رسولی دی. هغه اوس په يوه خيمه کې ژوند کوي. هغه د پښو او ملا له درده رنځ وړي. محمدي وايي چې تیره اوونۍ چې باران وريده خیمه يې له اوبو ډکه شوه.
دغه ماشوم په سيند کې زيږيدلی دی
دغه مور وايي چې ماشوم يې د مهاجرت پر لاره په سيند کې په يوه کښتۍ کې زېږولی دی. د دغې ښځې په خبره په کښتۍ کې روغتيايي اسانتياوې نه وې.
