پاکستاني پولیسو او دولتي چارواکو دغه ترافيکي پېښه تائېد کړې او وېلي ېې دي پېښه د چهارشنبې په ورځ سهار وختي شوې ده. د وژل شوو په ډله کې ښځې او ماشومان هم شامل دي.
په سیمه کې يوه چارواکي عصمت الله، وويل چې په پېښه کې لږ تر لږه ۲۲ تنه ټپیان شوي هم دي چې د کويټې ښار روغتون ته رسول شوي چې د ځينو روغتيايي وضعیت نازک دی.
د ځايي پولیسو یو افسر، اصغر علي، وويل چې دغه مساپروړونکی بس له تربت ښار څخه روان شوی وو چې په واشک سيمه کې د پېښې ښکار شو. تربت د پاکستان د بلوچستان ایالت تر مرکز کوېټې وروسته دوهم لوی ښار دی.
ځايي رسنیو د پېښې انځورونه خپاره کړي چې په کې ګړنګ ته غورځېدلی تخریب شوی بس ليدل کیږي.
د پاکستان د کورنيو چارو وزير محسن نقوي، پر پېښه خفګان ښودلی دی. په پاکستان کې ترافيکي پېښې معمول دي، په ځانګړې توګه پر خرابو او ناهوارو سړکونو چې لامل ېې تر ډېره د ترافيکي قوانینو نه رعایت ښودل کيږي.
د روانې مياشتې په سر کې هم په یوه ورته ترافيکی پېښه کې لږ تر لږه ۲۰ کسان وژل شوي او ۳۰ نور ټپيان شوي ول.
mks/bs (AP,dpa)
په پاکستان کې د وروستۍ ګرمې څپې پر موضوع یو انځوریز البوم:
اقليمي بدلون؛ پاکستان کې تودوخه له ۵۰ درجو اوښتې
د پاکستان په يو شمير سيمو کې د حرارت درجه له ۵۰ سانتي ګراد اوښتې او مېندوارو ښځو، ماشومانو او د پاخه عمر کسانو ته د احتیاط سپارښتنه شوې. کارپوهان د تودوخې لوړې درجې، سېلابونو او نورو طبیعي پېښو یو لامل اقلیمي بدلون ښيي. انځور: Shakeel Ahmad/AA/picture alliance د پاکستان هوا پيژندنې ادارې دوشنبه د ۲۰۲۴م کال د می ۲۷مه اعلان وکړ چې د سيند په موهنجو دارو کې چې د نړۍ له سترو لرغونو ښارونو څخه يو دی، د حرارت درجه د سانتیګراد په کچه ۵۳ ته پورته شوې ده.
انځور: Farooq Naeem/AFP مېندواره مېرمنو ته خبرداری د پاکستان حکومت خبرداری ورکړی چې په نهایت ګرمې هوا کې مېندواره مېرمنې، ماشومان او زاړه افراد تر ټولو ډېر له خطر سره مخامخ وي.
انځور: Ute Grabowsky/photothek/picture alliance د پاکستان حکومت د ګرمې هوا له کبله د ښوونځیو د تړلو او د آزموینو د تعویق ته اچولو امر کړی دی.
انځور: Arif Ali/AFP/Getty Images پاکستان همدارنګه په روغتونو کې بېړنی حالت اعلان کړی او په زرونو موقتي کمپونو يې چمتو کړي دي.
انځور: Faridullah Khan/DW د نورو ګرمو څپو وړاندوینه د پاکستان د اقليم بدلون وزارت په جون مېاشتې کې هم د تودښې دوو نورو څپو وړاندوينه کړې چې لا ډېرې سېمې به وځپي.
انځور: Tanvir Shahzad پاکستان په وروستیو کلونو کې سېلابونو هم سخت ځپلی دی. هرکال د پاکستان په سېلابونو کې په سلونو کسان خپل ژوند له لاسه ورکوي.
انځور: Banaras Khan/AFP/Getty Images په دې وروستیو ورځو کې د افغانستان په مختلفو ولایتونو کې سېلابونو په سلهاوو کسان وژلي او درانه زیانونه ېې اړولي دي. بغلان، سرپل او غور ولایتونو کې تر ټولو ډېر زیانونه اوښتي.
انځور: Atif Aryan/AFP/Getty Images هند او بنګله دیش کې سایکلون رمال د ۲۰۲۴م کال د می ۲۷مې رپوټونو په حواله د رمال په نوم سايکلون يا طوفان په بنګله دیش کې ۱۶ کسان وژلي. دغه طوفان په مجموع کې ۳ اعشاریه ۷۵ میلیونه خلک اغیزمن کړي دي.
انځور: Subrata Goswami/DW په لسونو زره کورونه تخریب شوي د بنګله دیش حکومت اعلان ويلي چې دې طوفان یوازې په دغه هېواد کې ۳۵ زره او ۴۸۳ کورونه له منځه وړي او ۱۱۵زه او ۹۹۲ کورونه ېې تخریب کړي دی.
انځور: Goutam Hore/DW رپوټونه وايي په بنګله دیش کې د رمال سایکلون يا طوفان د سمندر څپې راپورته کړې چې له کبله ېې ښارونه سیلابونو لاندې کړي دي.
انځور: Abdul Goni/AP/picture alliance په هندوستان کې سایکلون رمال لږ تر لږه ۶ کسان وژلي. رپوټونه وايي طوفان د سمندر څپې راپورته کړې چې له کبله ېې ښارونه سیلابونو لاندې کړي دي. انځور د هندوستان د کلکتې ښار دی.
انځور: Satyajit Shaw/DW د ټایلند حکومت هم په وروستیو کې اعلان وکړ چې په ټولو سېمو کې د حرارت درجه لوړه شوې او په ځانګړې توګه ناروغانو ته ېې سپارښتنه کړې وه چې له کورونو بهر ونه وځي.
انځور: Lillian Suwanrumpha/AFP/Getty Images د ګرمې هوا نه علاوه په سړې هوا او ورښتونو کې هم بې نظمي ليدل کيږي. د روان کال د اپريل په ۲۱مه د آلمان په یو شمېر سيمو کې سړې څپې چلېدلې او په ځينو سېمو کې درنه واوره وورېده.
انځور: Silas Stein/IMAGO
