په بنګله دیش کې د اونیو راهیسې روان احتجاجونه، د څو ورځو را په دې خوا په تاوتریخوالي اوښتي دي.
د فرانسې خبري آژانس د کلینیکونو د مسئولینو په حواله ویلي دي چې د محصلینو په دغو اعتراضونو کې په روانه اونۍ کې ۱۰۵ تنو خپل ژوند له لاسه ورکړی دی.
حکومت د جمعې په شپه د هیواد په کچه پر تګ راتګ بندیز وضع کړ او د پوځ د عملیاتو اعلان یې وکړ.
د اونیو راهیسې په بنګله دیش کې محصلین د حکومتي سهمیې سیستم پر ضد مظاهرې کوي. دغه سیستم په پام کې لري چې دبنګله دیش په عامه خدماتو کې تر نیمایي ډیر کارځایونه له ښه معاش سره د مشخصو ټولنو ډلو ته اختصاص ورکړل شي. انتقاد کوونکي وایي چې ونډې یا سهمیې د ۷۶ کلنې لومړۍ وزیرې شیخ حسینه پلویانو ته امتیاز ورکوي.
د عامه خدماتو کارځایونو له پاره د سهمیې سیستم، د ټول هیواد په کچه د اعتراضونو سبب شوي او حکومت هڅه کوي چې اعتراضونه سرکوب کړي.
د بنګله دیش په یوه شړ ټاپو کې د روهنګیایانو د هستوګنولو پلان
بنګله دیش ۲۷۲ میلیونه ډالر مصرفوي چې د بهسن چار ټاپو د روهنګیا لږکیو له پاره د هستوګنې جوګه شي. خو روهنګیا مهاجر چې اوس د کوکس بازار په سیمه کې په یوه کمپ کې اوسیږي، نه غواړي دغه ټاپو ته د ژوند کولو له پاره ورشي. انځور: DW/A. Islam له وچې څخه لیرې پروت ټاپو بهسن چار چې په بنګالي ژبه کې «لامبو وهونکي» ټاپو ته ویل کیږي، شل کاله کیږي چې رامنځ ته شوی دی. دغه ټاپو له وچې څخه ۳۰ کیلومتره وړاندې پروت دی. د زیاتره مسلمان میشته هیواد حکومت پلان لري چې دغه ټاپو کې د کوکس بازار له مهاجر کمپونو څخه ۱۰۰ زره روهنګیا مهاجر هلته هستوګن کړي.
انځور: DW/A. Islam ترانسپورتي چارې آسانه نه دي دغه ټاپو ته د تګ له پاره د عامو خلکو له پاره مناسب ترانسپورت نه شته. ځینو خلکو له دویچه ویله سره په خبرو کې وویل چې د سمندر تندخویي د برسات په موسم کې د کښتیو په واسطه دغه ټاپو ته رسیدل ستونزمنوي.
انځور: DW/A. Islam دغه ټاپو د بندونو په واسطه خوندي شوی؟ حکومت ۱۳ کیلومتره اوږد او درې متره لوړ بندونه جوړ کړي دي چې دغه ټاپو د سمندر له لوړو څپو او سیلابونو څخه وژغورل شي. خو د ټاپو د دوکاندارانو په وینا د بندونو باندینۍ برخې په یوه میاشت کې دوه وارې تر اوبو لاندې شوي دي.
انځور: DW/A. Islam د بنګله دیش حکومت د روهنګیا مهاجرو د هستوګنولو له پاره په دغه ټاپو کې ۱۴۴۰ یو پوړیزې ودانۍ جوړې کړي دي چې هره ودانۍ ۱۶ خونې لري. لږ تر لږه د څلور کسانو کورنۍ باید په یوه کوچنۍ خونه کې ژوند وکړي. ۱۲۰ څلور پوړیزي ودانۍ هم شته د توپانونو پر مهال به ترې استفاده کیدی شي.
انځور: DW/N. Conrad په بهسن چار کې ټولې ودانۍ په سولري بریښنا سمبال دي، چې د انرژۍ اړتیا پوره کړي. د سولر بریښنا یو لوی مرکز او د بریښنا دوه ډیزلي جنراتورونه هم نصب شوي دي. په دغه ټاپو کې د څښاک د اوبو آسانتیاوې هم په پام کې نیول شوي دي.
انځور: DW/A. Islam دغه ټاپو ته د خپل بې ثباته خاصیت له کبله «لامبو وهونکی» ټاپو هم ویل کیږي. د سپوږمکیو انځورونو په ۲۰۰۲م کال کې دغه ټاپو کشف کړ. بنګله دیشي چارواکو د پایو، کاڼو او شګو له بوجیو څخه داسې جوړښتونه رامنځ ته کړي چې د دغه ټاپو د له منځه تللو مخنیوی وکړي.
انځور: DW/A. Islam په داسې حال کې چې ځینې کارپوهان وایي چې دغه ټاپو لا هم ژر ماتیدونکی او د اوسیدو جوګه نه دی، خو د اقلیم د بدلون متخصص آینون نشاط په دې نظر دی چې خلک دغلته اوسیدی شي، که چیرې بندونه له شپږ نیمو مترو څخه تر اوو مترو پورې لوړ کړی شي. خو هغه باور نه لري چې په دغه ټاپو کې دې کرهڼه وشي.
انځور: DW/A. Islam روهنګیا له توپانونو او غرقیدو څخه ویره لري روهنګیا مهاجر اندیښنه لري چې که چیرې دوی په دغه ټاپو کې اجباري هستوګنې ته مجبور کړای شي، ښایي د توپانونو په پایله کې مړه شي. د هغوی په خبره ښایي د دوی کوچنیان په اوبو کې غرق شي.
انځور: DW/A. Islam آیا روهنګیا لږکي به هلته ولاړ شي؟ په داسې حال کې چې دغه ټاپو د روهنګیایانو اوسیدو ته کابو جوګه دی، حکومت باید دغه ټاپو د انسانانو د انتقالولو په هکله پریکړه وکړي. ځینو سرچینو ویلي دي چې ښایي بیا هستوګنول په نومبر میاشت کې تر سره شي. حکومت دې ته اشاره کړې ده، چې که چیرې څوک د کوکس بازار له مهاجر کمپ څخه تګ غوره نه کړي، نو دوی به مهاجر په زور دغلته تګ ته مجبوره کړي.
انځور: DW/A. Islam
د «بي بي سي بنګله» خبري شبکې د بنګله دیشي ورځپاڼو «پروتوم آلو» او«ډیلي سټار» په استناد رپوټ ورکړی چې د سه شنبې ورځې څخه د تاوتریخوالي د پیلیدو راهیسې تر ۱۰۰ د ډیرو انسانانو په دغو اعتراضونو کې خپل ژوند له لاسه ورکړی دی. یوازې د تیرې جمعې په ورځ لږ تر لږه ۵۶ کسان وژل شوي دي.
د مخابراتي اړیکو پرې کیدل د سه شنبې په ورځ د دغې او نورو سیمه ایزو رسنیو رپوټونه په انلاین بڼه د لاسرسي وړ نه وو؛ ځکه حکومت ټولې تلیفوني اړیکې او مسجونه په بشپړ ډول بند کړي وو. په ورته وخت کې د قربانیانو شمیر په رسمي ډول نه دی تایید شوی. په بنګله دیش کې د امریکا متحده ایالاتو سفارت له سلګونو تر زرګونو اعتراض کوونکو خبره کړې ده.
همدارنګه د دغه هیواد ورځپاڼو د پولیس چارواکو په حواله رپوټ ورکړی دی چې د جمعې په ورځ په پلازمېنه کې هر ډول را ټولیدنه تر راتلونکي اطلاع پورې منع اعلان شوې ده.
خو سره له دې هم په قسمي ډول اعتراضونه ترسره شوي دي. پولیسو د مظاهره کوونکو پر وړاندې له اوښکي بهوونکي ګازو او ربړي مرمیو څخه کار اخیستی دی.
په سیمه کې د المان خبري آژانس رپوټ ورکړی دی چې احتجاج کوونکو د نورو ترڅنګ دوکانونو، موټرو او دفترونو ته اور اچولی دی.
د دغه هیواد پولیسو ویلي دي چې د شورش ضد عملیاتو په ترڅ کې یې ۳۰۰ مامورین ټپیان شوي دي. د جمعې ورځې تر غرمې وروسته پولیسو د حکومت مخالف مهم سیاستوال روح الکبیر رضوي، هم نیولی دی.
آژانسونه: ش.ن/ خ.ح
سفر که ډارونکی خوبThis browser does not support the video element.