په ټوليزه توګه زيارت کونکي د ايپک سانت جيمز زيارت ته د رسيدو له پاره څه نه څه ۴۲ زره کيلوميتره لار بايد ووهي. وروستی هدف يې د عیسی عليه السلام د حواري سانت جيمز عظيم مقبره ده چې په ګاليسيه ښار کې د سانتياګو دي ګومپوستيلا په کليسا کې پرته ده. ډير شمير عیسوي زيارت کونکي دغه لار وهي او دې زيارت ته راځي.

ډير زيارت کونکي چې د پيرو سنکارا درې ته ورځي نو (لکه په انځور کې) د نڅاګرو کالي اغوندي. دغلته ۱۰۰ بيلا بيل ډول نڅاوې ترسره کيږي. دغه مذهبي رسمونه د مستۍ او شوخۍ ډکې غيږ نيونه سره سر ته رسیږي. د دې زيارت سره تړلي دودونه د یونيسکو له خوا د نړۍ د کلتوري ميراث په نوملړ کې شامل کړل شوي.

بيت المقدس د پيړيو راهيسې یوه شخړه ايزه سيمه ده. مسلمانان، عیسويان او یهودان درې واړه يې خپل مقدس ښار ګڼي. د نړۍ درې توحيدي دينونه چې د ابراهيم عليه السلام په شخص کې مشترکې ریښې لري، يعني يو خدا مني. عيسويان په دې عقيده دي چې عیسي عليه السلام پر صليب تر ځړول کيدو وروسته په دې مقدسه مقبره کې خښ کړل شوی.

د نړۍ ټول مسلمانان چې مالي توان يې ولري، یو ځل بايد د مکې معظمې زیارت یعني حج وکړي. په دې ترڅ کې بيلا بيل مراسم پر ځای کيږي چې په هغه کې د کعبې شریفې اووه دورې کول او د نورو مقدسو ځايونو زيارت کول شامل دي. هر کال په سونو زره مسلمانان مکې معظمې ته ځي.

هر کال تقريباً ۳۰ مليونه شيعه زائرين د عراق په کربلا ښار کې د اسلام د پيغمبر د لمسي مقبرې ته ورځي. دلته دوی د مقبرې د سپينو زرو جالۍ او نورو سپيڅلي څایونه لمس کوي. دا زيارت کونکي عقيده لري چې له دغه لمس څخه ترلاسه شوې سعادت د ناروغتياو په له منځه وړولو کې مرسته کوي.

د سنيګال په تووبا ښار کې د شيخ امادو بامبا جومات او زيارت ته هم په زرونو انسانان ورځي. دا چې په دې ښار کې کوم ځانګړي هوټلونه نشته نو ځاي اوسيدونکي دې زیارت کونکو ته په خپلو کورونو کې ځای ورکوي. د سيمه ايز خلکو دې ګام ته په ډيره درنه سترګه کتل کيږي.

د شيکوکو زيارت هم لږ د سانتياګو دي کومپوستيلا زيارت ته ورته دی. زيارت کونکي سپينې جامې په تن او يو کتاب په لاس چې دلته تر رسيدو وروسته ورباندې مهر لګول کيږي، د جاپان دې ټاپو ته سفر کوي. زيارت کونکي پر هغه لار سفر کوي چې ۱۲۰۰ کاله پخوا پرې راهب کوبو دایشي تللی وو څو سعادت ترلاسه کړي. نن سبا ډیر سيالانيان د ورځني ژوند د شور ماشو څخه د تیښتې په موخه هم دغه ټاپو ته ورځي.

هر کال په دسمبر مياشت کې د ۶ او ۸ مليون ترمنڅ کاتوليکي عیسويان د دريو ورځو له پاره مکسيکو ښار ته سفر کوي څو ميرمن ګوادالوپ ته په همدې نامه کلیسا کې یعني د ګوادالوپ په کلیسا کې درناوې وکړي. په دې ترڅ کې بيلا بيلې جشونه ترسره کيږي چې په هغه کې خلک رنګا رنګ کالي اغوندي، نڅاوې کوي او سندرې وايي او مختلف مذهبي اثار پکښې پلورل کيږي.