د تاجیکستان لوی څارنوال یوسف رحمان، یوه خبري کنفرانس ته د پنجشنبې په ورځ وویل: «موږ د هغوی د جرم په تړاو د انکار نه وړ شواهد راټول کړل.»
هغه زیاته کړه چې دغو کسانو ته د قتل او جرمي ډلې غړیتوب په څیر جرمونو له کبله له یوه څخه تر دیرشو کلونو بند سزا واورول شوه. د تیر کال په سپتمبر میاشت کې د تاجیکستان د دفاع وزیر مرستیال د ولسمرش امام علي رحمان پر ضد د کودتا ناکامه هڅه وکړه.
د دغې ډلې مشر چې د دفاع وزارت مرستیال هم وو جنرال عبدالحلیم نظر زاده، نومیده چې تر ناکامې کودتا وروسته د ۱۲ ورځو پوځي عملیاتو په ترڅ کې له ۱۵ نورو کسانو سره ووژل شو. د کودتا دغې ناکامې هڅې په تاجیکستان کې چې له ۱۹۹۲ کال څخه بیا تر ۱۹۹۷ کاله پورې په کورنیو جګړو کې ښکیل وو، د ناآرامیو رامنځ ته کیدو ګواښ قوي کړ.
۶۳ کلن ولسمشر رحمان، له ۱۹۹۲ کال راهیسې د تاجیکستان مشري پر غاړه لري او ډیر وخت د هغو کسانو پر وړاندې چې د ده مخالفت کوي په سختو اقداماتو لاس پورې کوي.
د تاجیکستان په اساسي قانون کې د نویو رامنځ ته شویو بدلونونو له مخې ولسمشر امام علي رحمان، کولای شي چې د نامحدودو دورو له پاره ځان د تاجیکستان ولسمشرۍ له پاره نوماند کړي.
په تاجیکستان کې د کودتا تر ناکامې هڅې وروسته چارواکو د تاجیکستان د اسلامي نهضت ګوند په دې تور چې د کودتا ملاتړ یې کړی وتړه. په دې ترتیب سره د دې ګوند مشر محی الدین کبیري، یې د هیواد پریښودو ته اړ کړ.
د تاجیکستان لوی څارنوال ویلي دي: «په نړیواله کچه د کبیري د نیولو حکم صادر شوی دی. که هغه ونیول شي نو موږ به تاجیکستان ته د هغه د استول کیدو غوښتنه وکړو. پر هغه باندې اباندې د ناکامي پوځي کودتا د هڅې د تمویل او تنظیمولو تور لګول شوی دی.»
تاجیکستان له افغانستان سره په ګاونډیتوب کې پروت دی. په افغانستان کې د تولیدونک مخدره توکو ډیره برخه د همدې هیواد له لارې د نړۍ نورو برخو ته لیږدول کیږي. روسیه هم په دې هیواد کې یوه پوځي اډه لري.
پر ورته موضوع یو انځوريز البوم زموږ له آرشيف څخه (16.07.2016):
د ترکيې ناکامه کودتا په انځورونو کي
د ترکيې د يو شمېر پوځيانو له خوا د کودتا هڅه ناکامه شوه. رجب طيب اردوغان د کودتا په وخت په رخصتيو کې وو. د ترکيې ولسمشر د ترکيې له ولسونو وغوښتل چې کوڅو ته په راوتلو سره د کودتاچيانو په وړاندې ودريږي.
انځور: Getty Images/G.Tanپه ترکيه کې کودتا ناکامه وه
کودتا د استانبول په وخت د شپې په نه نيمو بجو پيل شوه.
د ترکيې پلازمېنه انقره د خونړیو نښتو شاهده وه.
په ځينو سيمو کې پوليس له کودتاچيانو سره ونښتل.
په زرګونو خلک د کودتاچيانو په وړاندې
په زرونو خلک د پوځي کودتا په وړاندې له پله واوښتل او استانبول ته ورداخل شول.
وګړو يو زغرور پوځي محاصره کړی دی.
د ترکيې ولسمشر، رجب طیب اردوغان، د تلويزيوني پيغام له لارې له خلکو وغوښتل چې د کودتاچيانو په وړاندې مقاومت وکړي.
پوځيانو په دغه شپنۍ کودتا کې اعلان وکړ چې پوځي حکومت يې رامنځ ته کړی دی.
رجب طیب اردوغان دلته د استانبول په هوايي ډګر کې ليدل کيږي.
په ترکيه کې پوځي کودتا په کوڅو کې د عامو خلکو په لاس مات شو.
د پوځيانو اعلان د نورو رسنيو تر څنګ د "آرتیآر" خبري راډيو تلويزيون له لارې هم خپور شو.
په سړکونو کې د دولت پلويان
په زرګونو خلکو په کوڅو کې د کودتاوالو پر ضد لاریون وکړ.
په هوايي ډګر کې د اردوغان پلويان
اردوغان د خپلې روغتيا ډاډ ورکړ او ويې ويل چې هيڅوک دې اندېښنه ونه لري. له ولسه يې وغوښتل چې د اتاترک هوايي ډګر او کوڅو ته راووځي.
ويل کيږي چې کودتا د منځنۍ رتبې د قوماندانانو له خوا شوې ده. لومړی يې لوی درستيز برمته کړی وو.
د دولت پلويان د کودتاچيانو په وړاندې
د کودتا مخالفينو په دې کې مرسته وکړه چې د پوځي کودتاچیانو اهداف ناکامه پاته شي.
د اردوغان او جنرال هولوسی آکار تر منځ ليدنه
د اردوغان او جنرال هولوسی آکار تر منځ ليدنه وشوه. آکار د ترکيې لوی درستيز دی چې کودتاچيانو يرغمل کړی وو.
قهرېدلو خلکو پر کودتا پلوو سرتېرو بريد وکړ
د کودتاچيانو پر ټانکونو (شوبلو) يرغل
خلک له کودتاچیانو سره د مقابلې او د ټانک د نيولو پر مهال
د پارلمان پر ودانۍ بمباري
په انقره کې د پارلمان پر ودانۍ بمباري وشوه
پولیسو او خلکو يو ځای له کودتاچي پوځيانو سره مقابله وکړه
کودتا به ورته «ګرانه» تمامه شي
د انادولو د خبري اژانس په حواله اردوغان پوځي کودتا «ستر خيانت» بللی دی او ويلي يې دي چې هغه به کودتاچيانو ته په ډېره جګه بيه تمامه شي.
د دولت پلويان د پله د پاسه
د دولت پلويان د پله د پاسه د دغې «تاریخي» ورځې په پلمه عکسونه اخلي.
