تایوان: چين له سرحده سرغړنه کړې
۱۴۰۱ دی ۵, دوشنبه
اعلان
په تایپي کې د دفاع وزارت په وینا په ۲۴ ساعتونو کې ۷۱ چینایي الوتکې او اوه کښتۍ تایوان ته نږدې ځای پر ځای شوي. چارواکو وویل, چې ۴۷ الوتکې د تایوان تنګي څخه تیرې شوې دي. دغه تنګی په دیموکراتیکه توګه واکمن تایوان له چین څخه جلا کوي. چین يې په اړه څرگنده کړي چې د متحده ایالاتو او تایوان له خوا د نويو هڅونو په ځواب کې یې د ټاپو په شاوخوا کې په سمندر او فضا کې تمرینونه وکړل. د متحده ایالاتو کانګرس د جمعې په ورځ د حکومت نوې بودیجه تصویب کړه چې پکې تایوان ته د وسلو پیرلو له پاره نوي پورونه هم شامل دي.