د امریکا ولسمشر دونالد ترمپ په سپینه ماڼۍ کې ویلي دي چې ابوبکر البغدادي د امریکا د ځانګړو ځواکونو په شپنیو عملیاتو کې وژل شوی دی. ترمپ ویلي دي چې البغدادي «د یوه سپي، ډارن او بزدل» په څیر وژل شوی.

نوموړي زیاته کړې چې ابوبکر البغدادي په دې عملیاتو کې له خپل ځان څخه د حفاظت په خاطر له ماشومانو څخه استفاده کړې ده.

د امریکا ولسمشر زیاته کړه چې بغدادي د وژل کیدو پر مهال ډیر ویریدلی وو، تیښته یي کوله، ژړل یي او وارخطاء وو. نوموړي زیاته کړه چې تیره شپه یي له جنرال ملي او مایک پنس سره یوځای دغه عملیات په ژوندۍ بڼه لیدلي دي. د امریکا متحده ایالاتو ولسمشر دونالد ترمپ وویل چې دغه عملیات حتی له یوه «اکشن فلم څخه هم هیجاني» وو.

امریکا متحده ایالاتو د البغدادي په اړه د معلوماتو ورکونکي ته د ۲۵ میلیونه ډالرو انعام ټاکلی وو.

آژانسونه/ش.ن/ ک.ص