د امریکا متحده ایالاتو د هېواد د امنیت وزارت د پنجشنبې په ورځ اعلان وکړ چې د هاروارد پوهنتون (Harvard University) د نړېوالو محصلینو د منلو قابلیت ېې لغوه کړی دی.
دغه اقدام وروسته له هغې کیږي چې دغه پوهنتون د دونالد ترمپ د منلو او استخدامونو له بهیره د نظارت وړاندیز رد او هغه ېې په غوصه کړ. ترمپ هاروارد پوهنتون په یهود ضدۍ تورن کړی دی.
نور ولولئ: د امریکا حکومت د افغانانو د موقت حفاظت حالت لغوه کړ
د امریکا متحده ایالاتو د هېواد د امنیت وزیرې کریستي نوم، آیوي لیګ انستیتوت ته په یوه مکتوب کې لیکلي دي چې په هاروارد پوهنتون کې د محصلینو پروګرام او د کتونکو تبادله له فوري اغیز سره لغوه شوي دي.
د آیوي لیګ مجموعې پورې اړوند پوهنتونونه د امریکا د تر ټولو مشهورو پوهنتونو څخه دي چې په خپلو کارنامو کې د نوبل ۱۶۲ جایزې لري.
«له یهودي محصلینو سره تعصب»
وزېرې دغه انستیتوت ته په استول شوي لیک کې لیکلي: «څرنګه مو چې د اپریل میاشت په لیک کې تاسو ته وویل، د بهرنیو محصلینو منل یو امتیاز دی.»
نور ولولئ: حماس په پام کې لري یو اسرائيلی-امریکایي یرغمل خوشي کړي
کریستي نوم، هاروارد پوهنتون ته په خطاب کې لیکلي چې په امنيت پورې د تړلو معلوماتو د نه شریکولو، د ناامنه چاپېریال د رامنځ ته کولو، «د یهودي محصلینو پر وړاندې د خصومت»، «د حماس په پلويتوب د همدردۍ د تقویت» او د نورو مواردو په دلیل، «تاسو دغه امتیاز له لاسه ورکړی دی.»
وزیرې کریستي نوم، آیوي لیګ انستیتوت ته په یوه مکتوب کې لیکلي دي چې په هاروارد پوهنتون کې د محصلینو پروګرام او د کتونکو تبادله له فوري اغیز سره لغوه شوي ديانځور: Rod Lamkey/CNP/picture alliance کریستي نوم زیاته کړې ده چې د هاروارد پوهنتون پر وړاندې شوي اقدامات باید «د ټول هېواد پوهنتونونو او اکاډیمیکو بنسټونو ته یو خبرداری وي.»
د امریکا د هېواد د امنيت وزیرې زیاته کړې ده، که هاروارد پوهنتون د ۷۲ ساعتونو په جریان کې د بهرنیو محصلینو اسناد او سوابق تیار کړي، د بهرنیو محصلینو د منلو قابلیت به ېې بېرته راوګرځول شي.
نور ولولئ: مېرڅ په واشنګټن کې د اسرائيل سفارت پر کارکوونکو حمله غندلې ده
د هغې په نوي وړاندیز کې د بهرنیو محصلینو اړوند ټول اسناد شامل دي چې په هغو کې د دغه پوهنتون په اعتراضونو او یا «خطرناکو فعالیتونو» کې د بهرنیو محصلینو د ګډون غږیز فایلونه او ويډيوګانې هم راځي.
هاروارد له بهرنیو محصلینو پر ملاتړ ټینګار کړی
هاروارډ پوهنتون د حکومت له خوا پرې لګېدلي تورنه رد کړي او ويلي ېې دي چې د بهرنیو محصلینو ملاتړ ته ادامه ورکوي.
دغه پوهنتون په یوه اعلامیه کې ويلي دي: «د حکومت دغه اقدام غیرقانوني دی. دغه غچ اخیستونکی اقدام د هاروارډ ټولنې او زموږ هېواد ته جدي زیانونه متوجه کوي او د هاروارډ اکاډمیک او تحقیقي ماموریت تضعیفوي.»
نور ولولئ: ترمپ: کریميا ټاپو به له روسیې سره پاته وي
هارواد ټینګار کړی دی چې نړېوالو محصلینو ته د تدریس پر ژمنه به عمل کوي.
د دغه پوهنتون په ۲۰۲۴-۲۰۲۵ تحصيلی کال کې نژدې ۶۸۰۰ بهرني محصلین درولودلي چې دا ېې د ټولو محصلینو څه باندې یوه څلورمه برخه ده.
له آرشیف څخه:
د ترمپ د لومړۍ کاري ورځې مهم اجرایي فرمانونه
ترمپ د امریکا متحده ایالاتو د ولسمشر په توګه په خپله لومړي کاري ورځ د مهاجرت، جنسیتي مسایلو او نورو مهمو موضوعاتو په هکله یو شمیر فرمانونه لاسلیک کړل.د انځورونو په دې ګالرۍ کې ځینو مهمو اجرايي فرمانونو کتنه شوې ده. انځور: Mike Segar/REUTERS د پاریس له اقلیمي تړون څخه وتل ترمپ په رسمي ډول د اقلیمي بدلونونو په اړه د پاریس له اقلیمي تړون څخه د امریکا متحده ایالاتو د وتلو فرمان لاسلیک کړ. د دغه تړون هدف تر صنعتي کیدو دمخه په مقیاس د ځمکې د تودوخې درجه تر ۱،۵ سانتي ګراده محدودل دي.
انځور: Jim Watson/AFP/Getty Images د روغتیا له نړیوال سازمان څخه وتل ترمپ یو فرمان لاسلیک کړ چې له مخې یې امریکا متحده ایالات د ۱۲ میاشتو په موده کې د روغتیا له نړیوال سازماني څخه وځي او له دغه سازمان سره کیدونکې ټولې مالي مرستې دروي. اروپایي هیوادونو او چین د ترمپ پر ځینو پریکړو له لکه د پاریس له اقلیمي تړون او روغتیا نړیوال سازمان څخه پر وتلو نیوکې کړي دي.
انځور: Mike Segar/REUTERS پر کانګرس د هجوم وروړونکو بخښل ترمپ د ۲۰۲۱م کال د جنورۍ پر ۶مه نېټه پر کانګرس باندې هجوم ورړونکو شا او خوا ۱۶۰۰ کسانو ته د بخښنې فرمان هم صادر کړ. په دغه پېښه کې د ترمپ پلویانو هڅه کړې وه چې په ټاکنو کې د بایډن د بریا، د تائیدیدو مخه ونیسي.
انځور: Brent Stirton/Getty Images ټرمپ یو بل اجرایوي فرمان لاسلیک کړ چې د امریکا د بهرنیو پرمختیايي مرستو ټول پروګرامونه یې د ۹۰ ورځو لپاره وځنډول تر څو د ټرمپ د نویو تګلارو سره سم د مرستو بیاکتنه وشي.
انځور: Mike Segar/REUTERS د بایډن د ټولو فرمانونو لغوه کول ټرمپ د یوه اجرایوي حکم پر اساس د پخوانۍ ادارې لخوا صادر شوي ټول اجرایوي فرمانونه لغوه کړل، چې په هغې کې ۷۸ فرمانه د جوبایډن له خوا و.
انځور: Evelyn Hockstein/REUTERS د مکسیکو پر پوله د بیړني حالت اعلان له غیرقانوني کډوالۍ سره د مبارزې او د پولې کنټرول پیاوړي کولو لپاره، ټرمپ د متحده ایالاتو - مکسیکو پر پوله ملي بیړني حالت اعلان کړ.
انځور: Carlos Moreno/Sipa USA/picture alliance د بایډن د جنډر مقرراتو لغوه کول ټرمپ یو اجرایوي حکم صادر کړ چې له مخې یې د حکومت پالیسۍ یوازې دوه جنسیته پیژني،نارینه او ښځینه.
انځور: Ben Curtis/AP/dpa/picture alliance ټرمپ د ټیک ټاک برخلیک او احتمالي پلور په اړه پریکړې کولو لپاره د ۷۵ ورځو ضرب الاجل صادر کړ.
انځور: Antonin Utz/Seth Wenig/AFP د بایډن ګومارل شويو کسانو ګوښه کول ټرمپ د بایډن ادارې څو لوړپوړي چارواکي له دندو ګوښه کړل او اعلان یې وکړ چې ۱۰۰۰ نور کسان به هم له خپلو دندو لرې کړي.
انځور: Jim Watson/AFP/Getty Images د ایلان مسک تر څارنې لاندې د «DOGE» بنسټ رامنځته کول هغه د حکومت د موثریت د بیا کتنې لپاره یوه اداره جوړه کړه، خو دا اقدام سمدستي له قانوني شکایتونو سره مخ شو.
انځور: Mike Segar/REUTERS د لوړې د ورځې اړوند مراسم او جشنونه ټرمپ او مېرمن یې میلانیا په څو مراسمو او جشنونو کې ګډون وکړ او له پوځي چارواکو او مېلمنو سره یې خبرې وکړې.
انځور: SAUL LOEB/REUTERS
