ترمپ: که پر قطر برید بند نه سي جنوبي پارس به نابود کړو
۱۴۰۴ اسفند ۲۸, پنجشنبه
د امریکا ولسمشر، ډونالډ ترمپ گواښ کړی دی، چې که پر قطر باندې د ایران بریدونه ونه درول سي، امریکا به دغه ډگر "په پراخه کچه" په نښه کړي.
هغه ادعا وکړه چې د اسرائیلو په عملیاتو کې "د دغه میدان پر یوې کوچنۍ برخې" برید ترسره سوی او ایران چې د نوموړي برید په هکله یې کافي معلومات نه درلودل، په "غیرعادلانه ډول" یې د قطر د مایع گازو تاسیسات په نښه کړي دي.
اړونده موضوع: ترمپ: د ایران جنګ د پای له پاره کومې هوکړې ته چمتو نه یم
ایران پس له هغه چې د جنوبي پارس د گازو میدان تر برید لاندې راغی، د قطر او د فارس د خلیج د حوزې د څو نورو هیوادونو په وړاندې په بریدونو لاس پورې کړ.دغه اقدام د نړیوالې انرژۍ د تأمین د اوږدمهالو ستونزو په هکله د اندیښنې سبب سو.
ترمپ د دې خبرې په ټینگار سره چې اسرائیل به بیا پر دغه میدان برید ونکړي، خبرداری ورکړ چې که ایران یو ځل بیا "په اشتباهي توگه" پر قطر برید وکړي چې په دې صورت کې بهامریکا "د اسرائیل په همکاري او یا هم پرته له هغه" په "بې ساري شدت سره د گازو پر دغه میدان برید" ترسره کړي.