په دې انځور کې د پلان شويو مظاهرو یو شمیر تنظیموونکي ښوول کیږي.

د آلمان په کولن ښار کې ډیر شمیر ترکان ژوند کوي. د دغو ترکي اتباع رایي په ترکیې کې د میشتو سیاستوالو له پاره ډیر اهمیت لري.

دغه میرمن د ترکیې او آلمان بیرغونه له ځان سره لیږدوي. د آلمان د بهرنیو چارو وزیر شتاینمایر، ویلي دي چې دا سمه نه ده چې د ترکیې کورنۍ ستونزې آلمان ته راوړل شي. هغه په بیلابیلو ډلو د ځغم غږ کړی دی.

پولیسو د څلور مظاهره کوونکو اړخونو تر منځ د احتمالي تاوتریخوالي د مخنیوي له پاره شدید امنیتي تدابیر نیولې دي. د اردوغان پلویان، د هغه مخالفان او ښي اړخي په یوه وخت کې مظاهره کوي.

د کولن ښار پر یوه پله باندې د پولیسو اوبه پاشوونکی موټر ولاړ دی. د احتمالي تاوتریخوالي د مخنیوي له پاره ۲۷۰۰ پولیس په دې سیمه کې توظیف شوي دي.

د آلمان د زرغون ګوند مشر چم ازدمیر، ویلي دي چې د اردوغان منتقدین باید د هغه د پلویانو له خوا و نه ویرول شي.

په آلمان کې میشت په زرهاو ترکان د اردوغان ملاتړ کوي. د هغوی له ډلې څخه یوه یې دویچه ویله ته وویل: «اردوغان زموږ قوماندان دی او موږ یې سرتیري یو.». انځور له ارشیف څخه.

۳۳ کلن اسماعیل دویچه ویله ته وویل چې د اردوغان ملاتړ کوي ځکه هغه د ترکیې دولت د ټولنې اسلامي ریښو ته نزدې کوي. انځور له ارشیف څخه.

د اردوغان ډیر شمیر پلویان په دې اند دي چې هغه د ترکیې اقتصاد پیاوړی کړی.

اردوغان په خپل ضد تر ناکامې کودتا وروسته ډیر شمیر کسان نیولې او یا هم له دندو ګوښه کړي دي.

اردوغان وایي چې فتح الله ګولن یې پر ضد کودتا رهبري کړې وه. ګولن په امریکا متحده ایالاتو کې دی او په کودتا کې خپله ښکیلتیا ردوي.