د دولتي خبري آژانس انادولو په حواله، د ترکيي د دفاع وزير هولوسي اکار په استانبول کي د يوي نظامي اکاډمۍ مخي ته د خپلي وينا په ترڅ کي ويلي دي چي په دې اړه آمادگۍ رواني دي. په خبره يې «د عملياتو په اړه به زموږ هلي ځلي دوام وکړي.» همدرانگه کردۍ سرچينو هم د عملياتو د پيل په اړه تر اوسه کوم څه نه دي ويلي.
په سوريه کي د کردانو خودمختاري ادارې هم د چهارشنبې په ورځ خپلو ټولو ځواکونو ته د تيارسی اعلان کړی دی. د هغوی په يوه اعلاميه کي راغلي دي چي، د ترکيې او د سوريايي مليشو گواښونو ته په کتو سره، له ټولو څخه غوښتنه سوې ده چي ځانونه سرحد ته ورسوي، تر څو په دغه تاريخي ستونزمن وخت کي «خپل مقاومت» ښکاره کړي. په ټوله نړۍ کي له کردانو څخه غوښتنه سوې ده چي ددغو بريدونو په مقابل کي مظاهرې وکړي.
د کردي مليشو تر رهبرۍ لاندي د سوريې دموکراتيکو ځواکونو (SDF) له خوا ويل سوي چي په سيمه او د ترکيي د سرحد هاخوا ته د پوځي بيارغونو ټولي نخښې نښانې پر دې دلالت کوي چي زموږ سرحدي سيمه به د ترکانو او د هغوی د سوريايي متحدينو له خوا تر بريد لاندي راسي. يادو ځواکونو له نړيوالي ټولني او د نړيوال ائتلاف له ټولو هيوادونو څخه غوښتي چي خپل مکلفيت ادا او د يوه بشري ناورين مخه ونيسي.
دغه بريدونه د الفرات د رود ختيځي برخي د کردانو ځواکونو ته متوجه دي. په دغه ځاي کي له ترکيې سره په سرحد کي، کردي مليشې لويي سيمي کنترولوي. انقره په دغو مليشو کي ديوه ترهگري سازمان د موجوديت گومان کوي. دغه مليشې په عين وخت کي د خپل قوي متحد امريکا متحده ايالاتو سره په گډه په سوريه کي د داعش پرضد مبارزه کوي. خو د امريکا متحده ايالاتو بيا خپل ځواکونه له نوموړي سيمي څخه راايستلي دي.
دا چي دغه عمليات به کله شروع کيږي، تراوسه لا معلومه نه ده. د ترکيي د ولسمشر رجب طيب اردوغان د ارتباطاتو مدير، فاهريتين آلتون د واشنگټن پوست ورځپاڼي ته د يوه ليکلي پيغام په ترڅ کي ليکلي دي چي ترکيه غواړي په لنډ وخت کي د سوريي شمال ته ننوزي.
هره ورځ نژدې ۳۰ زره انسانان بې کوره کيږي
د نړۍ په کچه هره ورځ ۲۸۳۰۰ تنه انسانان دې ته اړ کيږي چې خپل کورنه پريږدي او یا مهاجر شي. په حاضر وخت کې افغانستان تر سوريې وروسته د زياتو مهاجرو په لرلو دويم ځای لري.
انځور: picture-alliance/AP Photo/M. Sajjadپه اوس وخت کې د نړۍ په کچه ۶۵ اعشاريه ۶ ميليونه انسانان جبرا خپلو کورونو پريښودو ته اړ ايستل شوي دي.
اوسمهال په ټوله نړۍ کې ۲۲ نيم ميليونه انسان د مهاجرت ژوند کوي.
هره ورځ د نړۍ په کچه ۲۸۳۰۰ تنه انسانان مهاجرت او يا خپلو کورنو پريښودو ته اړ ايستل کیږي.
د نړۍ د پنځه ويشت نيم ميليون مهاجرو څخه ۱۷ اعشاريه ۲ ميليونه يې ماشومان تشکيلوي
د نړۍ له مهاجرو څخه ۵ اعشاريه ۳ ميليونه يې فلسطيني مهاجر دي چې د ملګرو ملتونو د مهاجرت ادارې لخوا راجستر شوي دي.
اوس مهال په ټوله نړۍ کې ۱۰ ميليونه انسانان په بې کورۍ کې ژوند کوي.
سوريه، افغانستان او سويلي سوډان د نړۍ تر ټولو زيات مهاجر (۵۵ سلنه برخه) تشکيلوي.
سوريه د نړۍ تر ټولو زيات (پنځه نيم ميليونه) مهاجر لرونکی هيواد دی.
افغانستان د دوه نيم ميليونه مهاجرو په لرلو دويم هيواد دی.
دغه ملک د ۱ اعشاريه ۴ ميليونو مهاجرو په لرلو د نړۍ په کچه دريم تر ټولو زيات مهاجر لرونکی هيواد دی.
يوازې په ۲۰۱۶ کال کې ۱۸۹۳۰۰ مهاجر ځای پرځای شوي دي.
د مهاجرو د ځاي په ځاي کيدو لپاره لمړني کورونه د سترو کمپونو په بڼه تياريږي.
د سوريايي مهاجرو د يو کمپ يوه څنډه. په کمپ کې نوی ژوند تر ډيره بريده يوه ترخه تجربه هم وي.
اروپا ته د اکثرو مهاجرو د تلو يو عمده مقصد ښه ژوند لرل او تر يو بريده کاروبار دی.
په تيرو درو کلونو کې تر ډيره اروپا ته مهاجرتونه وسول، په دې لار کې مهاجر سختو تکليفونو سره مخ کيږي.
۲۰۱۶ کال د مهاجرو لپاره تر ټولو مرګونی کال وو. يوازې اروپا د تلو پر وخت سمندر کې شاوخوا ۴۵۰۰ انسانان اوبو کې مړه شول.
يوازې د ملګرو ملتونه د مهاجرت اداره د نړۍ په ۱۳۰ هيوادونو کې د مهاجرو په چارو کې مرستندويه فعاليتونه کوي. په دې برخه کې نور سازمانونه هم اخته دي.
ارقام: د ملګرو ملتونو د مهاجرت اداره. انځورنه: دويچه ويله آرشيف. چمتو کونکی: محمد کريم صالح
G.P/N.Z/dpa
