د ترکیې «DHA» رسمې خبري اژانس د چهارشنبې په ورځ خبر ورکړ چې د ترکیې په ختیځ کې د ۶۱ کډوالو د کښتۍ د ډوبیدو په پیښه کې یو تورن کس په ۱۰۰۰ کلونو بند محکوم سوی دی. د دغې رسنۍ د معلوماتو له مخې، پاتې نور تورن کسان بې ګناه ثابت سوي دي.

په ترکیه کي په ۶۰ مهاجرو ډکه کښتۍ ډوبه سوې، اوه جسدونه پیدا سوي

 د دې محاکمې په پیل کې، ۱۲ کسان محکمې ته حاضر شول څو یې پر نورو سربیره  د مهاجرینو د قاچاق ، وژنې او بې پروایۍ له امله ځواب ويلای وای. 

دا کښتۍ د ۲۰۲۰ م کال په جون مياشت کې د وان جهيل څخه د تیریدو پر وخت ډوبه سوې وه. د ترکیې د رسمې خبري اژانس ډي ایچ ای د راپور پر بنسټ هغه وخت د یوه ماشوم په ګډون د ۶۱ کسانو مړي له اوبو څخه را ایستل سوي ول.

د رسنیو د راپورونو پر بنسټ، دغه کډوال د افغانستان، پاکستان او ایران وګړي ول.

افغان چارواکو هم هغه وخت اعلان کړي وو چې پدی پیښه کې تر ۲۴ ډیر کسان چې کښتې کې غرق سوي، د افغانستان دي. هغه مهال ترکي چارواکو له ترکیې څخه افغانستان ته د دغو قربانیانو د جسدونو د لېږلو خبر ورکړی وو .

وان جهيل د ایران سره نیږدي موقیعت لری چې د ترکیې په خاوري پوری اړوند دی.

د تونس سواحلو ته څېرمه د ۳۴ مهاجرو مړي موندل شوي

د رپوټونو پر اساس قاچاق، کوونکي کډوال د وان جهيل له خطرناکې لارې تیروي څو هغوی د مهاجرت پر عادي مسیرونو د پوليسو له کنترول څخه بچ پاته سي.

ص. ز / ب. ص (dpa)