د ترکیې د طبیعي آفاتو سره د مبارزې ادارې، په دغه ولایت کي حتی د دوو زلزلو څخه خبره کړې ده، چي یوه یې د رشتر په مقیاس ۶،۴ او بله یې ۵،۸ درجې وه. دغي ادارې تر زلزلې وروسته د نورو تکانو خبرهم ورکړی دی.
د ترکیې د داخله وزیر، سلیمان سویلو د تازه ارقامو پر اساس په دغه زلزله کي حداقل درې تنه مړه سوي او تقریبأ ۳۰۰ نور زخمیان سوي دي.
ویل کيږي، چي په همسایه هیواد، سوریه کي هم ۵ تنه مړه سوي او څه ناڅه ۴۷۰ نور ټپیان سوي دي. په حلب، طرطوس او حما ښارونو کي اوسیدونکي سخت وارخطأ او اکثرو یې خپل ځانونه له کورونو څخه لاندي اچولي ول. د سپین خولۍ په نامه ژغورونکي سازمان آمر، ریاض الصالح د سوریې د یاغیانو تر کنټرول لاندي سیمه کي د ۱۵۰ ټپیانو خبر ورکړی دی. د SAMS خیریه سازمان په حواله د حلب په شاوخوا ناحیو کي ډیر کورونه نړیدلي هم دي.
په ترکیه کې زلزله: م.م. د يو میليارد ډالرو مرستې غږ کړی
د ترکیې د انتاکیا ښار په منځ کي امبولانسونه اوس هم په حرکت کي دي، خصوصأ هغه ځایونه چي تیري زلزلې ډیر ځپلي وه. همدارنګه مرستندویه ټیمونه او عمله هم د ښار په مختلفو برخو کي ګرځي راګرځي ، ترڅو د زلزله ځپلو سره کومک وکړي. اوسیدونکو پر مرکزي پارک باندي هجوم وروړی او د ضرورت پر وخت د عاجلو تلیفوني شمیرو څخه استفاده کوي.
په اجتماعي رسنیو کي داسي ویدیوګاني پورته او کښته کيږي، په کومو کي چي ښکاره کیږي، خلک د خپلو شړیو سره په وارخطايي سره د انتاکیا هوايي میدان ته ځي. له ځینو ناحیو څخه د برق د قطع کیدو خبر هم ورکول سوی دی.
په اسراییل او عراق کي هم زلزله احساس سوې د رسنیو د رپوټونو پراساس په اسراییل ،عراق او لبنان کي هم زلزله احساس سوې ده. د همدې فبرورۍ میاشتي پر ۶ مه د رشتر په مقیاس ۷،۷ درجې یوې سختي زلزلې سهار وختي د ترکیې جنوب شرق او سوریې شمال سره ولړزاوه، چي څو ساعته وروسته په ۷،۶ درجې سره یوه بله سخته زلزله وسوه. د دواړو زلزو مرکز د قهرمان مرعش ولایت ؤ. په دغه زلزله کي د تر اوسه پوري رسمي ارقامو په حواله تر ۴۷۰۰۰ اضافه انسانان مړه سوي، چي ۴۱۰۰۰ یې یوازي په ترکي خوا کي وه.
«د ترکیې او سوریې زلزلې د پيړۍ تر ټولو خطرناک ناورین دی»
تر هغه را وروسته یو تعداد هغه اوسیدونکي چي کورونه یې نسبتأ سالم پاته وه، خپلو کورونه ته تللي دي. خو اکثره بیا هم تر شنه اسمان لاندی په خیمو او یا موټرونو کي شپې او ورځي تیروي.
نن سه شنبه د جرمني خارجه او داخله وزیراني، انالینا بیربوک او نینسي فېزر یوځای ترکیې ته سفر کوي. په پلان کي دي،چي هلته د زلزله ځپلو او الماني خیریه سازمانونو د نمایندګانو سره وګوري. سربیره پردې به د زلزلې سره مخامخ سیمو د خلکو سره د ویزې د اسانه کولو په باب خبري وکړي، د کومو چي خپلوان په جرمني کي دي.
MQ/BS/AG
له ۲۰۰۰م کال راهیسې مرګونې زلزلې
د دوشنبې په ورځ په ترکیه او سوریه کې زورورې زلزلې تر ۲۱۰۰۰ زیات کسان مړه کړي دي. داسې اندېښنې هم شته چې ښایي د تلفاتو شمیر لا پسې لوړ شي. له ۲۰۰۰م کال راهیسې د افغانستان په ګډون د نړۍ په کچه ځینې مرګونې زلزلې وپېژنۍ. انځور: picture-alliance/AP Photo/str په ترکيه او سوريه کې د ۲۰۲۳م کال په فبرورۍ کې د ۷ اعشاریه ۸ درجې په شدت زلزله وشوه. د زلزلې له لومړۍ ورځې د تلفاتو ارقام مه په لوړيدو حالت کې دي. د فبرورۍ په ۱۱مه رپوټونو کې د مړو شمیر نژدې ۲۵ زره ښودل شوی دی.
انځور: SNA/IMAGO د ۲۰۲۲م کال د جون میاشتې په ۲۲مه نېټه په خوست او پکتیکا کې زلزلې تر ۱۱۰۰ زیات کسان مړه کړل. په انځور کې د خوست په سپیره ولسوالۍ کې یو سپين ږیری په زلزله کې د خپل ويجاړ شوي کور ته نژدې ناست دی.
انځور: AP Photo/picture alliance د ۲۰۲۱م کال د اګست پر ۱۴ په هایتي کې یوې زورورې زلزلې چې د ریشتر پر مقیاس ۷،۲ درجې وه تر ۲۲۰۰ زیات انسانان مړه کړل.
انځور: Orlando Barría/Agencia EFE/imago images د ۷،۵ درجې په شدت زلزلې په اندونیزیا کې تر ۴۳۰۰ انسانان مړه کړل.
انځور: Rudy Akdyaksyah/AP/picture alliance / د ۲۰۱۶م کال د اګست مياشتي پر ۲۴ نېټه د ایټالیا په مرکز کې د زلزلې له کبله تر ۳۰۰ زیاتو انسانانو خپل ژوند له لاسه ورکړ.
انځور: picture-alliance/dpa/C. Chiodi د ۲۰۱۵م کال پر ۲۵ یوې مرګونې زلزلې تر ۸۸۰۰ ډیر کسان مړه کړل.
انځور: Reuters/D. Siddiqui چین: د ریښتر په مقیاس ۶،۲ درجې شدت لرونکې زلزلې له کبله تر ۷۰۰ زیات انسانان مړه شول. دغه زلزله د ۲۰۱۴م کال د اګست مياشتي پر دریمه نېټه رامنځ ته شوې وه.
انځور: Reuters د ۲۰۱۳م کال د سپتمبر میاشتې پر ۲۴مه نېټه په پاکستان کې د زلزلې له کبله تر ۸۰۰ زیاتو کسانو خپل ژوند له لاسه ورکړ.
انځور: picture-alliance/ZUMA Press په جاپان کې د ۲۰۱۱م کال د مارج میاشتې پر ۱۱ نېټه څونامي تر ۲۰ زرو زیات کسان ووژل.
انځور: AP د ۲۰۱۰م کال د فبرورۍ پر ۲۷ د زلزلې په پایله کې رامنځ ته شوي څونامي د ۵۲۴ کسانو ژوند واخیست.
انځور: Imago Images/Xinhua دا د نړۍ په کچه یوه له مرګونو زلزلو وه چې د حکومت د اټکلونو له مخې ۳۱۶ زره کسان پکې مړه شول. دغه زلزله د ۲۰۱۰م کال د جنورۍ پر ۱۲ رامنځ ته شوه.
انځور: AP د ۲۰۰۹م کال د سپتمبر مياشتي پر ۳۰ د زلزلې له کبله په اندونيزيا کې د تلفاتو شمیر تر ۱۱۰۰ لوړ وو.
انځور: AP د ۲۰۰۹م کال د اپریل پر شپږمه په ایټالیا کې زلزلې تر ۳۰۰ زیات کسان ووژل.
انځور: dapd د چین په ختیځ سچوان کې په ۲۰۰۸م کال کې د یوې مرګونې زلزلې په ترڅ کې ۸۷۵۰۰ کسانو خپل ژوند له لاسه ورکړ.
انځور: Shifang/dpa/picture alliance د مرکزي پیرو سوحالو ته څیرمه د ۸ درجې لرونکي شدت یوې زلزلې تر ۵۰۰ زیات کسان ووژل. دغه زلزله د ۲۰۰۷م کال د اګست پر ۱۵مه رامنځ ته شوه.
انځور: Carlos Lezama/AFP/Getty Images د اندونیزیا په جاوا ټاپو کې د ۲۰۰۶م کال د می میاشتې پر ۲۶مه نېټه یوه زلزله وشوه چې تر ۵۷۰۰ زیات کسان یې ووژل.
انځور: Donal Husni/ZUMA Wire/IMAGO د پاکستان تر ادارې لاندې کشمیر سیمه کې د ۲۰۰۵م کال د اکتوبر پر اتمه نېټه یوه مرګوني زلزله وشوه. په دغه زلزله کې تر ۸۰۰۰۰ زیات کسان مړه شول.
انځور: AFP/Getty Images/T. Mahmood د ۲۰۰۵م کال د مارچ پر ۲۸مه نېټه د اندونیزیا د سوماترا په شمالي برخه کې یوې زلزلې تر ۱۳۰۰ زیات کسان ووژل.
انځور: picture-alliance/AP Photo/str د هند په سمندرګي کې یوې څونامي په اندونیزیا کې ډیر ځاني زیان اړولی وو. د ۲۰۰۴م کال د اکتوبر میاشتې پر ۲۶مه نېټه په رامنځ ته شوې دغه پېښه کې تر ۲۳۰ زرو زیات انسانان مړه شول
انځور: AFP/Getty Images/Choo Youn Kong د ۲۰۰۳م کال د دسمبر پر ۲۶ نېټه د افغانستان په ګاونډي هیواد ایران کې یوې زلزې تر ۵۰ زرو زیات کسان مړه کړل.
انځور: AP تر ۲۲۰۰ زیات کسان په الجیریا کې هغه وخت مړه شول چې د ۶،۸ درجې زلزلې دغه هیواد ولړزاوه. انځور په الجیریا کې د ۲۰۰۳ کال د زلزلې دی.
انځور: Mohamed Messara/picture-alliance/dpa د ۲۰۰۲م کال د مارچ میاشتې پر ۲۵مه نېټه د افغانستان په شمال کې یوې زلزلې تر ۱۰۰۰ زیات انسانان مړه کړل. انځور د بغلان په نهرین کې د ۲۰۱۲م کال زلزلې
انځور: picture-alliance/dpa د ۲۰۰۱م کال د جنورۍ پر ۲۶ نېټه په هند کې یوې زلزلې چې شدت یې ۷،۷ درجې وو تر شلو زرو ډیر انسانان مړه کړل.
انځور: Arko Datta/AFP/Getty Images
