۸۳ کلن شېلډن اډلسون د يهودي ناقلينو زوی دی چي د جايدادونو په کاروبار کي يې په ملياردونو ډالره وګټلې. نوموړي په ۲۰۱۶ کال د ولسمشرۍ د کانديد دونلد ترمپ سره په خپلو سخاوتي بسپنو په کامپاين کي مرسته وکړه. [د دغه راپور معلومات د فوربس مجلې، هانډلسبلټ، او دي پرېسه له وېبپاڼو څخه د ۲۰۱۷ کال د مارچ په ۲۵مه نېټه اخيستل سوي. (ترتيب کوونکی: احمدولي اڅکزی)]

۸۸ کلن لي کاشينګ د هانګ کانګ تر ټولو بډای پانګه وال دی. نوموړی د پلاسټيکي ګلانو د شرکت په مرسته په ملياردونو ډالره پيسې وګټلې.

۶۲ کلن وانګ جيانلين تر ټولو بډای چينايي وکړی دی. نوموړي د جايدادونو په کاروبار کي زياتي پيسې ګټلي دي.

۷۲ کلن سامويل روب والټون (انځور کي ښه اړخ) د خپلې خور اليس والټون (انځور منځ) او د خپل ورور (جيم والټون) سره په ګډه د نړۍ د تر ټولو لوی د دکانونو د لړۍ وال مارټ د مؤسس وارثين دي. دوی درې واړه جلا جلا تر ۳۳ ملياردو ډالرو زياتي شمتنۍ لري.

۹۴ کلنه ليليانا بېټنکورټ د نړۍ تر ټولو زياتي شمتنۍ لرونکې ښځه ده. د دغې فرانسوۍ پلار په ۱۹۰۷ کال د لوريال په نوم شرکت تاسيس کړ چي نن يې دغه مېرمنه تر ټولو زياتي ونډي لري.

لېري پېج (انځور کيڼ اړخ) د ۱۹۹۸ کال راهيسي د خپل ملګري سرګې برين (انځور ښه اړخ) سره د انټرنټي لټون ماشين ګوګل مشر دی. په دوی کي لېري پېج ۴۰،۷ مليارده ډالره او برين ۳۹،۸ مليارده ډالره شتمنۍ لري.

۶۸ کلن بېرنارد ارنالټ د فوربس د بډايانو په ليسټ کي تر ټولو بډای فرانسوی دی. نوموړی او د هغه مېرمنه د نورو مهمو شرکتونو تر څنګ د مشهور کرسټيان ډيور شرکت زياته پانګه لرونکی کس دی.

د نيويارک پخوانی ښاروال ۷۵ کلن مايکل بلومبېرګ د اقتصادي معلوماتو د شرکت بلومبېرګ مؤسس دی. هغه په وال سټريټ ونډه بازار کي د پانګه اچوونکي بېنکر په توګه پيسې وګټلې.

ډېويډ اېچ کوخ(انځور ښه اړخ) د خپل پنځه کاله مشر ورور چارلس (انځور کيڼ اړخ) په څېر تقريبا ۴۸،۳ مليارده ډالره شمتنۍ لري. دواړه د نفتو او کيمياوي توکو د شرکت کوخ څښتنان دي. ډېويډ کوخ د «ټي پارټي» په نوم د متحده ایالاتو د محافظه پال غورځنګ تر ټولو لوی تمويلونکی هم دی.

۷۲ کلن لېري ايليسن د تېر کال په پرتله د شمتنو په ليسټ کي د خپل مقام په جګولو کي نه دی بريالی سوی، خو بيا يې هم د تېر کال په پرتله په شتمنيو کي د تقريبا ۱۰ ملياردو ډالرو زیاتوالی راغلی دی.

کارلوس سليم د تېر کال په پرتله د فوربس په حواله ۵ مليارده ډالره په تير کال کي ګټلي او سرمايه يې سږکال ۵۴،۶ ته جګه سوې ده. نوموړی د نورو لويو شرکتونو تر څنګ د تليکام آستراليا يو لوی پانګه وال دی.

مارک زکربرګ ۳۲ کلن دی. خو د فيسبوک دغه بنستګر اوس د نړۍ په تر ټولو بډای انسانانو کي شمېرل کيږي. اټکل کيږي چي هغه به ډېر ژر د نړۍ په ملياردرانو کي تر ټولو مخکي سي.

امانڅيو اورتېګا د اروپا تر تولو بډای شخص دی. دغه هسپانوی تجار د يو شمېر نورو جامو د شرکتونو د زارا په نوم مشهور شرکت څښتن هم دی. نوموړی د زيات وخت راهيسي د فوربس له خوا د ملياردرانو د ليسټ په لومړيو لسو مقامونو کي قرار لري.

جېف بيزوس تېر کال د لومړيو لسو ملياردرانو په ليسټ کي د لومړي ځل له پاره داخل سوی ؤ. خو هغه سږ کال ځان دريم مقام ته رسولی.

هغه وختونه چي ۸۶ کلن پانګه وال وارن بوفېټ به د ملياردرانو د ليسټ په سر کي قرار درلود پای ته رسېدلي دي. خو هغه د فوربس د ۲۰۱۷ په ليسټ کي د دريم مقام څخه بېرته دويم مقام ته راجګ سوی دی.

د مايکروسافټ مؤسسس بل ګېټس په تيرو ۲۳ کالو کي ۱۸ ځله د ملياردرانو په ليسټ کي لومړي مقام درلودلی دی. د تېر کال په پرتله د هغه په شتمنۍ کي زياتوالی راغلی او دغه شمتني ۸۶ مليارد ډالرو ته جګه سوې ده. [د دغه راپور معلومات د فوربس مجلې، هانډلسبلټ، او دي پرېسه له وېبپاڼو څخه د ۲۰۱۷ کال د مارچ په ۲۵مه نېټه اخيستل سوي. (ترتيب کوونکی: احمدولي اڅکزی)]

سلطان قابوس بن سيد ويل کيږي چي ۷۰۰ مليونه ډالره شتمنۍ لري او د نړۍ د شتمنو پاچهانو په ليسټ کي په لسم نمبر دی.

آغا خان چي د خپلي مذهبي فرقې مشر دی، پر کوم دولت پاچهي نه کوي خو پېرويان يې ورته تر پاچا زیات عزت ورکوي. د خپل دين دغه پنځم پېشوا تقريبا ۸۰۰ مليونه ډالره شتمنۍ لري.

موناکو په اروپا کي يو کوچنی هيواد دی. د فوربس مجلې د ۲۰۱۱ کال د راپور پر اساس دغه پاچا د ۱۰۰۰ مليونو يا يو مليارد ډالرو په ارزښت شتمنۍ لري.

د قطر د شاهي کورنۍ په هکله فوربس ليکلي ول چي ۲،۴ مليارده ډالره شتمنۍ لري.

د ليشتن شتاين پاچا هانس آدم دويم د فوبس د راپور پر اساس په ۲۰۱۱ کال د ۳،۵ ملياردو ډالرو په ارزښت شتمۍ درلودې.

د متحده عربي اماراتو لومړی وزير او د دوبۍ امير محمد بن راشد المخدوم په هکله فوربس ليکلي چي په ۲۰۱۱ کال يې د ۴ ملياردو ډالرو په ارزښت شتمنۍ درلودې.

د متحده عربي اماراتو ولسمشر او د ابوظبي د امارت امير خليفة بن زايد آل نهيان په هکله فوبس ليکلي چي په ۲۰۱۱ کال کي يې د ۱۵ ملياردو ډالرو په ارزښت شتمنۍ درلودې.

په ۲۰۱۱ کال لا چي کله د سعودي عربستان د هغه وخت پاچا شاه عبدالله بن عبدالعزير ژوند ؤ، نو په هکله يې د فوربس مجلې ليکلي ول چي ۱۸ مليارده ډالره شتمنۍ لري. اوس د سعودي پاچا شاه سلمان بن عبدالعزيز دی. خو د تيلو د بعيو د کمېدو له کبله سعودي عربستان او د پاچا کورنۍ د تاوانونو سره مخامخ ده.

د فوربس د ۲۰۱۱ کال د راپور له مخي د برونای د سلطان حسن البلقيه شتمنۍ تر ۲۰ ملياردو ډالرو څخه زيات ارزښت لري.

د تاېلند پاچا د ۲۰۱۶ کال د اکتوبر په ۱۳مه مړ سو. د دغه پاچا په هکله فوربس مجلې په ۲۰۱۱ کال ليکلي ول چي شتمنۍ يې ۳۰ ملياردو ډالرو ته رسيږي.