کرش فلم به ۲۰۱۳ کال بازار ته راووت چي پکښي راجېش روشن د مرکزي نرينه کردار تمثيل کړی دی. د دې څخه تر مخه د کرش دوه نور فلمونه هم بازار ته راوتلي ول. (يو مليارد ۱۰۰۰ مليونه کيږي) [ترتيب کوونکی: احمدولي اڅکزی]

کوچادا اييا د رجني کانت فلم دی چي په ۲۰۱۴ کال بازار ته راووت. دغه فلم د يو تاريخي پاچا په هکله دی او په تاميل ژبه ډک سوی دی.

دهوم ۳ فلم د ۲۰۱۴ کال په جنورۍ مياشت کی بازار ته راووت. په دغه فلم کي مرکزي نرينه کردارونه عامر خان او ابهيشک بچن لوبولي دي. ښځينه مرکزي تمثيل قطرينه کيف کړی دی.

اننتيران په ۲۰۱۰ کال بازار ته راوتلی ساينس فيکشن فلم دی چي په تاميل ژبه ډک سوی. په دغه فلم کي مرکزي کردار رجني کانت لوبولی.

را يو يا را ون د يو غېر عادي قوتونو لرونکي کس په هکله فلم دی چی مرکزي رول پکښي شاه رخ خان لوبلی. دغه فلم په ۲۰۱۱ کال بازار ته راوتلی ؤ.

د باهو بلي حماسه يي فلم لومړۍ برخه په ۲۰۱۵ کال بازار ته راووتله چي په ټوله نړۍ کي زياتو کتونکو وستايله. په دغه فلم کي کارول سوي کمپيوتري ايفکتونه د دغه فلم د بريا يوه لويه وجه بلل کيږي. اټکل کيږي چی د دغه فلم دويمه برخه به د ۲۰۱۷ کال د اپريل په پای کي بازار ته راووزي.

د «دوه اعشاريه صفر» په نوم هندی فلم ښايي د ۲۰۱۸ کال د جنورۍ په ۲۵مه نېټه بازار ته راووزي. په دغه فلم کي رجني کانت او اکشې کمار هم تمثيل کړی دی.

موهن لال چي پخپله هم په دغه فلم کي د ايکټر په توګه کار کوي، ويلي چي د مهابهارت فلم ته ۱۰ مليارده روپۍ (يو مليارد ۱۰۰۰ مليونه کيږي) بوديجه پلان سوې. مهابهارت د هندو دين تقريبا ۱۰۰ زره د مصرعو لرونکې اوږده حماسه ده، چي ورباندي تر مخه هم زيات فلمونه او ډرامي جوړي سوي دي. [ترتيب کوونکی: احمدولي اڅکزی]