د جاپان حکومت د سه شنبې په ورځ تایید کړه چې د «آګیس آشیور» سیتسم چې د توغندیو د دفاع یو امریکايي سیستم دي، غواړي چې خپل د بالستیک دفاعي سیستم د شمالي کوریا د پوځي تکنالوژئ پروړاندي پياوړی کړي.
د جاپان حکومت له خوا خپره شوې اعلاميه کې راغلي دي چې «د شمالي کوریا اټومي او د توغندیو پراخول د جاپان کورني امنیت ته یو لوی خطر دی.» اعلامیه همدا راز زیاتوي: «موږ دې ته اړتیا لرو چې په زیاته اندازه خپل د توغندیو د دفاعي سیستم ظرفیت لوړ کړو ترڅو په دوامداره او باثباته توګه جاپان وساتل شي».
د روان کال په نوامبر میاشت کې شمالي کوریا د جاپان سمندر لوري ته یو۴۰۰۰ کیلومتره واټن وهونکی نوی بالستیک توغندی و ازمویه چې د جاپان په سمندر کې د دې هیواد د توغندیو له دفاعي سیستم څخه یې ظرفیت لوړ وو.
د ځان دفاع که جګړې ته لمن وهل؟
په داسې حال کې چې تر دوهمې نړیوالې جګړې وروسته د دغه هیواد له لوري په جګړه کې د ښکیلیدو پر وړاندې مخالفتونه شوي، اوس زیاتره جاپانیان له دې امله اندیښمن دي چې په آرام سمندر کې د جاپان په سیاستونو کې بدلون به دغه هیواد یوه بل نړیوال ناورین ته ورسوي.
له دې سره د لومړي وزیر شینزو آبی په مشرئ د جاپان حکومت استدلال کړی چې په پوځي برخه کې فعال اوسیدل په داسې وخت چې د شمالي کوریا له لوري تهدید زیات شوی او په نړۍ کې د یوه قدرت په توګه د چین د مخ پر ودې پر موضوع سربیره به له سولې سره مرسته وکړي.
د جاپان حکومت د کابینې له غونډې وروسته د دفاع وزیر ایتسونوری اونو دیرا هڅه کړې چې د شته اندیښنو په برخه کې وضاحت ورکړي، او ویې ویل چې د هیواد د دفاعي سیستم له پیاوړي کولو څخه یوازي هدف د پیونګ یانګ د برید پروړاندې د جاپان د پیاوړي کولو په معنی دی.
اونو دیرا په دې هکله وویل چې: «د شمالي کوریا د اټومي توغنديو پراختیا جاپان ته يو نوی تهدید دی، او لکه څرنګه چې موږ پخوا دا کار کړی ړی، د خپلو توغنیدو د دفاعي سیستم په پرمختګ سره به [ځانونه] د خپلې دفاع په برخه کې ډاډه کړو».
Dpa, Reuters, APF(W.F/N.Z)
زموږ له ارشيف څخه:
د شمالي کوريا پوځي تمرينونه او په دغه ټاپو وزمه کي کړکېچ
امريکا په جنوبي کوريا کي دفاعي سيستم نصبوي. په عين حال کي د کوريا په اوبو کي د امريکا د اټومي اوبتل د ځای پر ځای کولو خبره کيږه. شمالي کوريا بيا خپل پوځي قدرت نندارې ته وړاندي کړی.
انځور: Reuters/D. Sagoljامريکا په جنوبي کوريا کي د «تاد» په نوم توغنديو دفاعي سيستم نصبول پيل کړل. دغه اقدام نه يوازي د سولي د پلويانو له غبرگون سره مخامخ سوی، بلکي روسيې او چين هم غبرگون ښوولی دی.
په دې انځور کي د توغنديو دفاعي سيستم آزموينه ښوول کيږي. د دغي آزمويني ځای او وخت روښانه سوی نه دی.
شمالي کوريا په تيرو اوونيو کي د کيم ايل سونگ د زېږېدو د ورځي او پوځ د تاسيس په وياړ ستر پوځي پريډونه وښوول او پوځي تمرينونه پيل کړي دي. دغو هڅو ته د شمالي کوريا د پوځي قدرت ښوولو په سترگه کتل کيږي.
د شمالي کوريا د پوځ له جوړښته ۸۵کاله تيريږي. دوی دغه ورځ په پوځي پرېډونو ولمانځله. جنوبي کوريا او امريکا متحدو ايالاتو بيا گډ پوځي تمرينونه پيل کړي دي.
د پوځ د تاسيس په ورځ د کيم ايل سونگ او کيم يونگ ايل مجسمو ته پوځي پرېډ.
د شمالي کوريا ښځي په دغه شان ورځو کي ميدان ته راوځي او ژاړي. دا ځل دوی د شمالي کوريا د بنسټ ايښوونکي کيم ايل سونگ د زېږېدو د ورځي په وياړ راوتلي او ژاړي.
د شمالي کوريا د تاسيس ورځ.
د کيم ايل سونگ د زېږېدو د ورځي په وياړ پوځي پرېډ.
شمالي کوريا گواښ کړی دی چي د توغنديو آزموينو ته به دوام ورکړي. امريکا ويلي دي چي د صبر کاسه ئې نوره ډکه سوې ده او روسيې په کوريا ټاپو وزمه کي د کړکېچ له ډېرښت څخه خبرداری ورکړی دی.
د شمالي کوريا د توغنديو نوي آزامويني يو روښانه پيام لاره، هغه دا چي د دغه هیواد رهبران په لوی لاس غواړي چي کړکېچ ته لمن ووهي.
د کيم ايل سونگ د زېږېدو د ورځي په وياړ د ښځو پوځيانو پرېډ.
د شمالي کوريا د دولت او پوځ پيام يو دی. دوی دواړه د خپلو رهبرانو فرمانونو ته غاړه ږدي.
د کيم ايل سونگ د زېږېدو ورځ ئې د «لمر ورځ» نومولې ده. د هغه د زېږېدو په ورځ پوځ اسمان ته گوري.
د کيم ايل سونگ د زېږېدو په ورځ شمالي کوريا بيا د توغنديو آزموينه وکړه. دې ته امريکا غبرگون وښود او دغه ټاپو وزمه ته ئې الوتکي وړونکي بېړۍ ولېږلې. شمالي کوريا به د خپل پوځي قدرت د ښوولو له پاره پوځي تمرينونه پيل کړل.
معمولاً له شمالي کوريا څخه ډېر لږ انځورونه رسنيو ته رسيږي. خو کله چي د توغنديو ازموينه، پوځي تمرينونه يا د پوځ قدرت نندارې ته وړاندي کوي رسنيو ته ئې انځورونه په اختيار کي ورکوي څو خپل ځواک گاونډیانو ته وښيي.
