کله چي میتسُورو نینُوما خبر سو چي هغه د سږو په سرطان اخته دی او دا چي د ژوند ډېره لنډه موده يې پاتې ده، نو هغوی د روغتون پر ځای د مړ کېدو له پاره خپل کور غوره وبلی. په دې توګه هغه ته امکان برابر سو چي د خپل لمسي او په همدې توګه د رِن په نوم سپي سره وخت تېر کړي.

۶۹ کلن میتسُورو نینُوما د څو مياشتو راهيسي د مرګ پر بستر پروت دی. د هغه د معاينې له پاره يوه فيزيکل تهراپسته راځي، د هغه بدن ته مساج او حرکت ورکوي. میتسُورو چي په کومه کوټه کي پروت دی، په هغه کي يې بېل انځورونه د خپل لمسي سره په ګټه ځوړنده کړي دي.

۹۵ کلنه یاسودو تویوکو په ټوکيو کي د خپلي لور په کور کي ژوند کوي. دغه مېرمنه د معدې د سرطان تر څنګ د ديمينشيا ناروغي هم لري. د دغې مېرمني پالنه د هغې لور په يوازي سر کوي. ياسودو په دې خاطر له روغتون څخه د خپلي لور کور ته راغله، ولي چي هغې داسي احساس کاوه چي په روغتون کي يې ديمينشیا لا زیاته سوې او دغه مېرمنه لا کمزوره سوې وه. په جاپان کي په کور کي د مريضانو پالنه يوه غيرعادي خبره ده.

هر څوک دا نه خوښوي چي د خپل ژوند وروستۍ ورځي په کور کي تيري کړي. کاتسو سايتو ته چي کله معلومه سوه چي د وينو په سرطان اخته دی، نو هغه و مرګ ته د نژدې مريضانو ځانګړي د اوسېدنې ځای «هوسپيڅ» ته مراجعه وکړه. خو نوموړی مجبوره سو چي ډېر انتظار وکړي تر څو هغه ته هلته ځای پيدا سي. کله چي نوموړی هلته يووړل سو نو دوې ورځي وروسته يې له نړۍ سترګي پټي کړې.

په روغتونونو او په هوسپيڅ ځايونو کي د ځايونو کمښت لويه ستونزه ده. دا په داسي حال کي چي په جاپان کي د زياتو زړو انسانانو شمېر مخ په زیاتېدو دی او دمګړی په دغه هيواد کي هر څلورم انسان تر ۶۵ کالو څخه زيات عمر لري. د روغتيايي چارو د کارپوهانو په اند به تر ۲۰۳۰ کال پوري په جاپاني روغتونو کي د تقريبا نيم مليونو بسترونو کمښت وي.

ياشوهيرو ساتو د سږو په سرطان اخته دی او و مرګ ته نژدې دی. هغه غواړي چي د روغتون په يوه داسي خونه کي د خپل ژوند وروستی ورځي تېري کړي چي دی پکښي يوازنی مريض وي. خو دا چي هغه اړيني پيسې نه لري او بيمه يې هم د يوازي خونو له پاره پيسې نه ورکوي، نو هغه مجبور دی چي په ټوکيو کي په خپل اپارتمان کي واوسيږي.

ډاکټر يو ياسوئ (ښه اړخ) د موبايل له لاري د یو کلينيک سره تماس نيولی دی. دغه ځانګړی کلينيک د يو ياسوئ په څېر ګرځنده ډاکټرانو په واسطه د هغو مرګ ته نژدې مريضانو درملنه او پالنه کوي چي په خپلو کورونو کي اوسيږي. دغه کلينيک چي په ۲۰۱۳ کال جوړ سوی، تر اوسه يې تر ۵۰۰ زياتو سختو ناروغو انسانانو سره د هغوی تر مرګه ملګري کړې ده. د يو ياسوئ په وينا د ژوند په وروستيو ورځو کي د مريضانو طبي مراقبت ډېر مهم وي.

د ډاکټر یاسوئ څو مريضان په خپلو کورونو کي اوسيږي. بعضو دغو مريضانو ته د هغوی خپلوان په څو عمر کي د هغوی پوښتني ته راځي. خو داسي ناروغان هم سته چي بېله د ډاکټر څخه ورته هيڅوک کور ته نه راځي او دغه کسان په کور کي بالکل تنها او يوازي وي. ياسوهيرو هم له دغو مريضانو څخه يو دی.

ياسوهيرو ويل چي نه غواړي د يو چا له پاره د زحمت باعث سي. هغه ويل چي هيله لري چي «له مرګ څخه وروسته ژوند» به يې بهتر وي. د نوموړي کس ساه د سپتمبر په ۱۳مه په داسي حال کي بنده سوه، چي د ډاکټرانو او نرسانو علاوه يې په اپارتمان کي بل څوک نه ول.

سلمان بن عبدالعزيز السعود د سعودي د مخکني پاچا عبدالله تر مړيني وروسته د ۲۰۱۵ کال په جنورۍ کي د سعودي پاچا سو.

اکيهيتو لږ وخت مخکي اعلان کړی چي له واک څخه به ليري سي. هغه د خپل پلار او مخکني امپراتور هيروهيتو د مرګ وروسته په ۱۹۸۹ کال د جاپان پاچا سو.

پرناب مکهرجي په هند کي پر بيلو سياسي منصبونو وظيفه درلودلې ده. هغه د کانګريس ګوند د کانديد په توګه د ۲۰۱۲ کال د جولای مياشتي په ۲۵مه نېټه د هند ۱۴ ولسمشر وټاکل سو.

پاول بيا د ۱۹۸۲ کال راهيسي په افريقايي هيواد کامرون کي واکمن دی. پر نوموړي تور دی چي د واکمن کېدو راهيسي يې په دغه هيواد کي په انتخاباتو کي درغلۍ کيږي.

راول مودېستو کاسترو د ۲۰۰۸ کال د فبرورۍ په ۲۴مه نېټه د کيوبا د ملي پارلمان له لوري د هيواد د ولسمشر په توګه وټاکل سو. نوموړي د خپل ورور او اوږدمهال واکمن فيدل کاسترو څخه وروسته د هغه ځای ناستی سو.

صباح الأحمد الجابر الصباح د کوېت پنځم امير دی. نوموړی د ۲۰۰۶ کال د جنورۍ په ۲۹مه نېټه د کويت واکمن سو.

عبدالحليم معظم ۸۸ کاله عمر لري او ښايي د هيوادونو د واکمنانو تر ټولو لوی نوم هم د ده وي. د هغه بشپړ نوم داسي دی: سرالمعتصم باللہ محب الدین توانکو الحاج عبد الحلیم معظم شاہ ابن المرحوم سلطان بادلیشاہ

باجي السبسي په ۲۰۱۴م کال د تونس د ولسمشر په توګه لوړه وکړه. د دې څخه تر مخه هم نوموړي تقريبا ۵۰ کاله په سياست کي تېر کړي.

اليزابېت دوهمه د ۱۹۵۲ کال د فبرورۍ په ۶ مه نېټه د بريتانيې ملکه سوه. کله چي نوموړې په ۲۰۱۷ کال ۹۰ کلنه سوه نو په بريتانيه کي خورا لوی مراسم نيول سوي ول.

رابرت موګابې په خپل ۹۳ کالو عمر د نړۍ تر ټولو زوړ واکمن دی. هغه د ۱۹۸۷ کال د دسامبر د ۲۲مې نيټي راهيسي د زمبابوې واک په لاس کي لري.

د مبا ګوتو ۱۴۶مه کليزه د ۲۰۱۶م کال د دسمبر پر۳۱مه نېټه ولمانځل سوه. په دغه لمانځنه کي د هغه د اولادونو پنځم او شپږم نسل هم حاضر ؤ.

د مبا ګوتو کورنۍ د هغه د ۱۴۶مي کليزي له پاره خاص کيک جوړ کړی ؤ. پر دغه کيک د هغه د کليزه ۱۴۶ شمېره او د هغه د زېږېدني تاريخ د۱۸۷۰م کال د دسمبر ۳۱مه نېټه هم ليکل سوی ؤ. مباګوتو يو ډېر ښه لامبوزن ؤ. هغه په کب نيونه کي ډېر مهارت لاره.

د مباګوتو لوڼي او زامن نور ژوندي نه دي. د هغه لمسيان او لمسياني حتی اوس زاړه سوي دي. نوموړي دومره ژوند وکړ چي خپل پنځم او شپږم نسل يې هم وليد.

مباګوتو ويل چي په ژوند کي صبر ورته ډېر مهم دی. د هغه په وينا ښايي همدغه صبر د هغه د اوږد ژوند يو مهم لامل ؤ. مباګوتو په خپله کورنۍ کي يوازنی کس ؤ چي دومره اوږد ژوند يې وکړ.

مباګوتو څلور ودونه کړي ول خو د هغه څلور واړې مېرمني وفات سوي دي. هغه د خپل زوی د کونډي په کور کي له خپلو لمسيانو سره ژوند کاوه.

د اندونيزيا دولت د مباګوتو د زېږېدنې تاريخ درست باله. خو د مباګوتو نوم د ريکاډونو په نړيوال کتاب ګينس کي د تر ټولو زوړ انسان په توګه نه ؤ درج سوی، ځکه د يوه بې طرفه اړخ له خوا د هغه د پيدايښت اسنادو تثبيتول اړين ول.

دمګړی د نړۍ د تر ټولو زوړ انسان په توګه د ګينس ريکارډ په کتاب کي د فرانسوۍ ږان کلم نوم درج دی. دغه مېرمنه چي په ۱۹۷۷م کال کي مړه سوه، ۱۲۲ کاله يې ژوند وکړ.

تر مباګوتو مخکي هم ځيني نورو انسانانو د تر ټولو زیات عمر لرلو ادعاوي کړي دي. د بېلګي په توګه په نايجيريا کي يوه سړي ويلي ول چي عمر يې ۱۷۱ کاله دی. يو بل کس په ايتوپيا کي د ۱۶۳ کالونو عمر درلودلو ادعا درلوده. خو دغه کسان نه دي توانېدلي چي اړين اسناد د گينس ريکارډ ادارې ته وړاندي کړي.

د بوليويا اوسېدونکی کارمېلو فلورېس لاورا هم ادعا لري چي د نړۍ تر ټولو زوړ انسان دی. هغه وايي چي د اسنادو له مخي په ۱۸۹۰م کال کي زېږېدلی دی. هغه د خپل اوږد ژوند راز دا بولي چي وايي ځان يې د اوړو له مصنوعاتو لکه مکرونيو او په همدې شان خوږو شيانو او بورې څخه ليري ساتلی دی.

د سوامي سيواناندا په نوم هندی د ۱۸۹۶م کال د اګست پر ۱۸مه نېټه زېږېدلی ؤ. د هغه په هکله فکر کيږي چي د هند له تر ټولو زړو انسانانو څخه يو ؤ. دغه ۱۱۷کلن شخص تر ۲۰۱۳م کال پوري ژوند وکړ. سيواناندا به ويل چي د اوږد ژوند راز يې دا دی چي په ژوند يې جنسي اړيکي نه دي درلودلې او ډېر ترخه خواړه يې خوړل.

د جيرومون کيمورا په نوم شخص ته د نړۍ د تر ټولو زيات عمر لرونکي نارينه په سترګه کتل کيږي. دغه سړی چي په ۱۸۹۷م کال کي زېږېدلی ؤ ۱۱۶کاله يې ژوند وکړ. هغه ويل چي که څوک غواړي اوږد ژوند وکړي نو بايد په دوامداره توګه او هره ورځ يو نوی شی زده کړي.