د پولیسو په حواله په برلین کي نن شنبه ( د اکتوبر میاشتي ۲۲ مه) په لمړي سر کی ۱۸۰۰ کسانو په دغو مظاهرو کي برخه واخیستله. په ډرسدن، دوسلدورف، فرانکفورت، هانوور او شټوټ ګارټ کي هم په همدې ارتباط مظاهرې تر سره سوې. 
دغه مظاهرې د« انرژۍ د بحران پر وخت خواخوږي، اجتماعي امنیت او په فوسیلي انرژۍ باندي د تړل کیدو څخه ځان خلاصولو» تر شعار لاندي تر سره سوې. 
په «مني کي د خواخوږۍ» دغه اتحاد د نورو تر څنګ په مشخص ډول د سختو محتاجو کسانو سره کومک، د کرایې د لوړیدو مخنیوی او د نوي کیدونکي او پایداره انرژۍ د پراخولوغوښتني وکړې.