لکه څنګه چي په ویسباډن کي د جرمني د احصايې مرکزي ادارې پرون جمعه (د اکتوبر ۱۳ مه) خبر ورکړ، د زراعتي محصولاتو د تولید مصارف په تیر اګست میاشت کي د تیرکال عین میاشتي په مقایسه په متوسط ډول ۳۴،۵ فیصده لوړ سوي دي. په جولای مياشت کي ۳۳،۴ او په می میاشت کي نور هم لوړ، یعني ۳۵،۶ فیصده لوړ سوي ول. 
دغذايي موادو ګرانیدل د انرژۍ د بیو د لوړیدو تر څنګ په جرمني کي د انفلاسیون تر ټولو لویه محرکه قوه ده: قیمتونه په همدا تیري سپټمبر مياشت کي د پروسږکال په نسبت ۱۸،۷ فیصده لوړ سول، چي دا بیا په خپل نوبت سره د انفلاسیون درجه ۱۰ فیصدو ته ورلوړه کړه او په دې ډول سره د ۱۹۵۰م کال له شروع راهیسي تر لوړ انفلاسیون.