جي ۷ ډله: ایران دې د روسيې پوځي ملاتړ پای ته ورسوي
۱۴۰۲ بهمن ۲۹, یکشنبه
د اووه صنعتي هیوادونو د بهرنیو چارو وزیرانو له ایران څخه وغوښتل چې د روسیې پوځي ملاتړ ته دې د پای ټکې کیږدي. دغې ډلې له نورو هیوادونو هم غوښتنه وکړه چې پر ایران دې په بې پيلوټه الوتکو کې کاریدونکي پرزې نه خرڅوي.
د جي اووه ډلې هیوادونو د بهرنیو چارو وزیران د ميونيخ کنفرانس په څنډه کېانځور: Thomas Trutschel//photothek/Auswärtiges Amt/picture alliance
اعلان
د جي اووه ډلې هیوادونو د بهرنیو چارو وزیرانو د مونشن یا ميونيخ کنفرانس په څنډه کې له یوه بل سره ولیدل. د دې لیدنې کتنې په پای کې یوه ګډه اعلامیه خپره شوه چې په هغې کې له ایران څخه غوښتل شوي دي چې د روسیې نظامي ملاتړ دې بند کړي او د اوکراین پر وړاندې د دې هیواد د جکړې اور ته دې لمن نه وهي.
جې اووه ډلې همدارنګه له نورو هیوادونو هم وغوښتل چې د ایران د بې پيلوټه الوتکو پروګرام له پاره دې د اړینو پرزو له استولو ډډه وکړي، ځکه دا کار به په پای کې د اوکراین پر وړاندې د روسیې د جګړې د ملاتړ په معنی وي.
داسې اسناد او شواهد موجود دي چې روسیه د ایران د بې پیلوټه الوتکو په وسیله د اوکراین پر ملکي زیربناو بریدونه کوي. ایران ادعا کوي چې دغه ډرونونه یا بې پيلوټه الوتکې پر اوکراین د روسیې له برید څخه مخکې دغه هیواد ته ورکړل شوي دي.
ويره او خواخوږي: د اوکراين د جګړې انځورونه
پر اوکراين د روسیې بريد ډير انسانان اغیزمن کړي: د اوکراين د ولس پراخه برخه د خپل امنيت په اړه اندېښمنه ده او له اوکراينه دباندې په زرونو انسانان له هغوی سره خواخوږي او يووالی ښيي.
انځور: Emilio Morenatti/AP/dpa/picture alliance
د ميترو له لارې له خطري سيمو څخه وتل
د پنجشنبې په ورځ په کيف کې ډېرو خلکو چې غوښتل یې ځان د امنيت په خاطر له ښاره ووځي، هڅه کوله ځان مترو ته ورسوي. د اوکراين ولسمشر د جمعې په ورځ وويل چې داسې معلومات په لاس کې لري چې ورانکارې ډلې او روسي ځواکونه پلازمينې ته داخل شوي دي.
انځور: Emilio Morenatti/AP/dpa/picture alliance
تر ځمکې لاندې په خوندي ځايونو کې پناه
کله چې د پنجشنبې په ماسپښين د بمبارۍ د خطر زنګ وغږول شو، ډېرو وګړو د پناه اخیستو له پاره د میترو تمځايونو ته مخه کړه: د کيف مترو تر ځمکې لاندې ډېره په ژوره کې پرته ده او په دې ترتيب د ځمکې پر سر له چاودنو په امن کې وي.
انځور: Emilio Morenatti/AP/dpa/picture alliance
وارخطايي او انتظار
په کيف کې د مترو تر ځمکې لاندې شبکه په رسمي توګه له بمونو څخه د ساتونکې ساحې په توګه طراحي شوې ده. له پناه اخیستونکو سره دا اندېښمنونکې پوښتنه را پيدا کيږي چې څومره وخت به دلته په انتظار وي او دا چې ښار یې په کوم وضعيت کې دی؟