روسیې د یاغیانو بریدونو ته په اشارې سره اعلان کړی دی چې د بشردوستانه یو اړخیز اوربند موده نه غځوي. حکومتي ضد جنګیالیو هم د یوه نوي برید له پاره امادګي ښولې ده.
انځور: picture alliance/AP Photo
اعلان
د جمعې په ماښام د روسیې له خوا اعلان شوی اوربند په داسې وخت کې پای ته ورسید، چې د حلب له ختیځې برخې څخه د وتلو له پاره د ملکي خلکو او یاغیانو له خوا کومه استفاده نه ترسترګو کیدله.
د «سوریې له پاره د بشري حقونو سازمان» چې مقر یې په لندن کې دی او د سوریې په کچه اطلاعاتو ته د لاسرسي شبکه لري ویلي دي :«موږ د داسې کومې پيښې شاهدان نه وو چې یو ملکي یا جګړه مار دې د ښار له ختیځې برخې څخه وتلی وي.»
مسکو چې د سوریې ولسمشر بشارالاسد کلیدي متحد دی ویلي دي چې د یاغیانو له خوا د وروستیو بریدونو له امله «بشردوستانه اوربند» نه تمدیدوي. روسیه پر یاغیانو تور لګوي چې له دغه موقت اوربند څخه د خپلو مرکزونو د پیاوړي کولو له پاره استفاده کوي.
د یاغیانو د سیاسي دفتر بریګارد، یو غړي یاسر الیوسف، چې په همدغه ښار کې دی ویلي دي :«دغه اعلامه بې ارزښتنه ده...موږ پر روسانو او د هغو ټول کم ارزښتنه ابتکاراتو یې هیڅ باور نه لرو.»
وروسته تر دې چې د سوریې حکومت د روسیې په ملاتړ د سپټمبر په میاشت کې د حلب د بیرته نیولو له پاره عملیات په لاره واچول، سلګونه ملکي خلک په دغه ښار کې چې د یاغیانو تر کنترول لاندې وو ووژل شول.
دا کار د دې سبب شو چې اروپایې اتحادیه روسیې ته خبردارې ورکړي چې د دوی دغه اقدامات شاید «د جنګي جنایاتو تر حده» وي. همدارنګه ملګرو ملتونو خبردارۍ ورکړ چې یاغي ډلې هم شاید د جنګي جرمونو مرتکب ګرځي، خو دواړو خواو د ملګرو ملتونو ادعاوې رد کړي دي.
ملکي خلک په خطر کې دي
ملګرو متلتونو ویلي دي چې دوی د اکتوبر په میاشت کې هم د ورته او تر دې اوږد اوربند پر مهال نه وو توانیدلي چې په دغه ښار کې نږدې ۲۵۰ زره محاصره شوو ملکیانو ته مرستې ورسوي، او دا وار یې د سیمې د تخلیه کولو او ملکیانو د ژغورنې له پاره هیڅ ډول کوښښ نه دی کړی.
د ملګرو ملتونو د بشري مرستو د دفتر ویاند دیوید سونسن، د فرانسې خبرې آژانس ته ویلي دي :« د دغه اوربند د اعلان په هکله، دا ځل ملګري ملتونه د حلب له ختیځ څخه د ملکي خلکو د را ایستلو له پاره هیڅ ډول اقدام نه کوي. موږ د حلب په ختیځ کې د بشري وضعیت په هکله ډير زیات اندیښمن پاتې کیږو. د جولای میاشتې له لومړیو څخه د دغه ښار ختیځ ته هیڅ ډول مرستې نه رسیږي.»
د ۲۰۱۱ کال را پدیخوا د کله راهیسې نه چې د سوریې حکومت په بې رحمانه توګه د اسد له واک څخه د لیري کیدو له پاره د سوله ییزو احتجاجونو سرکوبول پیل کړي دي، تر اوسه پورې په دغه هیواد کې ۲۵۰ زره انسانان وژل شوي دي.
پر ورته موضوع یو انځوريز البوم زموږ له آرشيف څخه (29.03.2016):
له داعشه بيرته نیول سوي ښار پالميرا انځورونه
د سوريې حکومت له داعش څخه د پالميرا ښار تر نيولو وروسته، د دغه ښار د بيا رغاولو ژمنه کړې ده. د لومړیو ارزونو له مخي کارپوهانو ويلي دي چي دغه ښار په هغه اندازه تخريب سوی نه ده لکه اټکل چي ئې کېدی.
انځور: picture-alliance/dpa/C. Melzer
پالميرا ښار
د سوريې پوځ د يکشنبې په ورځ په دې وتوانېد چي تر سختو جگړو وروسته د پالميرا ښار څو دروازې له داعش څخه ونيسي. له داعش څخه تر نيولو وروسته د پالميرا ښار انځورونه.
انځور: Reuters/Sana
پر پالميرا ښار جگړه کي ۵۸۰ عسکر او جنگيالي وژل سوي
د سوريې پوځ د مارچ مياشت له ۲۰ نېټې راهيسي د روسيې د هوايي ځواک په مرسته يرغلونه پيل کړل. ويل کيږي چي په دغه جنگ کي ۴۰۰ کسان د داعش جنگيالي او ۱۸۰ عسکر وژل سوي دي. د پالميرا تر نيولو وروسته د سوريې پوځ د يوه عسکر انځور.
انځور: picture-alliance/dpa/V.Sharifulin
پالميرا
د ايران حکومت اسد ته د دغه ښار د نولو تبريکي ورکړې او ويلي ئې دي چي ملاتړ ته به ئې دوام ورکړي. د پالميرا ښار تر نيولو وروسته د هغه يو انځور.
انځور: picture alliance/dpa/TASS/V. Sharifulin
پالميرا تاريخي ښار
پالميرا ښار د دمشق په شمال کي واقع دی او د يونسکو د نړيوالو ميراثونو په ليست کي دی. د داعش تر نيولو وروسته په دغه ښار کي ډېر ارزښمن تاريخي اثار موجود ول. د پالميرا ښار تر نيولو وروسته يو انځور.
انځور: picture-alliance/Robert Harding World Imagery/C. Rennie
په دغه ښار کي شامين-بعل معبد يو ډېر تارخي ځای وو چي داعش ونړاوه. دغه معبد له دوو زرو کلونو راهيسي خوندي پاته وو او په منځي ختيځ کي يو له مهمو معابدو څخه وو. د داعش له خوا د دغه معبد تر نړولو دمخه د هغه انځور.
