د جمعې ورځې (د جولای ۲۰مې) خونړيو حملو په دوام، د فلسطين اسلامپالې ډلې حماس اعلان وکړ چې د غزې په تراډه کې د اسرائيلي چارواکو سره د اوربند په رامنځ ته کيدو هوکړې ته رسيدلې ده.
د حماس وياند وویل دغه اوربند چې د شنبې ورځې له سهار وختي څخه له «يرغلګرو» سره تامين شوی، د مصر او د ملګرو ملتونو سازمان د منځګړيتوب په نتيجه کې په لاس راغلی دی.
فلسطيني جنګيالانو د جمعې ورځې له سهاره پر اسرائيلي عسکرو د توغنديو او چاوديدونکو موادو بريدونه وکړل.
د اسرائيل پوځ وايي چې د حماس ډلې د اسرائيل پر لور درې توغندي توغولوي، چې دوه يې په هوا کې شنډ کړل شوي دي.
اسرائيل لور زياته کړې ده چې د غزې په سرحد کې د رامنځ ته شويو چاودنو په پايله کې یو اسرائيلي عسکر سخت ټپي شو چې بيا وروسته يې سا ورکړه.
د جمعې ورځې په ماښام د اسرائيل هوايي ځواکونو د غزې تراډې پر برخو بريدونه وکړل. د اسرائيلي پوځ په وينا، د حماس ډلې ۹ پوځي اډې د دوی د بريدونو موخه وه.
سرچينې دغه راز ويلي دي چې په دغو حملو کې درې فلسطينيان (د حماس غړي) وژل شوي دي. خو حماس بيا ويلي دي دغه درې قربانيان او څلورم کس چې د جمعې په سهار په ګولۍ ولګيد او ووژل شو، ټول ناوسلوال مظاهره چيان ول.
د غزې د روغتيا ادراې د رپوټ په حواله، پر مظاهره کونکو باندې د اسرائيلي پوځ له خوا د جمعې ورځې په ترسره شوو حملو کې ۱۲۰ تنه ټپيان شوي هم دي چې د ځينو روغتيايي حالت يې نازک دی.
په غزه کې وروستۍ حملې د هغو مظاهرو په دوام ترسره شوي دي، چې د مارچ له شلمې راهيسې د هرې جمعې په ورځ د «بيرته ستنيدو» تر شعار لاندې په لاره اچول کيږي.
فلسطينيان په دغو مظاهرو کې اشغال شويو سيمو کې خپلو کورنو ته د بيرته ستنيدو شعارونه ورکوي او د غزې تراډې د محاصرې د پاي ته رسولو غوښتنه کوي.
له آرشيف څخه يو انځوريز آلبوم:
په غزې تړاډه کي د حماس د جنگیالانو پر ضد د اسرائیلي پوځ د عملیاتو په ترڅ کي له تیرو دوو اونیو راهیسي د ډیر ماشومانو او ښځو ترڅنگ په سونو فلسطینیان وژل شوي دي. انځور: DW/Shawgy el Farra د خپلي کورنۍ او دوستان پر مرگ ویر د غزې تړاډي په جنوبي سیمه رفاه کي د اسرائیلي يرغلونو په ترڅ کي د وژل شویو کسانو خپلوان او دوستان د خپلو عزیزانو پر مرگ ژاړي. د اسرائیلي ټانکونو پر مرمیو سربیره د دغه هیواد د هوايي ځواک له خوا هم د حماس پر مرکزونو بمبار روان دی.
انځور: Reuters د غزې د اوسیدونکو بې وسي او ناتواني د غزې ټول نظام د پرله پسي يرغلونو له امله کډوډ شوی دی. د غزې په ۷۰ سلنه برخه کي بریښنا نشته او د پاکو اوبو د نشتوالي له امله وضعیت ورځ تر بلي خرابیږي. د غزې بې وسه خلکو ته یوازي دا چي د خپلو عزیزانو پر مرگ ویر وکړي بله هیڅ لاره پاته نه ده.
انځور: DW/Shawgy el Farra په خپل هیواد کي در په دره د اسرائیلي بریدونو له امله د غزې په شمال کي ډير خلک د خپلو کورونو پرېښوولو ته اړ شوي دي. ډیرو ښځو او ماشومانو د ملگرو ملتونو له خوا جوړ شویو مرکزونو او یا هم ښوونځیو ته پناه وړې ده.
انځور: DW/Shawgy el Farra په معصومو سترگو کې له ورایه د بيري نخښي لیدل کیږي یو فلسطینی کوچنی چې د خپل کور یو څه پاته شوی سامان ورسره دی، د یوې داسي ودانۍ تر څنگ تیريږي چې د پولیسو په خبره د اسرائیلو د هوايي يرغلونو په نتیجه کې ویجاړ شوی دی.
انځور: Reuters اور زېږوونکي اسرائیلي ټانکونه له غزې تراډي سره نژدې د اسرائیلو له سرحد څخه د توپونو ۱۵۵ ملي متري مرمۍ په غزه کې د حماس جنگیالانو پر مرکزونو باندي توغول کیږي. اسرائیل وايي چي دوی د دې ترمخه لا فلسطینیانو ته خبرداری ورکړی وو چي د غزې له شمالي برخو څخه ووځي، په داسې حال کي چي فلسطینیان بیا وايي چي د غزې هیڅ یوه سیمه له اسرائيلي يرغلونو څخه خوندي پاته نه ده.
انځور: J.Guez/AFP/Getty Images تر ځمکې لاندي تونلونو د ويجارولو عمليات اسرائیلي ټانکونه د غزې په شمالي برخه کي مصروف ښکاري. په غزه کي د ځمکنیو بریدونو په پيلیدو سره اسرائیل وايي چي دوی غواړي یوازي هغه تونلونه په نخښه کړي چې د حماس جنگیالي پکښې پټیږي او له دې لاري ځانونه د اسرائیلو خاوري ته رسوي.
انځور: Reuters «له چا څخه د انصاف تمه کیږي» یوه فلسطینۍ د خپل یو عزیز د ویجاړ شوي کور تر څنگ ناسته ده او ویر کوي. پولیس وايي چې د خان یونس د کډوالو کمپ ته نژدې دغه کور اسرائیلي توغندیو ویجاړ کړی دی.
انځور: Reuters یو فلسطینې کارپوه د خپل ویجاړ شوې کور له خاورو څخه د یوې کوربچې د را ايستلو هڅه کوي. دا کور د غزې په جنوبي برخه خان یونس کې موقعیت لري. د دوو اونیو راهیسې د اسرائیلو په برید کې د کمښت هیڅ څرک نه لیدل کیږي.
انځور: Reuters د غزې په ختیځ کي د«شجائیه»سیمي اوسیدونکو له پاره د یکشنې ورځ(د جولای ۲۰) ډیره خونړۍ ورځ وه. په دغه ورځ د اسرائیلو له خوا تر ډیرو سختو بریدونو وروسته پر سړکونو هر لور ته د مړو جسدونه پراته ول. د سختو فيرونو له امله امبولانسونو هم نه وشوای کولای چې د خلکو مرستي ته ور ورسيږي.
انځور: M.Abed/AFP/Getty Images د دوو اونیو پرله پسې عملیاتو په ترڅ کې د غزې تراډې ډیري سیمي په کڼوالو بندلي شوي دي. د دغو بریدونو په ترڅ کې تر ټولو ډیر مالي او ځاني زیان عام خلکو ته اووښتی دی.
انځور: DW/Shawgy el Farra
