جان ایګلنډ د ناروې د کډوالو د شورا (NRC) عمومي منشي له CNN سره په مرکه کي خبرداری ورکړ، چي په غزه کي یو انساني ناورین سترګي په لار دی. «د بېلګي په ډول که چیري په روغتونونو کي د برېښنا د نشتوالي او لوږي له لاسه کوچنیان ومري، دا به جنګي جنایتونه وشمېرل سی.»
انځور: Mahmud Hams/AFP/Getty Images
یحیی سنوار، په غزه کي د حماس د سیاسي دفتر مشر
یحیی له ۲۰۱۷م کال راهیسي په غزه کي د حماس تروریستي ډلي مشر دی. هغه پر اسرائيل د برید له طراحانو څخه ګڼل کیږي. سنوار، چي د کډوالو په پنډغالي کي لوی سوی دی، ویلي دي: «موږ دا غوره ګڼو، چي شهیدان سوو، د دې پرځای، چي تر ظلم او سپکتیا لاندي ومروو.»
انځور: Mohammed Abed/AFP
د لوړي کچي فشار
د حماس ویاند خبري اژانسونو ته ویلي دي چي هر واري چي اسرائيل بیله خبرتیا پر غزه بمبار وکړي یو نیول سوی اسرائيلی به وژل کیږي. په داسي حال کي چی د اسرائيل د باندنیو چارو وزیر الی کوهن ګواښ وکړ چي دا ډول کړنی به هیڅ ونه بخښل سي. حماس پر اسرائيل باندی د برید پرمهال په لسهاوو اسرائيليان له ځان سره ژوندي بیولي دي.
انځور: Mahmud Hams/AFP/Getty Images
انځورونه1 | 10
د یادونې ده چې د ۲۰۲۳م کال د اکټوبر مياشتي پر ۷ مه، د حماس ترهګرې ډلې جنګيالي د غزې تړانګې له سرحدي خنډونو څخه تېر شول او په اسرائیل کې يې پر نږدې کليو خونړي بریدونو تر ۱۲۰۰ ډېر خلک ووژل، چې ډېری یې ولسي وګړي ول. دغي ډلي دغه راز شاوخوا ۲۴۰ کسان یرغمل او له ځانه سره غزې تراډي ته وتښتول.
تر دغه بريد وروسته اسرائیلد جګړې حالت اعلان کړ او په غزه کي يې په سختو هوايي او ځمکنیو بریدونو سره د دغه جنایت د عاملینو تعقیب او مجازات پیل کړ، چې په پایله کې یې ګڼ ولسي خلک وژل شوي او عامه ځایونه ویجاړ شوي دي.
