که څه هم یو شمیر شعیه مذهبه ملیشې له عراقي پوځ سره یوځای شوي دي، خو سره له دې هم د ایران له ملاتړ څخه برخمن ځنې بانفوذه ملیشې په خپلواک ډول په عراق کې فعالیت کوي.

پر عراق د امریکا تر برید وروسته، له ۲۰۰۳م کال راهیسې د حزب الله ملیشه په عراق کې د امریکايي ځواکونو پر وړاندې فعالیت کوي. د عراق د حزب الله ملیشه د لبنان له حزب الله ډلې سره د سازماندهي په برخه کې ارتباط نه لري. دې ډلې له عراق څخه د امریکایي ځواکونو تر وتلو درې کاله وروسته په ۲۰۱۱م کال کې د داعش ترهګرې ډلې پر ضد مبارزه پیل کړه او د حشد الشعبي ډلې سره یوځای شوه.

د عراق حزب الله تر اوسه پورې د خپلو غړو شمیر پټ ساتلی دی، خو سره له دې هم د دغې ملیشه ډلې د یوه ویاند په حواله، نوموړۍ ډله په بې پيلوټه الوتکو، له لیري څخه کنترولیدونکو توغندیو او نورو وسلو مجهزه ده. د عراق د حزب الله ډلې مشري ابو احمد البصري کوي. ویل کیږي چې البصري د هغه اصلي نوم نه دی.

یو شمیر نور سازمانونه له خپلو زرګونو جنګیالیو سره د حشد الشعبي تر چتر لاندې په عراق کې فعالیت کوي. یو له دغو سازمانونو څخه د النجباء ملیشه دي. دا سازما د اکرام الکعبي عراقي له خوا رهبري کیږي چې د امریکا په تور لیست کې شامل دی. کتائب الامام علي چې د واشنګټن له خوا د ترهګریزې ډلې په توګه درجه بندي شوی هم د همدې چتر لاندې فعالیت کوي.

د جُند الامام او خراساني سپاهیان هم د هغو ملیشه و له ډلې څخه دي چې د حشد الشعبي تر چتر لاندې فعالیت کوي. یاد سازمان له حزب الله سره یوځای د حشد الشعبي تر چتر لاندې په عراق کې د ایران د پلويانو تر ټولو پياوړې ډله تشکيلوي.

د عصائب الاهل الحق ډله له مهدي پوځ څخه رامنځته شوې کوم چې د مقتدی الصدر په مشری یو له تر ټولو قوي شعیه مذهبه سازمانونو څخه دی. د عراق په پارلمان کې د صادقیون د فراکسیون له خوا یي استازیتوب کیږي. متحده ایالات دغه ډله د څو توغندیزو بریدونو مسئول بولي.

د البدر سازمان په عراق کې یو تر ټولو پخوانی او مهمه پارلماني ډله ګڼل کیږي. په ۱۹۸۲م کال د دې ډلې بنسټ کیښودل شو او د ایران او عراق په جګړه کې«۱۹۸۰ تر ۱۹۸۸» د ایراني ځواکونو په پلوي جنګیده. دا سازمان په زرګونو تنه غړي لري او د عراق په پوځ کې هم د پام وړ برخه لري. همدارنګه له څو کلونو راهیسي د دې ګوند څو تنه غړي په مهمو حکومتي پوستونو کې کار کوي.

له څو کلونو راهیسې د حزب البدر غړي په مهمو حکومتی پوستونو کې کار کوي. دغه سازمان د هادي العامري له خوا رهبري کیږي. العامري د ایران د القدس ځواکونو د وژل شوي جنرال قاسم سلیماني چې په بهرنیو ماموریتونو کې د ایران پر نفوسه قوماندان ګڼل کیده استازیتوب کاوه. په انځور کې د مقتدی صدر تر څنګ په عراق کې د شعیه ګانو دغه پر نفوذه سیاستوال لیدل کیږي.