د اسلامي دولت ترهګړې ډلې د دوشنبې په ورځ په لاس ویګاس کې د ډزو د برید پړه پر غاړه واخیسته. دې ډلې پر خپلې انترنتي پاڼه لیکلي دي چې د لاس ویګاس بریدګر یې «یو سرتیری وو». د اسلامي دولت یا داعش ډلې زیاته کړې ده چې دغه برید د داعش د جنګیالیو پر ضد د پوځي عملیاتو په ځواب کې ترسره شوی دی.
داعش د خپلې ادعا د اثبات له پاره کوم ثبوت نه دی وړاندی کړی. دغه ډله ډیر وخت د داسې بریدونو پړه پر غاړه اخلي چې په اصل کې د نورو ډلو او یا هم انفرادي وګړو له خوا ترسره شوی وي.
د لاس انجلس په پیښه کې تر ۵۰ زیات کسان وژل شوی او په سلهاو تنه نور بیا ټپیان دي. پولیسو ویلي دي چې پخپله برید کوونکی هم د وژل شویو کسانو په ډله کې شامل دی.
هغه د یوه کنسرت پر مهال د یوه هوټل د یوې خونې له کړکۍ څخه له خپلې اتوماتې وسلې سره د کنسرت پر لیدونکو باندې ډزې وکړې او لوړه مرکژوبله یې رامنځ ته کړه. پولیس وایي چې تر اوسه پورې د برید کوونکي د انګیزې په اړه معلومات په لاس کې نه لري.
د لاس ویګاس پیښه: تر اوسه څه معلوم شوي
په لاس ویګلاس کې د یوه کنسرت پر مهال ډزې شوې دي چې له کبله یې لوړه مرګ ژوبله رامنځ ته شوې ده. د وژل شویو کسانو په ډله کې پخپله بریدکوونکی هم شامل دی. پولیسو اوس د پیښې سیمه کلا بند کړې ده.
انځور: Reuters/Las Vegas Sun/S. Marcusپولیس وایي چې په لاس ویګاس کې د ډزو له کبله لږ تر لږه ۵۰ تنه وژل شوي او په سونو تنه نور بیا ټپیان دي. پولیسو ته مندالي بې کازینو ته نزدې د یوه برید کوونکي په اړه خبر ورکړل شوی وو.
خلک د کنسرت له سیمې د تیښتې په حال کې
د لاس ویګاس پولیسو له خلکو څخه وغوښتل چې له سیمې وتښتې او یا خو هلته هیڅ ولاړ نه شي. پولیسو همداراز سیمې ته رسیدونکي واټونه هم تړلي ول. پولیسو ویلي دي چې له سیمې څخه یې اتوماتې وسلې ډزې اوریدلې دي.
ډیری کسان ټپیان دي، د مړو شمیر ډیر لوړ شوی
د لاس ویګاس د پولیسو مشر جو لمباردو، خبریالانو ته وویل چې د وژل شویو کسانو شمیر لږ تر لږه ۵۰ دي. هغه وویل چې له ۲۰۰ څخه ډیر کسان ټپیان شوي هم دي.
لومباردو ویلي دي چې ډزې کوونکي د مندالي بې هوټل د دریم منزل د یوې خونې له کړکۍ څخه د کنسرت پر لیدونکو باندې ډزې پیل کړې دي. پولیسو بیا وروسته په همدې سیمه کې برید کوونکی وواژه. برید کوونکي د یوه ځايي اوسیدونکي په توګه معرفي شوی دی خو نوم یې لا نه دی ښوول شوی.
په داسې حال کې چې پولیس وایي په دې باور دي چې برید کوونکي په یوازې سر عمل کړی وو، خو لومباردو روښانه کړې ده چې اوس چارواکي د بریدګر د هم اطاقي په لټه کې دي چې ورڅخه پوښتنې وکړي. پولیس همداراز د برید کوونکي دوه موټره هم لټوي.
ډیر شمیر پولیس چې په کار کې نه وو، هم د کنسرت په لیدونکو کې شامل وو. د هغوی له ډلې څخه دوه تنه یې وژل شوي دي. د پیښې پر مهال سندرغاړي جیسن الدیان، سندرې ویلي. هغه پر خپله ټولنیزه پاټه لیکلي دي چې د قربانیان په فکر دی او دغه پیښه کې یې ډیره ویروونکې بللې ده.
د امریکا په تاریخ کې تر ټولو وژونکې د ډزو پیښه
له۵۰ څخه زیاتو قربانیانو سره، د لاس ویګاس پیښه د امریکا متحده ایالاتو په تاریخ کې تر ټولو وژونکې د ډزې پیښه ده.
AFP/ms
