«اسلامي دولت» ډلې یا داعش د دوشنبې په ورځ د انترنت له لارې په خپرې شوې بیانيې کې د یکشنبې په ورځ په جلال آباد کې د څلورو ترسره شویو بریدونو پړه ومنله. دغه بریدونه د ننګرهار ولایت پر مستوفیت ادارې باندې ترسره شول.

د ننګرهار ولایت ویاند عطا الله خوږیاڼي، ویلي دي چې بريد ۸ کسانو کړی وو.

داعش او طالبانو په دې وروستیو وختونو کې د افغانستان په بیلابیلو ښارونو کې بریدونه ترسره کړي دي چې په پایله کې یې ډیر کسان وژل شوي دي. افغان امنیتي ځواکونه چې د ۲۰۱۴م کال له پای راهسې د خپل هیواد امنیتي مسوولیتونه پر غاړه لري، اوس د افغانستان په ډیرو برخو کې د طالبانو او نورو وسله والو ډلو پر ضد جګړه بوخت دي.