یورو پول د جمعې په ورځ په یوه رپوټ کې ویلي دي چې افراطي له "اسلامي دولت" ښايي په "نږدې راتلونکې" کې په اروپايي ټولنه کې بریدونه وکړي.
د اروپايي ټولني د پولیسو دغې ادارې ویلي دي چې دغه سني افراطي ډله پر اسانه او سختو اهدافو باندي د بریدونو کولو "وړتیا او نیت" لري، په ځانګړې توګه په هغو هیوادونو کې چې د داعش پر ضد ائتلاف کې شامل دي.
په روپوټ کې فرانسې، بلجیم، آلمان، هالند او بریتانیا ته په اشارې سره ویل شوي دي: «د اروپايي ټولنې هغه غړي هیوادونه چې د داعش پر ضد ایتلاف کې یې ګډون کړی دی د دغې ډلې له خوا د مشروع اهدافو په توګه تر برید لاندې راځي.»
په رپوټ کې ګواښ شوی دی چې په عراق او سوریې کې د افراطي ډلي اسلامي دولت له ماتې سره، د دې ډلې بهرني جنګیالي کیدای شي بیرته اروپا ته ستانه شي او په دې ځای کې اوږد مهاله ګواښ رامنځ ته کړي.
د یوروپول په رپوټ کې راغلي دي: «د ځينو استخباراتي سازمانونو اټکلونه ښيي چې همدا اوس کیدای شي په لسونو داسې کسان چې د اسلامي دولت له خوا ورته لارښوونه کیږي په اروپا کې وي او د دې وړتیا ولري چې ترهګر بریدونه وکړي.»
دې ادارې همداراز ګواښ کړی دی چې ترهګري ډلي او پخپل سر عمل کوونکي بریدګر کیدای شي په عراق او سوريه کې له تقویه شویو تکتیکونو په اروپا کې په بریدونو کولو کي وکاروي. په دغو تکتیکونو کې د موټر بمونو، تیغ لرونکو او اوتوماتو وسلو کارونه شامله وي.
د یوروپول په خبره اسلامي دولت (داعش) ښايي د پوځ او پولیسو د اډو پر ځای پر اسانه اهدافو باندي بریدونه وکړي.
په رپوټ کې راغلي دي: «د بلااستثنأ بریدونو ترسره کولو پر عامو خلکو باندي ډیره قوي اغیزه کوي. همدا د ترهګرۍ اصلي هدف دی: چې خلک و ویروي.»
نور مطالب:
انځورونه: په جرمني کي د کردانو پيشمرگي ځواک روزنه
د جرمني پوځ په جرمني کي د کردانو د پيشمرگي ځواک يوه ډله روزي. جرمني له داعش سره د مبارزې په برخه کي د کردي جنگياليو ملاتړ کوي. په دې انځوريز راپور کي د هغوی پوځي زده کړي ښوول کیږي. انځور: picture-alliance/AP Images/M. Sohn د جرمني په مونستر ښار کي د کردانو پيشمرگي ملېشې يوې ډلي ته پوځي زده کړي ورکول کيږي.
انځور: picture-alliance/AP Images/M. Sohn جرمني له داعش سره په مبارزه کي د کردي ملېشو ملاتړ کوي.
انځور: picture-alliance/AP Images/M. Sohn له داعش سره په مبارزه کي د کردي ملېشو د ملاتړ په برخه کي جرمني کردانو ته وسلې او پوځي زده کړي ورکوي.
انځور: picture-alliance/AP Images/M. Sohn په جرمني کي کردي ملېشو ته پوځي زده کړي.
انځور: picture-alliance/AP Images/M. Sohn له يوه کال راهيسي جرمني په عراق کي له داعش سره د مبارزې په برخه کي کردانو ته وسلې لېږي.
انځور: picture-alliance/AP Images/M. Sohn په دې وروستيو کي د جرمني د دفاع وزيره اورزولا فون درلاين د عراق په کردستان کي د کردي جنگیالیو د روزني کمپ ته ورغلې وه.
انځور: picture-alliance/AP Images/M. Sohn کردي جنگيالیو ته په جرمني کي پوځي زده کړي ورکول کيږي.
انځور: Getty Images/A. Koerner د ۲۰۱۴م کال له دوبي راهيسي جرمني کردي ملېشو ته د ټانک ضد راکټ او پرمختللي وسلې ورکوي.
انځور: Getty Images/A. Koerner په جرمني کي د کردي ملېشو پوځي زده کړي.
انځور: Getty Images/A. Koerner د کردانو پيشمرگي ملېشې په دې وروستيو کي په دې توانېدلي چي په جرمنۍ وسلو د عراق په شمال کي د داعش جنگيالي پر شا کړي.
انځور: Getty Images/A. Koerner په جرمني کي د کردي جنگيالو پوځي روزنه.
انځور: Getty Images/A. Koerner جرمني ځکه د کردي ملېشو ملاتړ کوي، چي هغوی د داعش پرضد ائتلاف غړي دي.
انځور: Getty Images/A. Koerner جرمني پتېيلې ده چي په ۲۰۱۶م کال کي له کردانو سره مرستي تر ۴۰ ميليونو يورو پوري زياتي کړي.
انځور: Getty Images/A. Koerner د کردانو وسله وال جنگيال «پېشمرگي» نوميږي.
انځور: Getty Images/A. Koerner
