د ولسمشر دونالد ترمپ په ګډون ډیرو امریکایي چارواکو د هغه سپي ستاینه کړې ده چې د ابوبکر البغدادي، د وژلو په عملیاتو کې یې ونډه لرله او ټپي شوی وو.

سپینې ماڼۍ لومړی د دې سپې انځور خپور کړ خو د هغه نوم او نور جزئیات یې بربنډ نه کړل ځکه کیدای شي له مخې یې هغه ځواکونه چې د البغدادي پر ضد یې عملیات کړي وو، افشا شي.

خو ولسمشر دونالد ترمپ، تیره ورځ داسې یو غیر عادي کار وکړ چې ښايي تر اوسه پورې کوم بل امریکایي ولسمشر نه وي کړی.

هغه پر خپل رسمي تویتر پاڼې باندې داسې یو انځور خپور کړ چې په اصل کې د ده له خوا یوه امریکایي پوځي ته د مډال ورکول دی. خو د ترمپ له خوا په تازه خپاره شوي انځور کې د امریکايي پوځي پر ځای د سپي انځور اچول شوی او پکې ښوول کیږي چې ترمپ همدې سپي ته مډال ورکوي. ترمپ د انځور پر سر لیکلي دي: «امریکایي اتل!»