په دعوت شوو ميلمنو کې د نورو تر څنګ د فیسبوک مالک مارک زکربرګ، د امریکا د پخواني ولسشمر دونالد ترمپ لور ایوانکا ترمپ او د پاپ موسیقي غوره سندرغاړې ريحانه هم شامل دي.
د هندوستان د سینما مشهور ستوري، امیتاب بچن او شاه رخ خان، د کریکټ وتلې څېرې سچين تندوګر او ام اس دوهني او هندي سوداګر ګوتم اداني هم دغه مراسمو ته غوښتل شوي دي. رپوټونه وايي چې د امباني کورنۍ دغه مراسمو ته په مجموع کې ۵۰زره کسان دعوت کړي دي.
د فرانسې خبري آژانس د رپوټ پر اساس، د امباني کوچنی زوی انانت له رادیهکا مرچنت سره نامزد شوی چې پلار ېې درمل جوړولو ستر سوداګر دی. زیاته شوې چې د ۲۸ کلن انانت او ۲۹کلنې میرچینت واده به د روان کال په وروستیو کې وشي.
د آرشیف انځور - موکیش امباني (ښي لور) او زوی يې انانت امباني پر آس سپور - د ۲۰۱۸م کال په دسمبر کې د یو ستر واده د مراسمو پر مهالانځور: picture-alliance/AP Photo/R. Kakade په دې ترڅ کې سندرغاړې ریحانه د جمعې په ورځ سندرې وويل. د پلان له مخې به د شنبې ورځې (د ۲۰۲۴ کال د مارچ دويمه) په پروګرام ميلمانه د «حيواناتو د ژغورنې له یو مرکز» څخه کتنه کوي. زیاته شوې چې د حیواناتو دغه مرکز د انانت له کوچنیو پروژو څخه یوه ده چې د ګجرات ایالت په جمنګار ښار کې چې د دغې شتمنې کورنۍ پلرنی ټاټوبی دی، موقعیت لري.
د هندي رسنيو په حواله، د امباني کورنۍ به د شنبې په ورځ د امباني د حیواناتو د ژغورنې مرکز په آزاده فضا کې د ميلمنو د يو ځانګړي محفل کوربتوب کوي. میلمنو ته سپارښتنه شوې چې د محفل له پاره راحت بوټونه پښو او راحتې جامې واغوندي. شپې له پاره په جوړه شوې میلمستیا کې هندي کلتور ښودل کيږې او میلمانه به ورته نورې جامې اغوندي.
د پاپ موسیقي وتلې سندرغاړې، ريحانه، چې د موکیش امباني د زوی واده د بلل شوو خاصو ميلمنو په ډله کې دهانځور: Ross D. Franklin/AP/dpa ۶۶ کلن موکیش امباني د هندوستان تر ټولو شتمن شخص او د هندوستان د ستر شرکت زیلانیس اندیستريز رئیس دی. انانت د خپل پلار په دغه شرکت کې ډایرکټر دی. موکيش امباني د ۱۱۶ ميليارډ ډالرو سرمايې په درلودلو، د نړۍ لسم شتمن شخص دی.
د امباني کورنۍ د ممبۍ ښار په یو ۲۷ پوړيزې ودانۍ کې ژوند کوي. په متفاوت ډيزان جوړ شوی دغه کور د ممبيي ښار یو د تر ټولو ډېر لېدونکي او مشهورو ځایونو په ډله کې راځي. رپوټ کې ويل شوي چې د دغه ساختمان په رغولو څه باندې یو ملیارډ ډالر لګېدلي او ۶۰۰ دایمي کارکوونکي لري.
آژانسونه/م.ک.ص./ا.ا.
له آرشیف څخه:
د هند د سینما هغه ستوري چې په خپلو کې ېې ودونه کړي
د هند په سینما کې ډېر داسې شوي چې اکټرانو یا د فلم ستورو سره په اصلي ژوند کې واده کړی وي. په دغه انځوريز البوم کې یو شمېر پخواني او اوسني هندي اکټران او اکټرانې درپيژنو چې له یو بل سره ېې ودونه کړي دي.
انځور: Sujit Jaiswal/AFP/Getty Imagesنرګس او سونیل دت (د سنجېدت والدین)
نرګس (کيڼ لور) او سونلدت په ۱۹۵۸م کال کې واده وکړ. د دوی لومړني فلمونه د هندوستان سینما د تور او سپين فلمونو د وخت دي. دوی دواړه مړه شوي، زوی ېې سنجیدت نن ورځ د هند سینما له وتلو ستورو څخه یو دی.
انځور: Imago/United Archives Internationalد هندوستان پخواني وتلي اداکار دلیپ کمار په ۱۹۶۶ کې له اکټرې سایره بانو سره واده وکړ. بیراګ یو له هغو فلمونو دی چې دوی په کې مرکزي رولونه لوبولي دي. دلیب کمار په ۲۰۲۱ کال کې د ۹۸ کلونو په عمر مړ شو، سایره بانو ژوندۍ ده. دوی اولاد نه لري.
انځور: Getty Images/AFP/STRدمپل کپادیا او راجیش کهنه
راجش کهنه تر امیتاب بچن د مخه په اویایمه میلادي لسیزه کې د هند سینما سوپر ستار وو. هغه په ۱۹۷۳ کې له فلمي اکټرې، دمپل کپاډیا سره واده وکړ چې لس کاله وروسته بېرته جلا شول. په انځور کې د دوی زوم، د فلم وتلی اداکار اکشې کمار هم ليدل کيږي.
انځور: Getty Images/AFP/STRکهنه د فلمي اداکارانو راجش کهنه او دمپل کپاډیا لور ده. توینکل کهنې په ۲۰۰۱ کال د هندوستان د سینما له وتلي اداکار، اکشې کمار سره وادوه وکړ. دغه جوړه اوس دوه اولادونه لري.
انځور: Getty Images/AFP/STRد هندوستان پخوانی سوپر ستار امیتاب بچن له جایا بچن سره د پخوانيو، شعلې او زنجیر په ګډون يو شمېر فلمونو کې ګډ کار کړی دی. دوی په ۱۹۷۳ کې واده وکړ. زوی ېې ابهیشک بچن هم په فلمونو کې کار کوي.
انځور: Mary Evans Archive/imago imagesابهیشک بچن او ايشوریا رای
د امیتاب بچن زوی ابهیشک بچین هم د پلار په څېر له فلمي اکټرې ایشوریا رای بچن سره واده وکړ. د دوی واده په ۲۰۰۷ کې وشو اوس يوه لور لري. دواړو په يو شمېر فلمونو له هغې جملې «ډهوم ۲» کې ګډ کار هم کړی. اېشوریا رای په ۱۹۹۴ کې د نړۍ د ښکلا ملکې لقب وګاټه.
انځور: APدا د هندوستان سینما تر ټولو وتلې جوړه ده چې په ډېرو فلمونو کې ېې ګډ کار کړی دی. ۷۰مه میلادي لسیزه او د ۸۰مې لسيزې پیل د دوی د شهرت وخت وو. له هیماماليني سره د دهرمندر، دوهم واده وو. دوی د ایشا دیول او اهانا دیول په نومونو دوه لوڼې لري.
انځور: Getty Images/AFP/STRDELریشي کپور له اکټرې نيتو سينګ سره چې اوس د ۶۵ کلونو ده، په ۱۹۸۰ کې واده وکړ. کپور په ۲۰۲۰ کې مړ شو. د کپور خاندان د هند په سینما کې د څو نسلونو هنرمندۍ سابقه لري. د دغې جوړې زوی، رنبير کپور، نن د هندوستان سینما له وتلو هنرمندانو څخه دی.
انځور: DW/J. Sehgal بوني کپور د فلمونو اداکار دی. هغه د هندوستان د ۸۰ لسیزې له نوموتې هنرمندې سري دیوي سره په ۱۹۹۶ کې واده وکړ. سريديوي چې د خپل وخت له نامتو ښایسته ښځينه اکټرانو څخه وه، په ۲۰۱۸م کال کې د ۵۴ کلونو په عمر مړه شوه.
انځور: IANSاجې دېوګن په ۱۹۹۹ کې له اداکارې کاجول سره واده وکړ. د اجې ديوګن پلار ویرو دیوګن، اکشن ډایرکټر وو او د کاجول مور، تنوجه، هم فلمي اکټره ده. اجي دیوګن د ۵۴ او میرمن ېې د ۴۹ کلونو ده، دوی دوه ماشومان لري.
انځور: Eros Internationalکرينه کپور او سیف علي خان
کپور او خان د هند سینما یوه بله مشهور جوړه ده. دوی په ۲۰۱۲ کې واده کړی. کرینه کپور د هند سینما د پخوانۍ اکټرې ببيتا او رندهر کپور لور او سیف علي خان د پخوانۍ مشهورې اداکارې شرميلاتاګور زوی دی. د خان پلار د کریکټ پخوانی لوبغاړی او د هند د نوابانو څخه دی. دواړو اوس هم په فلمونو کې کار کوي.
انځور: Getty Images/AFP/S. Jaiswalدوی په ۲۰۲۱ کې واده وکړ. دواړه اوس هم په فلمونو کې کار کوي. کترینا کیف چې اوس د ۴۰ کلونو ده له ۲۰۰۳ ېې د هند په سینما کې کار پیل کړی دی.
انځور: IANSدواړه خانداني هنرمندان دي. رنبير د ریشي کپور زوی او عالیه بټ د مشهور فلم جوړونکي، مهیش بټ لور ده. دوی د وادوه مراسم د ۲۰۲۲م کال په اپریل کې د هندوستان په ممبي ښار کې تر سره شو.
انځور: Sujit Jaiswal/AFP/Getty Imagesپراینکا چوپړه او نیک جانس
د هندوستان سینما دغې اکټرې بیا له امریکايي اکټر او سندرغاړي نیک جونانس سره واده کړی دی.
انځور: Getty Images/AFP/D. Emmertديپيکا پادوکونه او رنویر سینګ
ديپیکا او سینګ په ۲۰۱۸ کې واده وکړ. دواړه د هند سینما له مطرح هنرمندانو په ډله کې راځي.
انځور: Rajanish Kakade/AP Photo/picture alliance