آلماني رسنیو د دوشنبې په ورځ رپوټ ورکړی دی چې د مهاجرت او پناه غوښتني په چارو کې د دغه هیواد د فدرالي ادارې د بریمن ښار په یوه څانګه کې د پناه غوښتني د مثبتو ځوابونو په تړاو د ممکنه ناقانونه کارونو په هکله معلومات درلودل.
په آلمان کې د «دیر شپیګل» په نامه خبري مجلې په خپل رپوټ کې لیکلي دي چې د دوی له خوا په لیدل شوو ایمیلونو کې ښکاري چې د بامف د ادارې مشر یوتا کاردت د ۲۰۱۷م کال په فبروري میاشت کې د بریمن په څانګه کې د پراخو ګډوډیو په هکله داخلي ایمیلیونه او معلومات ترلاسه کړي ول.
په آلمان کې «ان. ډي. آر» او د «زود دویچه څایتونګ» په نامه رسنیو هم د دغو داخلي ایميلیونو پخلی کړی دی. دغه ايميلونه د دې ښکارندويي کوي چې د «بامف» ادارې مشرتابه تر دې وړاندې په دې هکله معلومات درلودل. دغو رسنیو د اړوند یوه ریاست د مشر له خوا د لیږل شوي یوه ایمیل په حواله لیکلي دي چې پکې د ډیر تفصیل او کنجکاوۍ د موندلو پرته د یوې پلټنې غوښتنه شوې ده.
بامف يې نه مني
خو د مهاجرت او پناه غوښتني په چارو کي د آلمان فدرالي ادارې (بامف) بیا د يادو رسنیو رپوټونه نه مني. د بایرن ایالت په نورمبرګ ښار کې، چیري چې د «بامف» مرکزي دفتر موقعیت لري، د مهاجرت د ادارې یوه ویاند د يکشنبې په ماښام وويل: «د [بامف] فدرالي ادارې مشر داسې کوم ایمیل نه دی ترلاسه کړی چې پکښې داسې ویل شوي وي چې له تفصیل پرته دې د هرڅه څیړنه وشي او د نه کنجکاوي کلمه هم نه ده کارول شوې.»
د بامف مشره د بریمن په ښار کې د فساد له امله تر ډیر فشار لاندې دهانځور: picture-alliance/dpa/B. von Jutrczenka نوموړي همدا راز وویل چې کارد د دې ادارې یوه ریاست ته لیږل شوی یوازې یو ایمیل ترلاسه کړی چې پکې د پلټنې او په بریمن ښار کې د پناه غوښتنو د پریکړو د ممکنه لغو کیدو غوښتنه شوې ده.
د ممکنه رشوت اخیستلو پیښي
د روان کال په اپریل میاشت کې د بریمن ښار څارنوالۍ اعلان وکړ چي په دغه ښار کې د «بامف» ادارې یوې پخوانۍ چارواکې له څلورو نورو کسانو سره یوځای د رشوت اخیستنې په تور ترې پوښتني گروېږني رواني دي. د چارواکو په حواله دغو کسانو د ۲۰۱۳ او ۲۰۱۶م کلونو په منځ کې د پناه غوښتني شاوخوا ۱۲۰۰ داسې دوسیو ته مثبت ځوابونه ورکړي دي چې د پناه غوښتني شرایط یې نه ول پوره کړي او د هرې پریکړې په بدل کې یې رشوت اخیستی دی.
د بامف د مرکزي ادارې مشر کوردت د تیرې جمعې په ورځ «د ۲۰۱۸م کال د مې میاشتې پر ۱۸ نیټه» په دې تړاو ویلي ول چې له ۲۰۰۰م کال راهیسې په بریمن ښار کې د پناه غوښتني ټولې مثبتې ۱۸۰۰۰ دوسیې به په راتلونکو دریو میاشتو کې له سره وڅیړل شي.
زموږ له آرشیف څخه:
په آلمان کې د پناه غوښتونکو د دوسیو په برخه کې د فساد تورونو په اړه اړین معلومات
د آلمان د مهاجرت او پناه غوښتنې پر چارواکو تور دی چې د پناه غوښتونکو د ۱۲۰۰ قضیو په تائیدولو سره یې په فساد لاس پورې کړی دی. د چارواکو په وینا دغو مهاجرینو اړوند شرایط نه وو پوره کړي او په دې هکله پلټنې روانې دي. انځور: picture-alliance/dpa/D. Karmann د آلماني حکومتي چارواکو په وینا د فساد په دې پیښه ښکیل شپږ کسان تر پوښتنو او ګرویږنو لاندې دي. په دې کسانو کې په بریمن ښار کې د مهاجرت د ادارې پخوانی مشر، د بریمن او نیدر زاکسن ایالت درې وکیلان، یو ژباړونکی او یو شمیر نور کسان چې د وکیلانو او پناه غوښتونکو ترمنځ یې اړیکې جوړولې، شامل دي.
انځور: picture-alliance/dpa/J. Stratenschulte د دې ښار د مهاجرت د ادارې یا بامف پر پخوانیو چارواکو تور دی چې دوی د ۲۰۱۳ او ۲۰۱۷م کلونو په ترڅ کې د پناه غوښتنې ۱۲۰۰ قضیې چې په شرایطو نه وو برابر، تائید کړي. د دې قضیې زیاتره پناه غوښتونکي له سوریې څخه راغلي د یزیدیانو اقلیت پورې تړلي کسان دي.
انځور: Reuters/S. Loos رسنیو د یادې ادارې د داخلی اسنادو په حواله لیکلي چې پر دغو وکیلانو تور دی چې دوی پناه غوښتونکي دې ته هڅولي چې په بریمن کې د پناه غوښتنې عریضه وکړي چې په پایله کې یې د دوی د پناه غوښتنه منل شوې.
انځور: picture-alliance/dpa/B. V. Jutrczenka په اصل کې دغو پناه غوښتونکو باید په بریمن کې د پناه غوښتنې له پاره عریضه نه وای کړې. شک دا دی چې دوی د آلمان له نورو برخو څخه دې سیمې ته راوستل شوي وو ترڅو دلته عریضه وکړي په داسې حال کې چې یادې ادارې د دوی مسوولیت هم نه درلود.
انځور: picture-alliance/dpa/U. Zucchi د رسنیو د رپوټونو په حواله، د دغه راز ناسمو پریکړو چې د میاشتو راهیسې یې په هکله پلټنې روانې دي، شمیر ان تر ۲۰۰۰ پورې رسیږي.
انځور: picture-alliance/dpa/S. Pförtner د آلمان د کورنیو چارو وزارت تر دې پیښې وروسته اعلان وکړ چې د پناه غوښتنې د دغو پریکړو لړۍ به وارزول شي. د چارواکو په وینا د بامف ادارې پریکړې به هر څومره چې ژر امکان ولري له سره وارزول شي او د اړتیا په صورت کې به رد کړل شي.
انځور: picture-alliance/dpa/U. Deck د آلمان د کورنیو چارو وزیر هورست زیهوفر بیا د یوه خپلواک کمیسیون د جوړولو اعلان کړی ترڅو دغه پیښه وڅیړي. زیهوفر همدا راز ویلي چې د دې پیښې په هکله چې هرحکومتي چارواکی معلومات لري، کولی شي له هغه سره اړیکه ونیسي.
انځور: picture alliance/dpa/T. Hase ویل شوي دي چې د پلټنې د کمیټې لومړنی رپوټ په اوړي کې حکومت ته وسپارل شي.
انځور: picture-alliance/dpa/A. Weigel د آلمان د مهاجرت او پناه غوښتنې اداره یا «بامف» د دې هیواد د کورنیو چارو وزارت په چوکاټ کې فعالیت کوي چې مشري یې د تیرو ۱۳ کلونو راهیسې د مسیحي دموکرات او مسحي سوسیال اتحاد ګوند پر غاړه ده.
انځور: picture-alliance/dpa/G. Fischer په آلمان کې د پناه غوښتنې اړوند د ټولو دوسیو په هکله د بامف ادارې چارواکې پریکړه کوي. له پناه غوښتونکو څخه د همدې ادارې چارواکې معلومات اخلي او ورسره مرکه کوي.
انځور: Gina Sanders/Fotolia.com په ۲۰۱۵ او ۲۰۱۶م کلونو کې هغه وخت چې اروپا د مهاجرت له کړکیچ سره مخ وه، بامف یا د آلمان د مهاجرت ادارې په زرهاوو کسان په دندو وګمارل خو بیا هم په دې اداره کې په زرهاوو دوسیې پرته له پریکړې پاتې دي.
انځور: DW/R. Shirmohammadi
