د آلمان د پارلمان يا بوندستاګ ۳۷۰ غړو د جمعې په ورځ د مهاجرو د کورنيو د پيوستون يا ادغام طرحې ته مثبتې رايې ورکړې. ۲۹۰ تنو مخالفې راېې او درې کسانو بيا ممتنع راېې کارولي دي.
د دغې طرحې پر اساس به هر کال په آلمان کې د هغو مهاجرو چې موقتي اقامې يې ترلاسه کړي د کورنيو ۱۲ زره غړو ته آلمان ته د راتلو اجازه ورکړل شي. دا هغه مهاجر دي په خپلو هيوادونو کې د جګړو یا د نورو ډيرو سرختو شرایطو لکه تعقيب له امله آلمان ته مهاجر شوي دی.
د آلمان حکومت له دغې طرحې سره خپل موافقت د روان کال په پسرلي کې اعلان کړی وو.
د مهاجرو د ادغام له پاره د نوي پلان غوښتنه
آلمان ـ د مهاجرو کورنۍ څنګه رابلل کيږي؟
د دغو افرادو ټاکنه د «اداري چارو فدرالي ادارې» (Bundesverwaltungsamt) له خوا ترسره کیږي. په دې برخه کې به «بشردوستانه دلایل» تعينونکي وي. د خپلې ميرمنې يا ميړه څخه اوږدمهاله لرې توب، د ۱۸ کلونو څخه ښکته عمر ماشوم لرل، په خپل هيواد کې د مهاجر د کورنۍ لمړۍ درجه غړو ته جدي خطرونه او لا اعلاجه ناروغۍ چې اوږدې پالنې ته اړتيا لري، له دغو «بشر دوستانه» دلايلو له ډلې څخه شميرل کيږي.
د «اداري چارو فدرالي اداره» په ځينو استثنايي یا «سختو» حالاتو لکه د مهاجر شديده ناروغۍ، د ټاکل شوي زرکسيزه حد څخه واوړي.
د ګوندونو مخالفت
کيڼ اړخي ګوندونو، آزادو دموکراټانو او د مهاجرو د حقونو مدافع سازمانونو د مهاجرو د کورنيو د ادغام له دغه نوي قانون سره مخالف دي.
د آلمان حکومت د دغې قانوني طرحې تر تصويب د مخه د بشر حقونو سازمانونو سره سلا مشورې کړې وې او دا يې موندلې وه چې يو شمير سازمانونه هغه ردوي.
يو شمير کليسايي سازمانونو په يوه ګډه اعلاميه کې د حکومت پر دغې لايحې نيوکې کړي او هغه يې «غيرانساني» او د نه منلو طرحه ياده کړې ده.
کيڼ اړخو او آزاد دموکراټانو پارلمان ته دوه جلا طرحې وړاندې کړې وې. کيڼ اړخي ګوند په خپلې طرحه کې د ټولو مهاجرو د کورنيو د ادغام په برخه کې د هر ډول قانوني خنډونو د لرې کولو غوښتنه کړې وه.
آزادو دموکراټانو بيا په خپله طرحه کې آلمان ته د پناه غوښتونکو د کورنيو له مهاجرت کولو سره مخالفت ښکاره کړی وو.
د آلمان د پارلمان اکثريت غړو دغه دوه طرحې رد کړې وې.
دا هم د مهاجرت پر موضوع زموږ له آرشیف څخه يو انځوريز البوم:
سږ کال څومره مهاجر اروپا ته راسیدلي دي؟
سږ کال شا او خوا ۲۶ زره مهاجر اروپا ته رسیدلي دي او د سیاسي پناه د تر لاسه کولو په موخه د دغه سفر په ترڅ کې د مړیني او ورکیدو لړۍ هم روانه ده. نور معلومات د انځورونو په ګالرۍ کې لیدلی شئ: انځور: picture-alliance/Zuma Press/London News Pictures/P. Hackett د سمندر له لارې یونان ته زیات خلک رسیږي سږ کال د سیاسي پناه تر لاسه کولو په موخه ۲۵۶۶۰ مهاجر اروپا ته له مختلفو سمندري لارو رسیدلي دي. د مهاجرو تر ټولو زیات راتګ په یونان کې ثبت شوی دی. دغلته د جنورۍ له لومړۍ نیټې څخه د می میاشتې تر نیمایي پورې ۹۷۵۰ مهاجر رسیدلي دي. په دغه موده کې د روم سمندرګي له لارې ایټاليا ته د رسیدونکو مهاجر شمیر ۹۷۳۸ دی. هسپانيا ته بیا ۷۴۸۰ مهاجر رسیدلي دي.
انځور: picture-alliance/AP Photo/Ansa/Igor Petyx د لارو په اوږدو کې مړینه او لادرکه کیدل د ملګرو ملتونو د کډوالو چارو د عالي کمیشنرۍ (یو ان اچ سي آر) د اټکلونو له مخې په روان میلادي کال کې اروپا ته د رسیدو په موخه د لارو په اوږدو کې د مړو شوو او لادرکه شوو کسانو شمیر ۶۰۹ تنو ته رسیږي. په ۲۰۱۷م کال کې دغه شمیر ۳۱۳۹، په ۲۰۱۶م کال کې ۵۰۹۶ او په ۲۰۱۵م کال کې ۳۷۷۱ او په ۲۰۱۴م کال کې بیا ۳۵۳۸ کسان مړه شوي یا لادرکه شوي دي.
انځور: picture-alliance/dpa/Italienische Marine سوریایان اوس هم په لومړي کتار کې ځای لري د روان میلادي کال په لومړیو میاشتو کې اروپا ته د رارسیدلو مهاجرو په ډله کې ۴۱۵۱ سوریایان، ۲۱۸۵ عراقیان، ۱۹۱۰ تونسیان دي. همداشان پر نورو هیوادونو سربیره له اریتریا څخه ۱۸۱۰ مهاجر او له ګانا څخه ۱۲۱۴ مهاجر اروپا ته رسیدلي دي. د سوريې وګړي اوس هم اروپا ته د رسیدونکي کسانو د نوملړ په سر کې ځای لري.
انځور: Reuters/U. Bektas له جنوري میاشتي د اپریل تر نیمایي پورې اروپا ته د ټولو رسیدلو کسانو ۵۹،۶ سلنه نارینه، ۱۵،۷ سلنه ښځې او ۲۴،۷ سلنه ماشومان دي.
انځور: picture-alliance/NurPhoto/M. Bunel زياته پناه غوښتنه په آلمان کې شوې ده د ۲۰۱۸م کال په لومړیو څلورو میاشتو کې تر ټولو زیات د سیاسي پناه غوښتنه په المان کې شوې ده. ۶۳۹۷۲ کسانو د پناه غوښتنه کړې ده چې ۵۶۱۲۷ یې د لومړي ځل له پاره د پناه عریضه وړاندې کړي او په دغه ډله کې ۷۸۴۵ کسانو بیا پر خپلو دوسیو د بیا غوښتنې له پاره عریضې وړاندې کړې دي.
انځور: picture-alliance/dpa/D. Karmann د پناه غوښتنې عریضې ادامه لري د سیاسي پناه غوښتنې له پاره پر آلمان سربیره د مهاجرو د خوښې وړ هیوادونو کې فرانسه، ایټالیا، یونان، اتریش او هالنډ هیوادونه شامل دي.
انځور: picture-alliance/dpa/D. Karmann