په جرمني کي د «هرسوگين انه اماليا» کتابوتون اوسنی نوم په ۱۹۹۱م کال کي وټاکل سو. تر دې دمخه ئې نوم «هرسوگليشه کتابتون» وو. دغه کتابتون هغه مهال خپل غمجن شهرت وموند، چي په ۲۰۰۴م کال کي ئې مهم سالون وسوځېد. خو تر بيارغاوني درې کاله وروسته بيا پرانيستل سو.

د هالنډ په دلفت ښار کي تخنيکي پوهنتون بې له دې چي څوک د محصلۍ کارت ولري په ليدو ارزي. په دوبي کي ډېر محصلان خپل د غرمې وخت په دغه ځای کي تيروي. د دغي ودانۍ مخروطي شکل چي د کتابتون په منځ کي دی ۴۲ميتره لوړوالی لري.

په کيمبرا کي د بريتانيا د «ديلي تلگراف» ورځپاني د «يوئانينا کتابتون» په ۲۰۱۳م کال په نړۍ کي د عجيبو کتابتونونو په کتار کي راغلی. دغه کتابتون د پرتگال د پاچا يوهان پنځم په نوم نومول سوې ده. يوهان د هغه د جوړېدو لارښوونه کړې وه. د دغه کتابتون ټولي آلمارۍ د «آبنوس» وني له لرگي جوړي سوي دي.

د نړۍ دغه مشهور کتابتون نژدې ۲۰۰۰ کاله مخکي وسوځېد. تر سوځېدو مخکي په «سنکدريه کتابتون» کي د نړۍ ۴۹۰۰۰۰ پوهي په پاپيروس-رولونو کي راټولي سوي وې. د سنکدريه نوی کتابتون له ۲۰۰۲م کال راهيسي خپل ځان د نړۍ له زاړه زمان سره ځان تړي. د دغه کتابتون پر جوړېدو ۲۲۰ ميليونه ډالره مصرف سوي دي.

په سويس کي د صومعه سنت گالن کتابتون يوه برخه له ۱۳۰۰ کاله راهيسي زېرمه سوې ده. يو مصری موميايي هم په دغه کتابتون کي دئ. د کتابون دغه سالون (په انځور کي) په نړۍ کي د کتابتونونو يو له ډېرو ښکلو سالونونو څخه دئ. دغه سالون په ۱۹۸۳م کال کي يونيسکو د نړۍ په فرهنگي ميراثونو کي ثبت کړ.

په برلين کي دغه کتابون په دې سبب چي د جوړښت شکل ئې سر ته پاته کيږي نو د «مغز» په نوم ياديږي. په دغه کتابتون کي ډېر آثار د برلين د آزاد پوهنتون د فلسفې پوهنځی دي. دغه ودانۍ د مشهور انجينر فورمن فرستر له خوا په ۲۰۰۵م کال کي پرانيستل سوه.

په بدلين کي «لانگ روم» دوه پوړيزه کتابخانه ۶۴متره لوړوالی او ۱۲ متره بر لري. دغه کتابتون د تاريخي پوهنتون «ترينيتي کالج» يوه برخه ده.

د «چين ملي کتابتون» د ۳۰ ميليونو کتابونو او نورو موادو په لرلو سره د نړۍ په اوو سترو کتابتونونو کي شمېرل کيږي. دغه کتابتون په ۱۸۰۶م کال کي د «پلازمېني کتابتون» په نوم جوړ سو. په ۱۹۲۸م کال د «پکنگ کتابتون» ونومول سو او په ۱۹۹۸م کال کي بيا حکومت دغه کتابتون ته اوسنی نوم (د چين ملي کتابتون) ورکړ.

دا يو کتابتون نه دئ، بلکي په بوينس آيرس کي د «آتينيو» په نوم يو کتاب پلورنځی دئ. دغه ودانۍ په ۱۹۱۹م کال کي د تياتر له پاره پرانيستله سوه او د ۱۹۲۰په وروستۍ لسيزه کي سينما سوه او بالاخره په ۲۰۰۰م کال کي په کتاب پلورنځی واوښت.