د پولیسو دغې سرچینې ویلي دي چې لا تر اوسه پورې د دغه افغان پناغوښتونکي نوم روښانه شوی نه دی او د هغه د موندلو له پاره پراخ عملیات هم نه دي پیل شوي. د میترو نیوز رسني ویلي دي چې دغه کس له دوو میاشتو راهیسې په فرانسې کې میشت دی.
په فرانسې کې تر نومبر میاشتې راهیسې اضطراري حالت حاکم دی. په دې میاشتې کې وسلوالو کسانو په پاریس کې ۱۳۰ تنه ووژل. تیره میاشت هم یوه تونسي وګړي په نیس ښار کې ملکي وګړي تر خپل لارۍ موټر لاندې کړل او ۸۴ کسان یې ووژل. په یوې بلې پيښه کې بیا دوو افراطي اسلامپالو په یوې کلیسا کې د یوه کشیش غاړه پرې کړه.
د جولای په ۲۶ نیټه په کلیسا کې تر برید څو ورځې مخکې، د فرانسې امنیتي ادارو له یوې بهرنۍ استخباراتي ادارې څخه داسې معلومات ترلاسه کړي وو چې یو کس غواړي په دې هیواد کې بریدونه ترسره کړي. په دې ترتیب سره د دغه کس انځورونه هم بیلابیلو امنیتي ادارو ته استول شوي ول. وروسته بیا روښانه شوه چې دغه انځور په کلیسا کې د یوه برید کوونکي وو.
نور مطالب:
انځورونه: د«نیس» د پیښې په هکله نړیوال غبرگونونه
د فرانسې د نیس ښار له پيښې سره، چې په ظاهره کې یو ترهگریز برید معلومیږي، په تیرو ۱۸ میاشتو کې دا دریم ترهگریز برید دی چې په دغه هیواد کې ترسره کیږي. د نړۍ خلکو او سیاسي مشرانو له فرانسې سره خپل پیوستون ښودلی دی. انځور: picture-alliance/dpa/TASS/S. Savostyanov خلک په حیرانیا او اندیښنه کې دي غمرازي کونکي د فرانسې د «نیس» په ښار کې د پيښې په ځای کې راټول شوي ول. د پنجشنبې په ماښام د یوه لارۍ موټر چلونکي خپل موټر ته د خلکو په منځ کې سرعت وکړ او د ماشومانو په گډون یې ۸۴ تنه ووژل. فرانسویانو د «باستیل» په نوم د فرانسې ملي ورځ جشن نیولی وو.
انځور: Reuters/P. Rossignol د فرانسې خلک د غم پر تغر ناست د ولسمشرۍ د ماڼۍ پر سر د فرانسې بیرغ په نیمه زوړند حالت کې زړیږي. د فرانسې ولسمشر فرانسوا اولاند د جمعې په ورځ وویل چې د ۵۰ تنو ټپیانو روغتیایې وضعه ښه نه ده. هغه له خپلو هیوادوالو د پيوستون او یوالي غوښتنه وکړه.
انځور: Reuters/P. Wojazer په ټوله نړۍ کې د فرانسوي اتباعو غبرگون د استرالیا په سندني ښار کې فرانسوي اتباع سره راټول شول اود دغې پيښې د قربانیانو سره سره یې خپله غم رازي څرگنده کړه.
انځور: Reuters/D. Gray اروپایې اتحادیې هم خپله غم رازي څرگنده کړه په بروکسل کې د اروپایې اتحادیې بیرغونه هم نیمه زوړند حالت ته راوستل شوي ول. د اروپایې اتحادیې مشرانو هم د دغې پیښې په هکله خپل خفگان او اندیښنه شریکه کړه. د اروپایې اتحادیې د پارلمان مشر مارتین شولتس، له فرانسویانو څخه غوښتي دي چې د دغې کرکجن عمل پر وړاندی یو موټی پاتې شي.
انځور: Reuters/F. Lenoir د ټولې نړۍ په کچه له فرانسې سره پیوستون د ایټالیا د سوداگرۍ خونې مشرې لوا بولدریني، په ایتالیې کې د فرانسې سفیره کاترین کولونا په غیږ کې نیولې ده. دغه دواړه میرمنې په روم کې د فرانسې د سفارت مخې ته د «نیس» د پیښې قربانیانو ته دعا کوي.
انځور: Reuters/M. Rossi د قربانیانو په یاد د یوې دقیقې خاموشي په مغولستان کې د «آسیا-اروپا» په سرمشریزه کې د آلمان صدراعظمه او د نړۍ مشرانو د نیس د پيښې د قربانیانو په یاد د یوې دقیقې له پاره خاموشي اختیار کړه. میرکل وویل چې آلمان به د ترهگرۍ پر وړاندی د مبارزې په برخه کې د فرانسه تر څنگ ولاړ وي.
انځور: picture-alliance/AP Images/D. Sagolj د ښوونځي زده کونکي د قربانیانو له پاره دعا کوي هندي ماشومان د «باستیل ورځې» د قربانیانو له پاره د دعا لاسونه پورته کړي دي. د نیس په پيښه کې لږ تر لږه ۱۰ تنه ماشومانو خپل ژوند له لاسه ورکړی او څو تنه نور ټپیان شوي دي.
انځور: Reuters/A. Dave د پوروشنکو له خوا د احترام مراتب د اوکراین ولسمشر پترو پوروشنکو د جمعې په ورځ په کییف کې د فرانسې سفارت مخې ته د گلانو گیډۍ کیښوده او د پيښې قربانیانو ته یې د احترام مراتب وړاندی کړل.
انځور: Reuters/G. Garanich په ټوله نړۍ کې د قربانیانو یاد یو روسي تبع په مسکو د فرانسې سفارت مخې ته د گلانو گیډۍ ږدي. د روسیې ولسمشر ولادیمیر پوتین د فرانسې له ولسمشر فرانسوه اولاند سره د یوه تلیفوني اړیکي په ترڅ کې دا یو ډیر «غچ اخیستونکی او له کینې ډک» عمل وباله.
انځور: picture-alliance/dpa/TASS/S. Savostyanov