د طالبانو ویاند ذبیح الله مجاهد د ایکس (پخواني تویتر) شبکه کې لیکلي چې ستر مشر د کوچني اختر  لمونځ د کندهار په مرکزي عیدگاه کی ترسره کړ.

د طالبانو د امربالمعروف، نهی عن المنکر وزارت د سه شنبه په ورځ د ټول هیواد امامانو ته لارښوونه وکړه چې د اخندزاده پیغام دي په خطبو کې ولوستل سي.

همدارنگه له ټولو افغانانو څخه غوښتنه وسوه چی د شریعت قوانینو ته درناوی وکړي. په عین حال کې د طالبانو مشر له نړیوالې ټولنی سره د ښو اړیکو غوښتونکی هم سو.

د کابل په پایتخت کابل کی د کوچني اختر د لمانځلو په مناسبت سخت امنیتي تدابیر نیول سوي وه. سربیره پردې په زرو کسان په نورو ولایتونو کې هم مسجدونو ته ولاړل ترڅو د اختر لمونځ په ګډه ادا کړي. امنیتي ځواکونو د فرانسې خبري آژانس له دې څخه منع کړل چی د اختر د لمانځه ویډیوگاني واخلي.

ملا هبت الله اخند زاده په ۲۰۱۶ کال کی د طالبانو د مشر په توگه له خپل ټاکل کیدو راهیسې، ډیر لږ په عام محضر کی راڅرگندیږي.

نوموړی په وروستي ځل په ۲۰۲۲ کال کی د کوچني اختر په مناسبت په داسې حال کې راڅرگند سو چې خلکو ته یې شا را اړولې وه. هغه وخت یې واک ته د طالبانو تر رسیدو تقریباً یو کال وروسته، خلکو ته د

" د آزادۍ او بریالیتوب پر لور بري"  له امله مبارکي ورکړه. د طالبانو دغه مشر له کندهار څخه افغانستان اداره کوي، چیرې چې دغه اسلامې ډله د لومړې وار له پاره پکښې راڅرگنده سوې ده.

GP/K.H/AG