جرمني غواړي چي د پرمختیايي مرستو د پروژو له لاري د اخراج سوو افغانانو سره کومک وکړي. دا په داسي حال کي چي اروپايي اتحاديې د افغانستان سره د افغان مهاجرو د بېرته منلو تړون لاسليک کړی دی.
اعلان
د جرمني د پرمختیايي مرستو وزیر «گیرد ميولر» تېره اونۍ په برلین کي وویل، چي تلونکو افغان مهاجرو ته به په افغانستان کي د روزني او ښووني د کورسونو، د لومړنیو مرستو او يو شمېر اقتصادي امکانات برابر کړي. د دغو کسانو سره به همدلته په جرمني کي لا په دې لار کي کومکونه وسي او مشورې به ورکړل سي، چي څنگه هم هلته په سیمه کي ورته مطابق پروگرامونه وړاندي سي.
د جرمني د ياد وزارت په حواله به دغه پروگرامونه په افغانستان کي د ستانه سوو سره په نوي پېل کي کومک وکړي. ميولر دغه خبري د افغانستان سره د نوي کومکونو دورکولو په مناسبت کړې وې، چي په راتلونکو څلورو کلونو کي به ۱،۷ ملیارډه یورو د دغه هیواد په اختیار کي ورکول کیږي.
خو دغه کومکونه د بهرنیو چارو د وزير فرانک والټر شټاین مایر په حواله د اخراجیدونکو افغانانو پر موضوع باندي د افغانستان او جرمني په گډي همکارۍ باندي مربوط دي.
افغانستان یو د هغو اصلي هيوادونو له جملې څخه دی، چي آلمان ته یې ډیر کسان رامهاجر کیږي. په ۲۰۱۵ م کال کي د ۱۵۰ زرو تنو په شاوخوا کي افغانان جرمني ته رامهاجر سول، چي ویل کيږي ځیني یې دوه واري هم ثبت سوي دي.
د تیري یکشنبه په ورځ د آلمان او افغانستان د حکومتونو ترمنځ د مهاجرو د بیرته اخراجیدو او ستنیدو په موضوع کي د گډي همکارۍ یوه اعلامیه لاسلیک سوه. د جرمني د کورنیو چارو د وزارت په حواله که رد سوي افغانان په خپله خوښه بیرته افغانستان ته ولاړ سي،کولای سي پرمالي مرستو باندي حساب وکړي.
پر ورته موضوع یو انځوريز البوم زموږ له آرشيف څخه (25.09.2016):
په جرمني کي د افغان مهاجرو د مظاهرو انځورونه
د جرمني په څو ښارونو کي افغان مهاجرو د هغو خبرو اترو پر ضد مظاهرې وکړې چي د نه منلو سوو افغان مهاجرو د بيرته ايستلو پرسر د افغان حکومت او جرمني د چارواکو ترمنځ رواني دي.
انځور: DW/I. Qoraishi
هامبورگ
په جرمني کي افغان مهاجرو د هغه خبرو اترو پر ضد لاريون وکړ چي په دغه هيواد کي د نه منل سوو افغان مهاجرو په اړه افغان حکومت او د جرمني چارواکي خبري کوي.
انځور: DW/I. Qoraishi
هامبورگ
په جرمني کي افغان مهاجر وايي چي د پناه غوښتني د نوي قانون له مخي د دغه هیواد د چارواکو له خوا پر دوی باندي فشارونه ډېر سوي او ډېر افغان مهاجر منفي جواب تر لاسه کوي.
انځور: DW/I. Qoraishi
هامبورگ
په جرمني کي مېشته افغان مهاجر وايي چي د دوی ډېری په دغه هيواد کي بې سرنوشته دي.
انځور: DW/I. Qoraishi
هامبورگ
د جرمني د کورنيو چارو د وزير په خبره د افغانستان په ځينو سیمو کي امنيت سته چي ځيني افغان مهاجر بيرته ور ولېږل سي. خو پر دغه نظر باندي بيا د جرمني ځينو سياستوالو نيوکي کړي دي.
انځور: DW/I. Qoraishi
هامبورگ
افغان حکومت پر خپلو ځوانانو ږغ کړی دی چي په خپل هيواد کي پاته سي. د جرمني حکومت هم په دې برخه کي د افغان حکومت د ملاتړ خبره کړې.
انځور: DW/I. Qoraishi
مونشن
د جرمني صدراعظمي په اترش کي ويلي دي چي د افغانانو په گډون هغه مهاجر به بيرته خپلو هيوادونو ته واستول سي چي د پناه غوښتنه ئې رد سوې ده.
انځور: DW/S. Nasiri
مونشن
که څه هم په جرمني کي ځيني افغان مهاجر شکايت لري چي له دوی سره داسي چلن نه کیږي، لکه د نورو هيوادونو له مهاجرو سره، خو د جرمني چارواکي وايي چي د سوريايي مهاجرو نيمايي به بيرته خپل هيواد ته ولېږل سي.
انځور: DW/S. Nasiri
شتوتگرت
په جرمني کي تر سوريايي مهاجرو وروسته افغان مهاجر ډېر دي.
انځور: DW/H. Aria
شتوتگرت
په افغان مهاجرو کي د کوچنيانو شمېر ډېر دئ.
انځور: DW/H. Aria
شتوتگرت
اروپا ته د مهاجرت په موخه ډېر افغانان جرمني، سويډن، ډنمارک او ناروې ته رسېدلي دي.
انځور: DW/H. Aria
شتوتگرت
اروپا ته ډېر رارسېدلي افغان مهاجر په جرمني کي ژوند کوي.
انځور: DW/H. Aria
شتوتگرت
له هغه وروسته چي وويل سول چي افغان چارواکي د افغان مهاجرو د بيرته ستنېدو په برخه کي د جرمني له حکومت سره خبري کوي، په جرمني کي د افغان مهاجرو اعتراضونو زور اخيستی.
انځور: DW/H. Aria
شتوتگرت
په جرمني کي افغان مهاجر د مظاهرې پرمهال.
انځور: DW/H. Aria
شتوتگرت
له اروپا څخه تر اوسه پوري ۳۰۰۰ افغان مهاجر پخپله خوښه بيرته هيواد ته ستانه سوي دي.
انځور: DW/H. Aria
برلین
څه موده مخکي په برلين کي د افغانستان سفارت هغه راپورونه رد کړل چي گويا ۸۰ زره افغان مهاجر به بيرته خپل هيواد ته ولېږل سي.
انځور: DW/B. Ahmadi
برلین
په جرمني کي افغان مهاجر وايي چي په هيواد کي ئې امنيتي حالت خراب دی او دوی نه سي کولای چي بيرته خپل وطن ته ستانه سي.
انځور: DW/B. Ahmadi
دوسلدورف
د جرمني د کورنيو چارو وزارت وايي چي په روان کال کي به له افغان حکومت سره داسي موافقې ته ورسيږي چي له مخي به ئې رد سوي افغان مهاجر بيرته خپل هيواد ته ولېږي.