د اتحادیې قضايي کمیسار، دیدیر رېویندرز د فونکه په نامه الماني رسنیز ګروپ ته وویل: »دا په اوو غړو هیوادونو کي د ۹۰  کسانو سرمایه ده، چي کنګل سوې ده.« د روسیې پرضد د غربي تعزیراتو د یوې برخي په حیث د روسیې د مرکزي بانک د اسعاري ذخایرو تقریبأ ۳۰۰ ملیارده یورو هم کنګل سوي دي.
تر ټولو دمخه بیا اوکرایني سیاستمداران غواړي، چي دغه کنګل سوي پيسې دي د جنګ تر ختمیدو وروسته د دغه هیواد په بیا رغونه کي په کار ولویږي.