د اروپا پارلمان پر طالبانو د نویو بندیزونو د لګولو غوښتنه کړې. د اروپايي ټولنې پارلمان د یوه نوی پریکړه لیک په تصویب د طالبانو د امر بالمعروف قانون غندلی دی. دغه پارلمان غوښتنه کړې ده چې «جنسیتي آپارتاید» دې د بشر ضد جرم په توګه په رسمیت وپیژندل شي. آیا د اروپا پارلمان او یو شمیرو نورو سازمانونو غبرګونونه به د طالبانو په سیاستونو کې بدلون راولي؟ د دې اونۍ په خپرونه کې مو پر همدې موضوع بحث کړی.