قطر او اسرائیل ویلې دي چې د وقفې تمدید به د موجوده چوکاټ سره دوام وکړي، چې له مخې یې حماس په ورځيني ډول ۱۰ برمته شوي اسرائيليان به د اسرائیل له لورې د ۳۰ فلسطیني زندانیانو د آزادۍ په بدل کې آزادوي.
حماسچې د امریکا متحده ایالاتو، اروپایي اتحادیې، آلمان او څو نورو هېوادونو له لورې د یوه تروریستي سازمان په توګه طبقه بندي شوی، پر اسرائیل یې د اکتوبر مياشتي پر ۷ برید پرمهال شاوخوا ۱۲۰۰ کسان ووژل او ۲۴۰ کسان يې یرغمل او غزې ته له ځانه سره وتښتول.
د مرګ او ژوند په منځ کي د غزې د فلسطینیانو انځوریز راپور
غزه د بشري ناورین په درشل کي ده. د اکتوبرمیاشتي پر اوومه نېټه د حماس د ترهګریزو بریدونو په ځواب کي د اسرائيل د ځوابي بریدونه دوام لري، په غزه کي د وژل سویو او ټپیانو شمېر مخ پر ډېرېدو دی.
انځور: Fatima Shbair/AP/picture alliance
د اسرائيل درانه ځوابي بریدونه
پر اسرائيل د حماس د ناڅاپي تروریستي بریدونو په دوام، دغه هیواد هم پر غزه هوايي بریدونه وکړل چې د حماس ډلي په کنترول کي ده. اروپايي ټولنه، امریکا متحده ايالات او ځيني نور هیوادونه حماس تروريستي ډله ګڼي. د اکتوبر پر نهمه دوشنبه د اسرائيل لومړي وزیر بنیامین نتانیاهو وویل: «کوم څه، چي به موږ په راتلونکو ورځو کي له خپلو دوښمنانو سره کوو د دوی د راتلونکو نسلونو له پاره به لکه زنګ داسي وي.»
انځور: Belal Al SabbaghAFP/Getty Images
په غزه کي پراخي ویجاړۍ
د ملګرو ملتونو د بشري مرستو د همږغۍ دفتر(OCHA) په وینا نژدې ۸۰۰ تعمیرونه یومخ ویجاړي سوي دي او په سونو نور د اسرائيل په هوايي بریدونو کي تاواني سوي دي. راپورونه وايي، چي په سونو زره کسان اوبه نه لري.
انځور: Mohammed Talatene/dpa/picture alliance
د پاته سویو کسانو په لټه کي
د اسرائيل په هوايي بریدونو کي د غزې تراډي په شمال کي د جبالیه کډوالو پنډغالي له منځه تللي او ژغورونکي کوښښ کوي، چي پاته سوي ژوندي کسان وژغوري. هغه شمیرې چي د پنجشنبې په ورځ خپرې سوي دي، د دواړو لوریو قربانیان تر۲۵۰۰ زیات دي. لږ تر لږه ۱۲۰۰ اسرائيليان او ۱۳۰۰ فلسطینیان وژل سوي دي په زرهاوو کسان ټپیان دي.
انځور: Mahmud Hams/AFP/Getty Images
د ښځو فرياد
مړي په یوه موټر کي وړل کیږي او یوه فلسطینۍ ښځه بوغاري وهي . په غزه کي د روغتیا مسؤلان وايي تر ۱۴۰ ډېر کوچنیان او ۱۰۰ ښځي وژل سوي دي.
انځور: Said Khatib/AFP/Getty Images
غزه کلابنده سوې ده
فلسطینیان په یوه زاړه مني بس موټر کي د اسرائيل له انتقامي هوايي بریدونو څخه تښتي. د ملګرو ملتونو د یو راپور پربنسټ په غزه کي ۱۸۷ زره کسان بې ځایه سوي دي. ۱۳۷ زره کسانو د ملګرو ملتونو په ښوونځیو کي او ۴۰ زره په شخصي کورونو کي پنا اخیستې ده. امکان نه لري، چي د غزې تراډه دي یومخ پرېږدي. اسرائيل دغه سیمه محاصره کړې او د مصر لار يې هم تړلي دي.
انځور: Saleh Salem/REUTERS
اسرایلي ځواکونه د غزي تراډي پوله خپله مهاروي
د اسرائيل ځواکونه د غزې تراډي پر پوله ګزمه کوي. د حماس ډلي وسله والو د اکټوبر مياشتي پر اوومه پر پوله د اسرائيل درول سوی کټارې ماتي او دغه هیواد ته له ور اوښتلو سره یې عملیات شروع کړل، چي ډېری قربانیان يې ولسي وګړي ول. اسرائيل په ۱۹۹۴م کال کي د غزې پر پوله اغزن تار وغځاوه. په غزه کي د مصر سره پر پوله هم اغزن سیم درول سوی دی.
جان ایګلنډ د ناروې د کډوالو د شورا (NRC) عمومي منشي له CNN سره په مرکه کي خبرداری ورکړ، چي په غزه کي یو انساني ناورین سترګي په لار دی. «د بېلګي په ډول که چیري په روغتونونو کي د برېښنا د نشتوالي او لوږي له لاسه کوچنیان ومري، دا به جنګي جنایتونه وشمېرل سی.»
انځور: Mahmud Hams/AFP/Getty Images
یحیی سنوار، په غزه کي د حماس د سیاسي دفتر مشر
یحیی له ۲۰۱۷م کال راهیسي په غزه کي د حماس تروریستي ډلي مشر دی. هغه پر اسرائيل د برید له طراحانو څخه ګڼل کیږي. سنوار، چي د کډوالو په پنډغالي کي لوی سوی دی، ویلي دي: «موږ دا غوره ګڼو، چي شهیدان سوو، د دې پرځای، چي تر ظلم او سپکتیا لاندي ومروو.»
انځور: Mohammed Abed/AFP
د لوړي کچي فشار
د حماس ویاند خبري اژانسونو ته ویلي دي چي هر واري چي اسرائيل بیله خبرتیا پر غزه بمبار وکړي یو نیول سوی اسرائيلی به وژل کیږي. په داسي حال کي چی د اسرائيل د باندنیو چارو وزیر الی کوهن ګواښ وکړ چي دا ډول کړنی به هیڅ ونه بخښل سي. حماس پر اسرائيل باندی د برید پرمهال په لسهاوو اسرائيليان له ځان سره ژوندي بیولي دي.
انځور: Mahmud Hams/AFP/Getty Images
انځورونه1 | 10
د قطر د بهرنیو چارو وزارت ویاند ماجد الانصاري وویل: «فلسطیني او اسرائیلي اړخونه موافقې ته رسېدلي دي چې په غزې تړانګه کې بشردوستان وقفه د یوې بلې ورځې له پاره د شته شرایطو لاندې، یعنې د ټولو نظامي فعالیتونو د توقف او غزې ته د بشر دوستانه مرستو د داخلیدو له پاره تمدید کړي.»
اسرئیل د نومونو هغه فهرست ترلاسه کړی دی چې په پام کې ده د یوې ورځې تمدید په وقفه کې به آزاد شي.
د اسرائیل د لومړي وزیر بنیامین نتانیاهو دفتر په یوه بیانیه کې اعلان کړی دی چې: څو شیبې وړاندې، د توافق شرایطو سره سم اسرائیل ته د ښځو او ماشومانو یو لیست ورکړل شو، له همدې امله به دا وقفه دوام وکړي.»
چین «د دوامداره بشري وقفې» غوښتونکی شو
چین د پنجشنبې په ورځ د اسرائیل او حماس په جګړه کې د «دوامداره بشري وقفې» غوښتونکی شو.
د چین د بهرنیو چارو وزارت په یوه مقاله کې د خپل دریځ په اړه وویل: «ښکېل لوري باید سمدستي یوې بشر دوستانه پایداره او دوامداره وقفه ترلاسه کړي.»
په دې مقاله کې د ملکي وګړو د ساتنې پر اړتیا ټینګار شوی دی: «پر غیر نظامیانو باندې هر ډول وحشیانه برید توقف او د نړیوالو بشردوستانو قوانیو له نقص څخه دې مخنیوی وشي او دا اړینه ده، چې پر غیر نظامي تاسیساتو له برید ډډه وشي.»
چین دغه راز په غزه کې د بشردوستان دهلیز د جوړلو غوښتنه وکړه: «بشري مرستو ته دي ګړندی، خوندي، بې خنډه او دوامداره لاسرسی برابر کړل شي.»
