د اسلام آلماني عالم او لیکوال احمد منصور، د دې پلوي دی چي د داعش له راستنیدونکو غړو څخه دي د هغوی اولادونه په موقت ډول جلا سي. هغه ویلي چي دغه ماشومان خراب رواني حالت لري او د خپلو والدینو مفکورې ژر منلی سي.
انځور: AFP/D. Souleiman
اعلان
د اسلامي چارو کارپوه او لیکوال احمد منصور، دغه خبرې د چهارشنبې په ورځ (د نومبر میاشتې ۲۷مه نیټه) په «کولنر شتات انڅایګر» ورځپاڼې کي د هغه په خپرې سوې تبصره کي کړي دي.
په خبره یې تر موقت جلا کیدو وروسته باید دا وڅیړل سي چي بیرته کورنۍ ته د ماشومانو سپارل د هغوی پر انکشاف او معالجې باندي څومره مثبته یا منفي اغیز کوي.
د اسلام دغه عالم د داعش ډلې په پلوي پروپاګند او دې ډلې ته د غړو په جلبولو کي د ښځو د نقش په اړه خبرداری ورکوي. هغه ویلي دي چې دا د ښځو د هغه استقامت څخه معلومیږي، چي غواړي خپله ایډیالوژي ډیر وخت بیا هم خپلو اولادونو ته ورانتقال کړي.
انځور: picture alliance/dpa/M. Gambarini
د منصور په خبره له افراطیت څخه د داعش د پخوانیو راستنیدونکو غړو د فاصلې نیولو په خاطر باید هدفمند او مشخص پروگرامونه جوړ سي. هغه ټینګار کړی دی چي دغه «پروگرمونه باید په ډیر ماهرانه ډول جوړ سي او مختلفي ادارې په گډه پرې سره کار وکړي ترڅو هغوی وکړای سي د راستنیدونکو سره د رواني لحاظه ملتیا وکړي، د افراطي کیدو عوامل یې وپيژني، په ښه وجهه یې انعکاس کړي او مجرمینو ته د دې موقع ورکړي، چي د سوال او جواب له لاری د خپلي ایډیالوژي څخه جلا سي او له خپلو اعمالو څخه فاصله ونیسي».
«بوکسنګ سسټرز» کلب د یزيدۍ میرمنو او نجونو د پياوړه کولو طرحه ده چې شپږ میاشتې مخکې د (Lotus Flower) یا نیلوفر ګل، په نوم د غیر انتفاعي سازمان له لوري د عراق په کردستان کې پرانیستل شوه. اوس د روانګا کمپ په سالون کې یزيدي ښځې او نجونې په اوونۍ کې پنځه وارې د ورځې دوه ساعته تمرین کوي. د هغوی ډیری یې یو وخت د داعش بندیانې وې او د روحي آزار، فزیکي او جنسي تاوتریخوالي قرباني ګرځیدلې وې.
انځور: DW/F. Campana
چمتووالی
که څه هم بوکس د روانګا کمپ د ښځو او نجونو د «لوتوس فلاور» ورزشي کلب یوازینی فعالیت نه دی، خو د هغوی له پاره په زړه پورې ورزش دی. د دغه غیر انتفاعي سازمان سیمه ایز مشر ویان احمد وایي: «موږ فکر وکړ چې دا ورزش د جسمي او روحي لحاظه د ښځو د غښتلتیا له پاره مناسب روش دی.»
انځور: DW/F. Campana
تمرین
د دغه کلب یوه ورزشکاره حسنا سعید یوسف وایي: «ډیر وختونه چې د بوکس تمرین کوو، د درد او خفګان شیبې رایادوم او هڅه کوم چې د بوکس په ضربو سره یې له شره خلاصه شم.» حسنا او کورنۍ یې په ۲۰۱۴م کال کې د سنجار پر کلیو او بانډو باندې د داعش له هجوم وروړلو راهیسې په روانګا کمپ کې میشت دي. هغوی چې کله پوهه شول چې داعش ورنزدې شوی نو غرونو ته وتښتیدل او هلته یوه اوونۍ پټ ول، څو یې کمپ ته د رسیدو لار ومونده.
انځور: DW/F. Campana
له ورزش سره مینه
حسنا چې ۱۸ کلنه ده وایي چې تل یې له ورزش سره مینه درلوده. هغه وایي چې په ځوانۍ کې یې له تره سره د خپل کاله په یوه خونه کې وزن پورته کول تمرینول. خو حسنا اوس په دې باور ده چې بوکس یا سوک وهنه یو بل شی دی. هغه چې هیله لري ډاکټره شي وايي: «نه غواړم هیڅ وخت د بوکس کولو تمرین پریږدم.»
