د بریتانیا په بهرنیو چارو وزارت کې یوې سرچینې رویټرز خبري آژانس ته ویلي دي چې روسیه، میانمار، بلاروس، سوریه، وینزویلا او افغانستان دغو مراسمو ته نه دي بلل شوي. ویل شوي چې شمالي کوریا ته هم بلنه ورکړل شوې خو دا بلنه د سفارت په کچه ده.
دې سرچینې ویلي دي چې سوریه او ونزویلا له دې امله نه دي بلل شوي چې اوس له بریتانیا سره ډيپلوماټیکي اړیکې نه لري او افغانستان د «اوسني سیاسي وضعیت» له امله نه دی بلل شوی.
په لندن ښار کې په زرونو کسان د ملکې اليزابت وروستي ديدار له پاره په کتارونو کې ولاړ ديانځور: Tom Nicholson/via REUTERS
دغو مشرانو ویلي دي چې لندن ته به ولاړ شي:
شاهي ګډونوال:
-له جاپان څخه امپراتور ناروهیتو او ملکه ماساکو
- له هالنډ څخه بادشاه ویلم الکساندر او ملکه ماکسیما
- له اسپانیا څخه بادشاه شپږم فیلیپه او ملکه لتیزیا
- له ډنمارک څخه ملکه دویمه مارګرت، ولیعهد فردریک او ولیعهده ماری
- له سویډن څخه بادشاه کارل شپاړسم ګوستاف او ملکه سیلویا
- له ناروې څخه بادشاه پنځم هارالد او ملکه سونیا
ملي مشران:
- ولسمشر جوبایډن او د امریکا لومړی میرمن
- د هند ولسمشر دروپادی مورمو
- د اتریش ولسمشر الکساندر فون دیر بلن
- د نیوزلنډ لومړی وزیر جاسیندا آردرن
- د آسترالیا لومړی وزیر آنتونی آلبانیز
- د لیتوانیا ولسمشر گیتاناس ناوسدا
- د سریلانکا ولسمشر رانیل ویکرمسینګه
- د آلمان ولسمشر فرانک والټر شټاین مایر
- د سویلي کوریا ولسمشر یون سوک یول
- د برازیل ولسمشر ژایر بولسونارو
- د پولنډ ولسمشر آندری دودا
- د ایټالیا ولسمشر سرجیو ماتارلا
- د کاناډا لومړی وزیر جاستین ترودو
- د اروپايي شورا مشر چارلز میشل
- د اروپايي کمېسیون مشره اورزولا فون دیر لاین
- د لایتویا ولسمشر اګیلس لویتس
- د ترینیداد و توباګو ولسمشر پائولا مای ویکس
- د فلسطین لومړی وزیر محمد اشتایه
- د فنلنډ ولسمشر ساولی نینیتسو
- د مجارستان یا هنګري ولسمشر کاتالین نواک
- د ایرلنډ ولسمشر مایکل دی هیګینز
- د ایرلنډ لومړی وزیر مایکل مارتین
- د جاماییکا لومړی وزیر اندرو هولنس
- د بلبز عمومي مشر فلویلا تزالام
- سنت وینسنت او ګرنادینونو عمومي مشر سوزان دوګان
- د بنګله دیش لومړی وزیره شیخ حسینه
هغه هېواونه چې نه دي بلل شوي:
روسیه، میانمار، بلاروس، سوریه، ونزویلا او افغانستان
زموږ له آرشيف څخه:
۱۰هغه نکتې چي ښايي تاسو به د ملکې اليزابت په هکله نه وي اورېدلي
ملکې الیزابت د روان کال په جون میاشت کي د خپلي واکمنۍ ۷۰مه کالیزه ولمانځله.هغه د پنجشنبې په ورځ د ۹۶ کلونو په عمر مړه سوه. په دغو انځورونو کي به د هغې د ژوند څو واقعیتونه بیان کړو چي ښايي تاسو ورباندي خبر نه واست.
انځور: Kirsty O'Connor/empics/picture alliance
۱: په یوه کال کي د زوکړي دوه جشنونه
ملکه اليزابت دوهمه، که څه هم د ۱۹۲۶م کال د اپریل پر ۲۱ زیږیدلې ده، خو د هغې کلیزه تل د جون میاشتي په دوهمه شنبه لمانځل کیږي. د جون میاشتي د لمانځلو د عنعنې بڼسټ په ۱۷۴۸م کال کي پادشاه دوهم جورج کښیښود. که څه هم د دوهم جورج کلیزه په نوومبر میاشت کي وه، خو له دې کبله چي په دغه میاشت کي هوا مناسبه نه وي، پریکړه یې وکړه چي د زوکړي جشن یې په یوه ښه موسم یعني په جون میاشت کي ولمانځل سي.
انځور: picture-alliance/dpa
۲: ملکه هیڅکله مکتب ته نه وه تللې
ملکه الیزابت دهمه، هیڅکله مکتب ته نه وه تللې. خو هغې یوه خصوصي ښوونکې درلوده چي ورته یې د تاریخ، اساسي قانون، حقوقو او فرانسوي ژبي زده کړي ورکولې. سربیره پر دې به هغه په وار وار سره ځوریدله چي ولي یې په رسمي ډول زده کړي نه دي کړي.
انځور: AFP/Getty Images
۳: د ملکې خاوند د هغې له خپلوانو څخه وو
شاهزاده فیلیپ چي د اپریل میاشتي پر نهمه نېټه وفات سو، د ملکې الیزابت د تره لمسی وو. هغوی دواړه د پادشاه ویکتوریا له اولاې څخه ول. د رپوټونو په حواله ملکه په ۱۳ کلنۍ کي پر فیلیپ باندي میئنه سوې وه. هغوی د ۱۹۴۷م کال په نوومبر کي واده وکړ. ملکې خپل د واده د کمیس د ټوکر د رانیولو له پاره له هغو کوپونونو څخه استفاده وکړه چي پس له جنگه یې ټول کړي ول.
