سپورت
د افغانستان د کریکټ بورډ رئیس له دندې گوښه کړل شو
۱۳۹۸ مرداد ۲, چهارشنبه![Afghanistan Neuer Vorsitzender der ACB Azizullah Fazli](https://static.dw.com/image/45565081_800.webp)
اعلان
د کریکټ تر نړیوال جام وروسته د افغانستان په کریکټ بورډ او همداشان په ملي لوبډله کې د بدلونونو لړۍ ادامه لري.
د یوه نوي اقدام په ترڅ کې فرحان یوسفزی د کریکټ بورډ د نوي رئیس په توګه ټاکل شوی دی.
د ارګ له لوري په خپره شوې اعلامیه کې راغلي دي: «د جمهوري ریاست د عالي مقام د حکم پر بنسټ، ښاغلی فرحان یوسفزی د افغانستان د کریکټ بورډ د غړي او عمومي رئیس په توګه وګومارل شو.»
خو په اعلامیه کې د کریکټ بورډ د پخواني رئیس عزیزالله فضلي په هکله څه نه دي ویل شوي.
څو ورځې ترمخه په ارګ او کریکټ بورډ کې یوې سرچیني دویچه ویله ته د عزیزالله فضلي د ګوښه کیدو خبره کړې وه، خو هغه مهال ښاغلی فضلي په لندن کې وو.