افغانستان په دې جام کې تراوسه یوازې یوه لوبه او پاکستان له څلورو دوې لوبې ګټلي دي.

دا د روان نړیوال جام په لړ کې یوه تر ټولو مهمه لوبه بلل کېږي. دغه لوبه د افغانستان پر وخت د ورځې پر یوه بجه پیلېږي.

له دې وړاندې افغانستان له انګلستانه لوبه ګټلې او بنګله دېش، هند او نیوزیلنډ ته یې بایللي دي.

د افغانستان کرېکټ ټیم کوچ یا مشر روزونکي جانتن تراټ پرون یوه خبري کانفرانس ته ویلي وه چې دوی ته هر لوبه مهمه ده او پوره هڅه به کوي چې ننۍ لوبه وګټي.

دا دواړه لوبډلې له دې وړاندې په وروستي ځل د ۲۰۱۹م کال د یو ورځنیو لوبو په نړیوال جام کې د انګلستان په لیډز کې سره مخامخ شوي وو.

د افغانستان بله لوبه به د اکټوبر پر ۳۰مه له سریلانکا سره وي.