د کریکټ نړیواله شورا د بشپړ غړیتوب لرونکو هیوادونو له پاره پنځه کلن مهالویش ترتیبوي چې پکې ټیسټ لوبې، یو ورځنۍ او شل اوریزې لوبې شاملې دي. په دې مهالویش کې د افغانستان له پاره هم یو شمیر لوبې په پام کې نیول شوي دي.
د کریکټ بورډ د نړیوالې شورې د مهالویش په اساس ټاکل شوې افغانستان د روان ۲۰۱۸م کال په اګست میاشت کې له ایرلنډ سره درې یو ورځنۍ او درې شل اوریزې لوبې ولري.
سربیره پر دې د همدې روان کال په سپتمبر میاشت کې به افغانستان د آسیا کپ په سیالیو کې برخه واخلي چې په متحده عربي اماراتو کې کیږي.
د ۲۰۱۹م کال په ترڅ کې هم افغانستان یو شمیر لوبې لري. د ۲۰۱۹م کال له فبروري نه تر مارچ میاشتې پورې بیا هم افغانستان د آیرلنډ پر وړاندې یوه ټیسټ لوبه، پنځه یو ورځنۍ او درې شل اوریزې سیالۍ لري.
د همدې ۲۰۱۹م کال په مې میاشت کې بیا افغانستان، ایرلنډ او بنګله دیش د یو ورځنیو لوبو یو درې اړخیز سیریز لري. د سیریز تر پای ته رسیدو سره سم په جولای میاشت کې بیا د انګلستان په کوربه توب نړیوال جام پیلیږي. د نړیوال جام د لوبو مهالویش له وړاندې نه ترتیب شوی دی چې په دې انځوریز البوم کې یې په هکله جزئیات کتلی شئ.
د ۲۰۱۹م کال په نړیوال جام کې افغانستان له کوم هیواد سره او کله لوبې لري
د کریکټ نړیوالې شورا په ۲۰۱۹م کال کې د مې میاشتې له ۳۰ مې نه د جولای میاشتې تر ۱۴ پورې د نړیوال جام د سیالیو رسمي مهالویش اعلان کړ. په دې انځوریز البوم کې به وګورئ چې افغانستان له کوم هیواد سره او کله لوبیږي.
په لومړي پړاو کې نهه لوبې
افغانستان د کریکټ نړیوالې شورا د ۲۰۱۹م کال د نړیوال جام په لومړي پړاو کې چې د مې میاشتې له ۳۰ مې نه د جولای میاشتې تر ۱۴ پورې تر سره کیږي ټول ټال نهه لوبې ترسره وي.
۱. افغانستان د آسترلیا پر وړاندې
په دې سیالیو کې د افغانستان لمړنۍ لوبه د جون میاشتې په لومړۍ نیټه او د شنبې په ورځ د آسترالیا پر وړاندې ده. دغه مهمه لوبه به د انګلستان په بریستول کونټی کریکټ لوبغالي کې ترسره شي.
۲. افغانستان د سریلانکا پر وړاندې
دوهمه لوبه بیا د جون میاشتې په ۴ نیټه د سه شنبې په ورځ له سریلانکا سره پلان شوې. دغه لوبه به په کاردیف والز ستدیوم کې ترسره شي.
۳. افغانستان د نیوزیلاند پر وړاندې
د افغانستان دریمه لوبه د جون په ۸ نیټه د شنبې په ورځ له نیوزیلاند سره ده چې د تنتون په کونتي لوبغالي کې به ترسره شي.
۴. افغانستان د سویلي افریقا پر وړاندې
د افغانستان د کریکټ د ملي لوبډلې څلورمه لوبه د جون میاشتې په ۱۵ نیټه د شنبې په ورځ له سویلي افریقا سره پلان شوي. دغه لوبه به هم د کاردیف والز په ستدیوم کې ترسره شي.
۵. افغانستان د انګلستان پر وړاندې
په دې سیالیو کې د ا فغانستان پنځمه لوبه د جون میاشتې په ۱۸ نیټه د سه شنبې په ورځ د انګلستان پر وړاندې ده. دغه لوبه به د اولد ترافورد په لوبغالي کې ترسره شي.
۶. افغانستان د هندوستان پر وړاندې
د افغانستان شپږمه لوبه بیا د هندوستان پر وړاندې د جون میاشتې په ۲۲ نیټه او د شنبې په ورځ پلان شوې. دغه لوبه به د انګلستان په همپشیر باول لوبغالي کې ترسره شي.
۷. افغانستان د بنګله دیش پر وړاندې
د دې سیالیو په لړ کې د افغانستان اوومه لوبه د بنګله دیش پر وړاندې ده. دغه لوبه به د جون میاشتې په ۲۴ نیټه او د دوشنبې په ورځ ترسره شي. دغه لوبه به هم د همپشیر باول په لوبغالي کې ترسره شي.
۸. افغانستان د پاکستان پر وړاندې
د افغانستان اتمه لوبه بیا د پاکستان پر وړاندې ده. دغه لوبه د جون میاشتې په ۲۹ نیټه او د شنبې په ورځ پلان شوې. یاده لوبه به د هیډینګلي په لوبغالي کې ترسره شي.
۹. افغانستان د ویسټ انډیز پروړاندې
په لومړني پړاو کې د افغانستان وروستی لوبه د ویست انډیز پر وړاندې پلان شوې. دغه لوبه به د جولای میاشتې په ۴ نیټه او د پنجشنبې په ورځ ترسره شي. د افغانستان دغه وروستی لوبه به هم د هیډینګلي په لوبغالي کې ترسره شي.
تر نړیوال جام وروسته د ۲۰۱۹م کال په اګست میاشت افغانستان له زمبابوې سره هم یو شمیر لوبې لري. له زمبابوې سره په لوبو کې افغانستان یوه ټیسټ لوبه، پنځه یو ورځنۍ او درې شل اوریزه لوبې لري.
د همدې ۲۰۱۹م کال په اکتوبر میاشت کې بیا افغانستان د بنګله دیش پر وړاندې یوه ټیسټ لوبه او دوه شل اوریزه لوبې لري.
د ۲۰۱۹م کال په وروستیو یعنې په نومبر میاشت کې افغانستان بیا د ویسټ انډیز سره مخامخیږي. په دې لوبو کې یوه ټیسټ لوبه، درې یو ورځنۍ او درې شل اوریزې لوبې پلان شوي دي.
سربیره پر دې ۲۰۲۰م کال هم د افغانستان له پاره یو مصروف کال دی. د ۲۰۲۰م کال په مارچ میاشت کې افغانستان او ایرلنډ یوه ټیسټ او درې شل اوریزې لوبې لري. د همدې ۲۰۲۰م کال په اګست میاشت کې بیا هم له آیرلنډ سره درې شل اوریزه لوبې پلان شوي دي.
له آیرلنډ سره تر لوبو وروسته بیا د ۲۰۲۰م کال په سپتمبر میاشت کې د آسیا جام سیالۍ دي چې په دې کې هم افغانستان له آسیايي هیوادونو لکه هندوستان، پاکستان، سریلانکا او بنګله دیش سره یو شمیر لوبې لري.
تر آسیا کپ وروسته د شل اوریزو نړیوال جام پیلیږي. چې دغه جام به هم د اکتوبر میاشتې نه پیل او تر نومبر میاشتې پورې ادامه پیدا کړي. د شل اوریزو نړیوال جام تر لوبو وروسته افغانستان بیا د ۲۰۲۰م کال د نومبر په میاشت کې له آسترالیا سره یوه ټیسټ لوبه لري.
په ۲۰۲۱م کال کې د جون په میاشت کې افغانستان له آیرلنډ سره یوه ټیسټ، درې یو ورځنۍ او درې شل اوریزې لوبې لري. تر دې سمدلاسه وروسته په فروري میاشت کې له زمبابوې سره دوې ټیسټ او درې شل اوریزې لوبې پلان شوي دي. د همدې کال په مارچ میاشت کې بیا له هندوستان سره درې یو ورځنۍ لوبې پلان شوي.
انځور: Getty Images/AFP/R. Brooks د ۲۰۲۱م کال په جولای-اګست کې افغانستان له سریلانکا سره درې یو ورځنۍ او درې شل اوریزه لوبې لري او له پاکستان سره په سپتمبر میاشت کې بیا درې یو ورځنۍ لوبې پلان شوي دي. د همدې کال په اکتوبر میاشت کې بیا هم ایرلنډ او افغانستان سره مخامخیږي او درې شل اوریزې لوبې ورته پلان شوي دي. په ۲۰۲۱م کال بیا هم د شل اوریزو لوبو نړیوال جام لوبي دي چې په اکتوبر کې پیلیږي او تر نومبر میاشتې پورې دوام پیدا کوي.
تر نړیوال شل اوریز جام وروسته افغانستان له زمبابوې سره یوه ټیسټ، درې یو ورځنۍ او دوه شل اوریزې لوبې لري. د همدې کال په دسمبر میاشت کې بیا له هالنډ سره درې یو ورځنۍ او درې شل اوریزه لوبې پلان شوي دي.
په ۲۰۲۲م کال کې افغانستان په فرورۍ میاشت کې له بنګله دیش سره درې یو ورځنۍ او دوه شل اوریزې لوبې لري. په مارچ کې بیا له آسترالیا سره درې یو ورځنۍ او په اګست کې له آیرلنډ سره یوه ټیسټ، درې یو ورځنۍ او درې شل اوریزې لوبې لري. په سپتمبر کې بیا له آسترالیا سره یوه ټیسټ لوبه لري.
له آسترالیا سره تر لوبې وروسته بیا هم د ۲۰۲۲م کال د آسیا کپ سیالۍ دي چې افغانستان هم پکې برخه لري. تر آسیا کپ وروسته افغانستان په ۲۰۲۲م کال کې کومې لوبې نه لري خو د ۲۰۲۳م کال په جنوري کې بیا له ویسټ انډیز او نیوزیلنډ سره د درو یو ورځنیو لوبو یو سیریز پلان شوی دی.
زموږ له آرشیف څخه:
د کريکټ په ټيسټ لوبو کې چا لس زره منډي پوره کړي؟
يونس خان لومړی پاکستانی لوبغاړی دی چې د کريکټ په ټيسټ لوبو کې یې لس زره منډې جوړي کړي. آيا تاسې پوهيږئ چې د يونس خان د مخه د نړي نورو کومو لوبغاړو دومره ډير رنزونه کړي دي؟
انځور: N. Naamani/AFP/Getty Imagesبراين لارا د هغو لوبغاړو په سر کې راځي چې په لږ لوبو کې یې لس زره منډي پوره کړي دي. ده په ۱۱۱ لوبه کې دا مقام خپل کړ. په دې موخه لارا ۱۹۵ اننګز (نوبت) ولوبول.
د کرکيټ د نړۍ يوه ډير ښه توب وهونکي سچن تندولکر په کلکته کې د ۲۰۰۵م کال د مارچ پر۱۶نيټه له پاکستان سره د يوې لوبې پر وخت په انفرادي توګه د لس زرو پاته منډي پوره کړې. دا د نوموړي ۱۲۱ ټيسټ لوبه او ۱۹۵ اننګز (نوبت) وو. تندولګر د ۱۹۸۹م کال د نوامبر پر ۱۵ نيټه په لومړي ځل په ټيسټ ميچ کې لوبيدلی وو.
د سريلانکا د ټيسټ لوبو ستوري کمارا سنګا په خپله ۱۵۹ ټيسټ لوبه کې لس زره منډي پوره کړې. دی د استرليا په ملبورن کې دې هدف ته ورسيد. دا د ۲۰۱۲م کال د دسمبر ۲۶ نيټه وه.
رکي پونټنګ د ۲۰۰۸ م کال د مي پر ۳۰ نيټه په نارت ساونډ کې له ويست اندیز سره په لوبه کې د لسو زرو منډو پاته برخه پوره کړه. ده دا هدف د ۱۱۸ ميچو په پر وخت د ۱۹۶ اننګز په لوبولو سره ترلاسه کړ.
په ۲۰۰۸ م کال کې راهول دراوډ په چنايي کې له سويلي افریقا سره په يوه لوبه کې خپل لس زره منډې پوره کړې. د توپ ويشتونکو مخې ته د «ديوال» په نوم شهرت لرونکي دې لوبغاړي په ۱۲۰ لوبو کې د ۲۰۶ اننګز تر لوبولو وروسته دغه هدف ترلاسه کړ.
د خيبر پښتونخوا د مردان سيمې يونس خان لومړی پاکستانی لوبغاړی دی چې همدا څو ورځې ترمخه يعني د اپريل پر ۲۱ نيټه یې په کنګستن کې له ويست اندیز سره په لوبه کې خپلې لس زره منډې پوره کړې. دا د نوموړي ۱۱۶ لوبه او ۱۰۸ اننګز وو. يونس خان د ۲۰۰۰م کال د فيبرورۍ پر ۲۶ نيټه په ټيسټ لوبو پیل وکړ.
مهيلا جی وردنې د ۲۰۱۱م کال د دستمبر پر ۲۶ نيټه په دربن کې لس زره رنز پوره کړل. دا د نوموړي ۱۲۷ لوبه او ۲۱۰ اننګز وو. جی وردنې په ۱۹۹۷م کال کې په ټيسټ لوبو پیل کړی وو.
سنيل ګواسکر لومړی لوبغاړی دی چې په ټيسټ لوبو کې یې لس زره منډي جوړې کړي. دې تکړه توپ وهونکي د ۱۹۸۷م کال په مارچ مياشت کې په احمد آباد کې له پاکستان سره په يوه لوبه کې دا هدف ترلاسه کړ. نوموړي په ۱۲۴ ټيسټ لوبو کې لس زره منډې پوره کړې.
تکړه آل راونډر ژاک کيلس په يوهانسبورګ کې له استرليا سره په يوه لوبه کې چې د ۲۰۰۹ م کال د فيبرورۍ پر ۲۶ نيټه وه لس زره منډي پوره کړې. دا د نوموړي ۲۱۷ اننګز او ۱۲۹ لوبه وه. کيلس په ۱۹۹۵م کال کي په ټيسټ لوبو پيل وکړ.
بريتانوي توپ وهونکي کک د ۲۰۱۶م کال په مي میاشت کې له سريلانکا سره د لوبې پرمهال خپل لس زره رنز پوره کړل. کک په ۲۰۰۶م کال کې په ټيسټ لوبو پیل کړی وو.
ايلن باردر چې په ډيرو کاميابو کپتانانو کې شميرل کيږي، د ۱۹۹۳م کال په جنورۍ مياشت کې یې د سدني په لوبغالي کې له ويست اندیز سره په لوبه کې لس زره منډې پوره کړې. ده په ۲۳۵ اننګز يا (نوبتونو) کې دا هدف تر لاسه کړ او هغه مهال دې هدف ته رسيدونکی دويم لوبغاړو شو. ده په ۱۹۷۸ م کال کې ټيسټ لوبي پيل کړي وې.
شيو ناراين چندرپال، ويست اندیز
شيو ناراين چندرپال د ۲۰۱۲م کال د اپريل پر ۲۳ نيټه دې هدف ته ورسيد. په روسو کې له استرليا سره په لوبه کې نوموړی د لس زرو رنزو جوړونکو په کتار کې ودريد. دا د هغه ۱۴۰ لوبه او ۲۳۹ نوبت وو.
د استرليا دې آل راونډر د ۲۰۰۳م کال د جنورۍ پر۲ نيټه د سدني په لوبغالي کې له بريتانيا سره په لوبه کې دا هدف ترلاسه کړ. ده په تر ټولو زياتو يعني ۲۴۴ اننګز کې تر لوبيدو وروسته لس زره منډې پوره کړې.
