د امریکا په وىرجینیا ایالت کې د کامن ویلت پوهنتون له خوا په ۲۰۱۳م کال کې د یوې څیړنې په پایله کې ویل شوي وو چې د چرسو او بنګو متوازنه استفاده کولی شي د مرګي او ځینې نورو عصبي ناروغیو څخه د ژغورل کیدو په برخه کې مرسته وکړي. البته په هغه صورت کې چې له دغو موادو څخه د نشې په ډول نه، بلکې د درملو په توګه استفاده وشي.

د امریکا د ملي انیستیتوت په حواله دا حقیقت نږدې لس کاله مخکې معلوم شوی وو چې په متوازن ډول د چرسو او بنګو استفاده د ګلو کوما په نوم د سترګو د بینایې د کمښت ناروغۍ څخه د بچ پاتې کیدو په برخه کې مرسته کوي. ګلو کوما ناروغي د بشپړې نابینایئ سبب هم ګرځیدلی شي.

«دي جرنل آف الزایمر ډیزیز» مجله کې د چاپ شوي یوه رپوټ په اساس چرس په ډیرې چټکۍ سره د عصبي فعالیتونو د کمیدو یا بطي کیدو مخه نیسي. د دې استعمال د الزایمر یا هیرې ناروغۍ خطر هم کموي، البته په هغه صورت کې چې د درملو په شکل کې استعمال کړای شي، نه د نیشې په ډول.

په امریکا کې د سرطاني ناروغیو اړوند یوه انټرنټ پاڼه «کینسر ډاټ آرګ» کې په ۲۰۱۵م کال کې د خپور شوي یوه رپوټ پر بنسټ، چرس یا بنګ پر سرطان د اخته کیدو خطر کې د کمښت راوستلو او ژغورنې په برخه کې مهم رول لوبولی.

د «یو اس ایجنسي فار ډرګ ایډمنستریشن» په حواله چرس د سرطانو له ناروغانو سره په یو بل ډول مرسته کوي. د سرطان ناروغان باید اکثره وخت د علاج له پاره کیموتیراپي وکړي، او چرس د دې تیراپي د مضره اثراتو په کمښت کې مرسته کوي.

د بریتانیې د نوټنګهم پوهنتون محقیقین په دې اند دي چې چرس یا بنګ دماغ صحتمند ساتي چې له امله یې د فلج خطر کمیږي. البته دا باید د درملو په شکل استعمال شي نه د نیشې په ډول.

د شکر د لوړیدو په صورت کې مریض په خپل بدن او اندامونو کې شدید درد احساسوي. د کالیفورنیا پوهنتون د څيړونکو په حواله چرس د دوی په تکلیف کې د کمښت سبب کیدلی شي.

چرس د هیپيټایټس سي یا تور زیړي په جانبي عوارضو کې هم د کمښت سبب کیږي. د بنګو له محدود استعمال سره د دې مضرې ناروغۍ په جانني عوارضو کې تر ۸ سلنه کموالی لیدل شوی دی. لکه څرنګه چې په یو شمیر درملو کې له دغو نیشه توکو څخه استفاده کیږي، په دې ټولو مواردو کې باید د ډاکټر د سپارښتنې مطابق باید عمل وشي.