فرهاد دریا د چهارشنبې په ورځ په کابل کې د ملي اردو سرتیرو ته د وینې ورکوونې کمپاین پیل کړ.

دغه کمپاین «سرتیریه! زما وینه تر تا سره نه ده» په شعار پیل شو.

په دې کمپاین کې هر وینه ورکوونکي پر څو تنو نور کسانو باندې غږ کوي چې خپله وینه ورکړي او بیا نور کسان هم ونومي. په انځور کې د افغانستان د کورنیو چارو وزارت ویاند صدیق صدیقي تر وینې ورکوونې وروسته ښول کیږي.

د کمپاین نوم «څاڅکی څاڅکې له دریا سره» دی. افغان نومیالي سندرغاړي فرهاد دریا، چې دغه کمپاین یې پیل کړی دی ویلي دي چې په دې اړه یې پریکړه په تلویزیون کې د یوې چاودنې په اړه د یوه پیړنې رپوټ تر لیدو وروسته وکړه.

په دې کمپاین کې د مدني ټولنې یو شمیر غړو هم گډون وکړ.

فرهاد دریا وویل چې دغه کمپاین سیاسي موخه نه لري. هغه پر ولسمشر غني، لومړۍ میرمنې، اجرائیه رييس، د روغتیا او دفاع وزارت پر سرپرستانو غږ وکړ چې په دې کمپاین کې وینه ورکړي.

فرهاد دریا وویل چې کمپاین به یې ادامه پیدا کړي او ډیر شمیر کسان به وهڅوي چې به کې گډون وکړي.

په وروستیو وختونو کې د افغان امنیتي ځواکونو تلفات د یاغیانو د بریدونو د ډیریدو او له افغانستان څخه د بهرنیو ځواکونو د وتلو له کبله ډیر شوي دي.

د ملي دفاع وزارت چارواکو ویلي دي چې دغه شان کمپاینونه کولای شی چې د ملي اردو د سرتیرو له مورال سره مرسته وکړي.

له ۲۰۰۲ کال راهیسې آلمان له افغان حکومت سره مرسته کوي چې داسي پولیس وروزي چې د قانون حاکمیت ته ژمن وي. دغه پولیس د آلمان د پولیسو د پوروژې په چوکاټ کي روزل کیږي.

د پولیسو د روزني په برخه کې د آلمان یوه کلیدي ستراتیژي دا ده چې داسې افغان پولیسو ته روزنه ورکړي، چې هغوی پخپله بیا وروسته د افغانستان په بېلابېلو سیمو کې نور افغانان وروزي.

د پولیسو له پاره یو ابتدایي روزنیز کورس یوازي اته اوونۍ دوام کوي. دغه نوي پولیس په دې کورس کې د مجرمینو د نیولو، له هغوی څخه د پوښتنو گروېږنو او همداراز د وسلو کارول زده کوي.

په افغانستان کې د اداري فساد، دارې او لوژیستیکي ستونزو له کبله داسي شکونه شته چې افغان پولیس به تر ۲۰۱۴ کال وروسته و نه شي کولای چې د خپل هیواد امنیت ټینگ کړي.

آلماني ځواکونه او د پولیسو روزونکي پر څلورو ښارونو باندي تمرکز لري. دغه ښارونه فیض آباد، کندز، مزارشریف او کابل دي. د فیض آباد او کندز ښارونه کنترول اوس په خپله افغان امنیتي ځواکونو ته سپارل شوی دی.

د پولیسو د روزنیز پروگرام تر څنگ، افغانانو ته همداراز په دې برخه کې روزنې ورکول کیږي چې هغوی وکولای شي تر ۲۰۱۴ کال وروسته د پولیسو د روزنیز مرکزونو د تجهیزاتو او امکاناتو پالنه وکړي.

اوس افغانستان ښځینه پولیسو ته سخته اړتیا لري. په دې هیواد کې یو نارینه پولیسو په هیڅ صورت کې اجازه نه لري چې یوه ښځه تلاښي کړي.

د ۲۰۱۳ کال په جولای میاشت کې د افغانستان د هغه وخت د کورنیو چارو وزیر غلام مجتبی پتنگ، د خپل هیواد پارلمان ته وویل چې د هماغه کال د مارچ او جولای میاشتو په منځ کې شاوخوا ۲۷۵۰ افغان پولیس د دندې پر مهال وژل شوي دي.