فرانک والتر شټاینمایر په دغه هیواد کي اوسیدونکي مهاجرین او خارجیان دې ته تشویق کړي، چي د جرمني د تابعیت له حق څخه استفاده وکړي. ځکه چي دا یې ورسره په مدغمیدو او کار پیداکولو کي ډیر کومک کوي.
انځور: John Macdougall/ADP/dpa/picture alliance
اعلان
د جرمني جمهورریس، فرانک والتر شټاینمایر د جمهوري ریاست په ماڼی کي شپږو مهاجرو ته د تابعیت ورکولو د مراسمو پرمهال وویل، چي که دلته د اوسیدونکو مهاجرو د تابعیت اخیستلو شرایط پوره وي، نو باید د دې حق څخه استفاده وکړي. هغه وویل:« یوازي تر دې وروسته هغوی واقعأ مساوي حقوق لرلی او په جامعه کي واقعأ شرکت کولای سی.»
د جرمنیانو څخه غوښتنه
شټاینمایر د جرمنیانو څخه هم وغوښتل، چي « په ټولنه پوري د مهاجرینو د متعلق کیدلو او مربوطیدلو» حق هم ومني. البته که هغوی اوس فعلأ دلته اوسیږي او یا په اینده کي دغه هیواد ته راځي.
شټاینمایر ټینګار وکړ، چي جرمني په کراره کراره سره یو مهاجر هیواد ګرزیدلی او په اینده کي دغه هیواد نورو مهاجرو ته هم ضرورت لري. هغه اضافه کړه، :« یوازي هغه وخت ، چي جرمني د هغو انسانانو یوه برخه ګرزیدلې وي، چي موږ ته راځي او په عین حال کي هغه کسان، چي موږ ته رامهاجر کیږي او دلته پاته کیدل غواړي، د خپل ځان یو جزء وبولو، یوازي په دې صورت کي اتفاق او اتحاد رامنځته کیږي. یوازي هغه وخت د دې ادعا کولای سو، چي دغه هیواد دلته د ټولو اوسیدونکو یو ګډ ټاټوبی دی. دا واقعأ پر ځای او حق خبره هم ده.»
شټاین مایر د مریم آ په نامه یوې ښځي ته د تابعیت سند ورکولو په حال کيانځور: John Macdougall/ADP/dpa/picture alliance
پدې لار کي شټاینمایر د متقابل زغم او تحمل غوښتنه وکړه، یعني د جرمني د اصلي اوسیدونکو او هم خارجیانو لخوا. د مختلفو هیوادونو او رنګارنګ کلتورونو، ادیانو، عقیدو او رسم و رواجونو درلودونکی یو هیواد طبعأ هم مثبت او هم منفي اړخونه لري. منفي اړخ یې دادی، چي اختلافات ډیر وي او باید د ډیر زغم څخه کار واخیستل سي. خو دا ګټه هم لري، چي هغوی د ځانو سره د رنګارنګ کلتورونه او رسم و رواجونه راوړي دي، چي دا په خپل نوبت سره جامعه هم رنګارنګه کوي.
کوم کسان په جرمني کي ژر کارونه پیدا کوي؟
دجرمني په کومو څانگو کي،چي د پرسونل کمبود موجود وي، د خارجیانو څخه غوښتل کيږي،چي باید ځانگړې اجازه نامه ولري او په کومو ساحو کي بیا سړی کولای سي بې له تحصیلي اسنادو څخه کار وکړي؟
انځور: Colourbox/Monkey Business Images
ډاکتر
په دغه مسلک کي کار کول د مقرراتو پراساس تنظیم سوی دی،یعني په دغه رشته کي د پوهي سطحه باید د جرمني د معیارونو مطابق وي. هغه ډاکټران چي د اروپايي ټولني ددباندي څخه راځي، باید د کار په خاطر اجازه نامه پلاس راوړي. دغه اجازه کیدلای سي،مؤقتي او په همهغه ایالت کي معتبره وي،چی هغه یې صادره کړې ده. د اجازې ورکولو یو بل ډول، چي هرځای چلیږي او محدودیت نلري،د هغه د پلاس راوړلو له پاره باید امتحان ورکړل سي.
انځور: Colourbox/Monkey Business Images
نرس
په دغه رشته کي کار کول هم یوازي د ایالتي چارواکو په اجازه نامې باندي مربوط دی او د امتحان ورکول یې حتمي دی. ددرسي پروگرامونو ځیني تفاوتونه په کاري تجربه کي جبران کیږي. خو که دغه تفاوتونه بیخي ډیروي، په هغه صورت کي سړی باید اختصاصي امتحان ورکړي او یا د سره درې کاله نرسنگ ووايي. نرسان هم باید دډاکترانو غوندي په الماني ژبه او ددغي ژبي په طبي اصطلاحاتو باندي پوره بلد وي.
انځور: Colourbox
انجینر
د «انجینر» لقب په جرمني کي د قانون پراساس محفوظ دی او هغه چاته ورکول کیږي، چي د انجینرئ په یوه رشته کي یې تحصیل کړی وي او علمي مهارتونه ولري. خو په جرمني کي د یوه انجینر په توگه کار کول حتمي نده، چي خارجي تحصیلي ډیپلوم دي په رسمیت وپیژندل سي. کارفرما پخپله تصمیم نیسي،چي ایا دکارغوښتونکئ مناسب کس دی او که نه! خو په هرصورت په انجینرۍ کي ډیپلوم اوتخصص د کار په بازار کي د سړي چانس لوړوي.
انځور: Fotolia/ imageteam
کمپیوټر پوه
په دغه مسلک کي تراوسه پوري خاص قوانین نه دي وضع سوي. په دغه رشته کي د یوه خالي ځای په پیداکیدلو سره هرڅوک چي ورته ځان مناسب بولي،کولای سي د کارکولو غوښتنلیک ورولیږي. په دغه برخه کي د ۲۰۱۶ م کال د کار د بازار رپوټ ته په لیدو سره د اطلاعاتي سیسټمو د پرمختگ لپاره کارپوهانواو تحلیل گرانو ته تقاضأ ډیره سوې ده. تر ټولو ډیر د لوژستیک، موټرجوړولو او ماشینانو جوړولو په برخه کي چانسونه ډیردي.
انځور: DW/Sven Falge
مسلکي کسان
د ۲۰۱۳ م کال راهیسي د جرمني د کار پیداکولو فدارالي ادارې د په اصطلاح «مثبت یا سپین فهرست» په نوم په الماني شرکتونو کي کارکول د فني او مسلکي کارگرانو لپاره اسانه کړی دی. د هغو ارقامو پر اساس چي د ۲۰۱۶ م کال په سپتمبرکي اخیستل سوي دي، مسلکي مجربو کارگارنو ته تر ټولو دمخه په فلزکاري، پرزې نصبولو، برق تکنالوژي، نل دواني او ساختماني کارونو کي کارونه پیدا سوي او ددغو اسانتیاوو څخه مستفید سوي دي.
انځور: picture-alliance/dpa/J. Woitas
د پوهنتونو او عالي مؤسسو فارغین
هغو کسانو چي لوړ تحصیلات کړي، باید د الماني ژبي سره پوره اشنايی ولري او په خپله رشته کي یې تحصیلات پای ته رسولي وي. که څه هم د هغوی د تحصیلي اسنادو تایید حتمي ندی، خو د کار پیداکولو فدرالي اداره توصیه کوي،چي خارجي تحصیلي اسنادو ته باید د الماني معیارو سره مطابقت ورکول سي. د تحصیلي اسنادو ارزیابي دتجارت او صنایعو دادرې لخوا کیږي. سړی کولای سي،خپل تحصیلي اسناد دغي ادارې ته ورولیږي.
انځور: Fotolia/Marco2811
چیري باید مراجعه وسي؟
ددې دپاره ، چي پوه سئ ، ایا ستاسي د ډیپلوم د په رسمیت پیژندلو ضرورت سته او یا نه،کوم چي په خارج کي مو اخیستی دی، د www.anerkennung-in-deutschland.de دانټرنیت پاڼي د Anerkennungsfinder بخش ته مراجعه وکړئ.
