اوسمهال باید د المان مسئوله اداره وروسته له درو کلونو څخه د مهاجرو د حفاظت قانوني وضعیت و ارزوي. دا بهیر کارمندان تر فشار لاندې راولي. اوس ټاکل شوې ده چې د بیا کتنې قاعدې په لغوه کولو سره دغه فشار را کم کړای شي.
انځور: Christoph Hardt/Geisler-Fotopress/picture alliance
اعلان
د المان فدرال حکومت غواړي چې په دغه هیواد کې د پناهندګۍ بهیر د ګړندې کولو له پاره له یوه قانون سره، د پناهندګۍ په پریکړو کې د بیا کتنې قاعده لغوه کړي.
د المان د کورنیو چارو وزیرې نانسي فېزر یوه ویاند په برلین کې وویل چې په راتلونکي کې د پناهندګۍ پریکړې یوازې د اخراجولو او یا هم د تقاضا د فسخ کولو د دلایلو په صورت کې تر اروزنې لاندې نیول کیږي.
د المان کابینې په دې اړه په موقتي شکل یوه طرحه تصویب کړې ده. دا په دې معنی چې یوه نهایي قانوني طرحه باید د المان د پارلماني لورو له خوا چمتو شي.
پر بامف او محکمو د فشار کمیدل
اوسمهال د کډوالو له پاره د المان فدرالي ادره (بامف) باید ټولې هغه پریکړې چې په وسیله یي یوه پناه غوښتونکي قانوني حفاظتي وضعیت ترلاسه کړی دی، وروسته له درو کلونو نه ورته بیا کتنه وشي، څو ولیدل شي چې آیا اوس هم د دې وضعیت له پاره مخ شرطونه اعتبار لري او که څنګه. د بیلګې په توګه د مهاجرو په مبدا هیوادونو کې د تعقیب او زورونې مسئله یا د مهاجرت دلایل. کډوال مکلف دي چې د خپلو دوسیو په بیا کتنه یا بررسۍ کې همکاري وکړي او فعالانه ونډه واخلي.
د کوم مسلک خلک په آلمان کې ژر کار ترلاسه کولی شي؟
په آلمان کې په یو شمیر کاري رشتو کې چې د پرسونل کمبود وي، له بهرنیانو څخه غوښتل کیږي چې په دغه هیواد کې د کار کولو ځانګړي اجازه ترلاسه کړي. خو په کومو برخو کې دوی کولی شي بی له تحصیلي اسنادو هم کار وکړي؟
انځور: Colourbox/Monkey Business Images
داکتر
په دې څانګه کې کار د مقرراتو پر بنسټ تنظیم شوی یعني په دې برخه کې د پوهې سطحه باید د آلماني معیارونو سره برابر وي. هغه داکتران چې له اروپایې اتحادیې څخه بهر آلمان ته راغلي دي په دې هیواد کې د کار له پاره باید اجازتنامه ترلاسه کړي. دغه اجازتنامه کیدای شي موقتي او یوازې په هغه ایالت کې اعتبار ولري چې دغه اجازتنامه یې ورکړې. بله نا محدوده اجازتنامه ده چې د هغې ترلاسه کولو له پاره باید امتحان ورکړي.
انځور: Colourbox/Monkey Business Images
نرس
په دې رشته کي سړی کولی شي یوازې د ایالتي ادارو له اجازتنامې سره کار وکړي، خو د یوې ازموینې ورکول اړين دي. یو شمیر درسي پروګرامونه او کاري تجربي د جبران وړ دي، خو که چیرې دغه توپير ډیر زیات وي بیا نو باید یوه تخصصي آزمونه ورکړي او یا هم یوه دری کلنه روزنیزه دوره بشپړه کړي. نرسان یا نرسانې هم باید په روزمره ژوند کې کاریدونکي آلماني او طبي اصطلاحاتو سره آشنایې ولري.
انځور: Colourbox
انجینر
په آلمان کې د انجینر په توګه د کار کولو له پاره حتمي نه ده چې د دغه شخص د انجینرۍ خارجي دیپلوم دې په رسمیت پیژندل شوی وي. کار ورکونکی شرکت په خپله پریکړه کوي چې آیا نوموړی شخص چې د کار ترلاسه کولو غوښتنه یې کړې یو مناسب کس دی او که څنګه؟ په عین وخت کې د یوه مسلک په برخه کې تخصص د کار په بازار کې جانس زیاتوي.
انځور: Fotolia/ imageteam
د کمپوټر متخصص
د دې مسلک له پاره تر اوسه بورې خاص قوانین نه دي وضعه شوي. د یوه کاري ځای د موجودیت په صورت کې هر څوک چې ځان مناسب بولي خپل غوښتنلیک دي واستوي. د ۲۰۱۶ کال د احصایو له مخې په دې برخه کې متخصصیونو ته تقاضا ډیره شوی ده.
انځور: DW/Sven Falge
د حرفوي زده کړو متخصصین
د ۳۰۱۳ م کال را په دیخوا د آلمان د کار د چارو وزارت په آلماني شرکتونو کې د مسلکي کارګرانو له پاره شرایط آسانه کړي دي. د هغو شمیرو له مخې چې د ۲۰۱۶ م کال په سپټمبر میاشت کې اخیستل شوي دي مسلکي بهرنیان تر ټولو زیات د فلزکارۍ، د پرزو نصبولو، د برښنا ټکنالوژۍ، پایپ جوړونې، چت جوړونې او نورو ساختماني برخو کې له دغو آسانتیاو څخه ګټه اخیستې ده.
انځور: picture-alliance/dpa/J. Woitas
تحصیل یافته متخصصین
د دې رشتو متخصصین باید په آلماني ژبه پوه اوسي او په خپله رشته کي یې لوړی زده کړې کړي وي. که څه هم د دوی د تحصیلي اسنادو تائید حتمي نه دی خو د کار په چارو کې د آلمان فدرالي اداره سپارښتنه کوي چې د بهرنیانیو متخصصینو دیپلومونه باید له آلماني معیارونو سره سم وي. دغه اسناد د سوداګرۍ او صنایعو ادارې له خوا ارزول کیږي او شاوخوا دری میاشتې وخت نیسي.
انځور: Fotolia/Marco2811
کوم ځای ته باید مراجعه وشي؟
پر دې د پوهیدلو له پاره چې آیا ستاسي دیپلوم چي له آلمان څخه مو بهر اخیستې دی په رسمیت پيژندل کیدو ته اړتیا شته او که نه، د دې انټرنټي ادرس www.anerkennung-in-deutschland.de دې برخې Anerkennungsfinder ته مراجعه وکړئ. همدارنګه په دې ادرس کې هغه آژانسونه موندلی شئ چې ستاسي اسناد ارزوي.
انځور: Fotolia/promesaartstudio
انځورونه1 | 7
دا کار د کلونو راهیسې د پناه غوښتنې د مخ پر ډیریدونکو شمیرو په پام کې نیولو سره د کډوالو او پناه غوښتونکو له پاره د المان پر فدرالي ادارې یو لوی بروکراتیک فشار دی. د المان د کورنیو چارو وزارت ویلي دي ټاکل شوې ده دغه اداره په داسې یو وضعیت کې قرار ولري چې په راتلونکي کې وکولی شي د پناه غوښتنونکو د غوښتنو په اړه د تصمیم نیونې په برخه کې له ویډیويي تخنیک څخه استفاده وکړي.
د المان حکومت غواړي په قضایي کچه له نوی پلان شوي قاعدې سره، په راتلونکي کې اداري محکمې د دې وړتیا پيدا کړي چې د حقوقي بیا کتنې په بررسیو کې اساسي مسائل د قانوني احکامو له مخې روښانه کړي. په دې وسیله ټاکل شوې ده د اوامرو صادرول یو ډول شي او په لومړیو ابتدایي قضایي پړاونو کې پر محاکمو فشار کم کشي.
ائتلافي حکومت غواړي چې د کلیسایي پناهندګۍ عنعنه محترمه وګڼي
د المان د کورنیو چارو وزارت هم په دې ارتباط ویلي دي چې په روان م کال کې په دغه هیواد کې شاوخوا ۱۳۰۰ کسانو کلیساو ته پناه وړې ده او د المان ائتلافي حکومت هم غواړي چې د «کلیسایي پناهندګۍ عنعنې» ته درناوی وشي.
خو یاد وزارت واضحه کړې ده چې کلیسا کوم حقوقي بنسټ نه دی؛ که یو څوک کلیسایي پناهندګي ترلاسه کوي، سره له دې هم باید د یوې ادارې د پریکړې په صورت کې، دغه هیواد ترک کړي.