د نورد راین وستفالن ایالت د کورنیو چارو وزیر هربرت رویل په وینا دغه عملیات د قانوني سرغړونو د څو قضیو، د هغو له جملې څخه د کوچنیو جرمونو په ارتباط ترسره شوي دي.
رویل ټینګار وکړ: «اجازه نه ورکوي داسې کسان دې دلته شتون ولري چې فکر وکړي هر کار چې زړه یې غواړي، کولی شي ترسره به یې کړي.»
د دویسبورګ ښاروال د جنایتکاره ډلو او بانډونو ترمنځ په پرله پسې ډول نښتو ته په اشارې د شکمنو کسانو د نیولو له پاره یې په پراخه پيمان د پولیسو عملیات اړین وبلل.
آژانسونه: ش.ن/ ا.و.ا
په آلمان کي د کومو هیوادونو مهاجرو ډیر جرمونه کړي دي؟
د جرمونو په برخه کي يوې څېړنيزي ادارې په آلمان کې د مهاجرو د جرمونو په اړه نوي ارقام خپاره کړي دي. د دغو مهاجرو ډيری د کومو هیوادونو دي؟
انځور: Getty Images/AFP/A. Messinisپه آلمان کي د مهاجرو نژدې ۳۵ سلنه برخه سوریایان دي، خو په مجموع کې په دغه هیواد کې د مهاجرو د جرمونو ۲۰ سلنه برخه په دوی پوري تړل شوې. په ۲۰۱۷ م کال کې ۳۳ زره سوریایې مهاجر جرمونه کړي دي.
تیرکال تر ۱۸۶۰۰ ډیرو افغان مهاجرو په مختلفو جرمونو کې لاس درلود. په آلمان کې د موجودو مهاجرو ۱۱ سلنه یې افغان مهاجرو کړي دي.
په داسې حال کې چې د عراق مهاجر په آلمان کې د مهاجرو د مجموعي شمیر ۷،۷ سلنه برخه ده، خو په جرایمو کې د هغو ونډه ۱۱،۸ سلنه وه. تیرکال نږدې ۱۳ زره عراقي مهاجرو په آلمان کې په جرمونو کې ونډه لرله.
په داسې حال کې چې د مراکش مهاجر په آلمان کې د مهاجرو ۱ سلنه برخه ده، خو په جرایمو کې د دوی ونډه شاوخوا ۴ سلنه وه. د آلمان د جرایمو د څیړنې ادارې په حواله د مراکش مهاجرو ډير وخت تر یوه وار زیات په مختلفو جرمونو کې لاس درلودلی دی.
د مراکش د ګاونډي هیواد الجزایر مهاجرو هم په جرایمو کې د پام وړ ونډه درلودلې ده. تیرکال تر ۶۰۰۰ ډیرو مراکشي مهاجرو په مختلفو جرمونو کې لاس درلودلی دی.
تیرکال په آلمان کې د مهاجرو د جرمونو ۳،۵ سلنه یې د ایراني مهاجرو وه. نږدې ۶ زره ایراني مهاجرو په مختلفو جرمونو کې لاس درلودلی وو.
د البانيا ۵۷۰۰ مهاجرو په مختلفو جرمونو کې لاس درلود، په داسې حال کې چې تر دې یو کال مخکې یعنې په ۲۰۱۶م کال کې دغه شمیر بیا نږدې ۱۰ زره وو.
تیرکال د سربستان ۵۱۵۸ مهاجرو په مختلفو جرایمو کې لاس درلود، په داسې حال کې چې تر دې یو کال مخکې د دا ډول سربیایې مهاجرو شمیر ۷۵۰۰ وو.
تیرکال په مجموع کې د مهاجرو له خوا په ترسره شویو جرمونو کې د اریتریایې مهاجرو ونډه ۳ سلنه وه. په ۲۰۱۷م کال کې ۵ زره اریتریایې مهاجرو په مختلفو جرمونو کې لاس درلودلی وو، البته په آلمان کې.
په دې برخه کې په لسم نمبر کې د سوماليا مهاجر راځي. تیرکال ۴۸۴۴ سومالیایې مهاجرو په آلمان کې په مختلفو جرمونو کې لاس درلودلی وو.
په یولسم نمبر هم د یوه بل افریقایې هیواد(نایجیریا) مهاجر دي. په ۲۰۱۷م کال کې ۴۷۵۵ نایجیریایې مهاجر په آلمان کې په مختلفو جرمونو کې ښکيل شوي ول.
د آلمان د جرایمو د څیړنې ادارې په حواله تیرکال ۳۸۰۰ پاکستاني مهاجرو په مختلفو جرمونو کې لاس درلود. دا په داسې حال کې ده چې په ۲۰۱۶ کال کې تر ۴۳۰۰ ډیرو پاکستاني مهاجرو په مختلفو جرمونو کې لاس درلود یا یې ترسره کړي دي. په داسې حال کې چې پاکستاني مهاجر په آلمان کې د مهاجرو د مجموعي شمیر ۲،۳ سلنه برخه ده، تیرکال د مهاجرو له خوا په ترسره شویو جرمونو کې هم د دوی ونډه ۲،۳ سلنه وه.
